ياوليدي
الله يعينك
ياوليدي
تسلم عينك
اللي اشوفه غير عن قبل
زمانكم كلّه بخل ببخل
محد يضحك محد يبتسم
الحزن رسمتوه رسم
ياوليدي
سنه مرّت وماشفت إلا العنف
مليون مره وانا اقول أف
استجواب بقفى استجواب
لاغدى الشر ولا الحال طاب
ياوليدي
علامكم هالارض شسوّت لكم؟
علامكم هالارض بجت لكم
تبيكم بس تدارونها
ياما حطتكم بعيونها
جم مره بتبجيلكم الكويت؟
ياوليدي
بأيّامنا ماعرفنا قبليه
ماعرفنا شنهي الطائفيه
ماعرفنا غير الحب والألفه
ماغير طريج السّنع نعرفه
ياوليدي
بس اشوف امل مرسوم
يبدد جهل وحسد وهموم
اشوف شاب كله همه
حب ديرته سرى بدمّه
ياوليدي
لاتحسدون بعض وانثروا الحب
لايشيل قلب على قلب
تسامحوا حبّوا ديرتكم
ياما باحضانها شالتكم
خافوا الله بالكويت
ياوليدي
31/12/2007
الاثنين
الله يعينك
ياوليدي
تسلم عينك
اللي اشوفه غير عن قبل
زمانكم كلّه بخل ببخل
محد يضحك محد يبتسم
الحزن رسمتوه رسم
ياوليدي
سنه مرّت وماشفت إلا العنف
مليون مره وانا اقول أف
استجواب بقفى استجواب
لاغدى الشر ولا الحال طاب
ياوليدي
علامكم هالارض شسوّت لكم؟
علامكم هالارض بجت لكم
تبيكم بس تدارونها
ياما حطتكم بعيونها
جم مره بتبجيلكم الكويت؟
ياوليدي
بأيّامنا ماعرفنا قبليه
ماعرفنا شنهي الطائفيه
ماعرفنا غير الحب والألفه
ماغير طريج السّنع نعرفه
ياوليدي
بس اشوف امل مرسوم
يبدد جهل وحسد وهموم
اشوف شاب كله همه
حب ديرته سرى بدمّه
ياوليدي
لاتحسدون بعض وانثروا الحب
لايشيل قلب على قلب
تسامحوا حبّوا ديرتكم
ياما باحضانها شالتكم
خافوا الله بالكويت
ياوليدي
31/12/2007
الاثنين
28 comments:
طب والله صدفه خير من 220 ميعاد
اول مره ادخل المدونه
الاقى نفسى البريمو
اول تعليق
جميل جدا
على فكره
انا خبطت مشوار من السويس لهنا بالعجله من غير ما اخد نفسى
ولا اريح كام يوم
وخدت لفه فى المدونه الشعريه المتميزه
وقريت الشعر بتاع عيد ميلادك
وكان نفسى اكون موجوده علشان اشرب الصاقع
سلام
وتحيه لمدونتك
اي والله صاج خافوا الله بالكويت
صح لسانك يالبرك
صـــــــــــــــــاج و صح لسانك .. والله لما سمعتها قلبي عورني :( ليش ؟!!؟
الله كريم
صح لسااااانك
السوس نخر فى النفوس الضعيفة
والفتنة على اشدها بينهم
واحنا وعيالنا الى بنروح فيها
بس كل طريق له آخر
وبننطر ونشوف
قوووووووووة
شلونك عساك طيب
غبت عنكم شوية فترة نكاهة
يعني نقاهة
شهالزين بصراحة أكثر من راح
بس على فكرة بجيتني
في جملة خلتني أوقف ونزلت دمعتي
تعبيرك أكثر من رااااائع
تسلم إيدك
اييييييييييييييييه ياحجي
ياريييييييييت تتحق الاماني
الله يحفظ هالأرض الطيبة
علامكم هالارض شسوّت لكم؟
علامكم هالارض بجت لكم
تبيكم بس تدارونها
ياما حطتكم بعيونها
جم مره بتبجيلكم الكويت؟
يعور القلب هالمقطع
وييين اللي يسمع؟
ربي يحفظج يالكويت
نفس كلام العم عمر السري في ندوة اليوم
بس اشوف امل مرسوم
يبدد جهل وحسد وهموم
اشوف شاب كله همه
حب ديرته سرى بدمّه
تمام الكلام
ربنا يهدى
يا عمي مشكلتنا ما نتقبل التغيير
يا عمي مشكلتنا تناسينا
بس ما فكرنا نعود
يا عمي ما حطينا في بالنا الا نعود مثل قبل او لا نعود
يا عمي ما حطينا في بالنا الوسط
نسينا ان كل هذا يحتاج صبر ووقت
واحنا كله مستعجلين
فدايما نفشل
يا عمي الحجي
كثرت همومنا
بس تكفي الكويت جامعتنا
وقلوبنا على بعض
شوفنا بالشدايد
واحدنا قلبه على الثاني
ترى احنا طيبين يا حجي
وترانا من نسلكم
:)
صح لسانك يا براك
اي والله خافوا الله بهالبلد
ضميركم مات عقلكم بلد
يا خوي يا البرك عسى ما شر ليش مهون عنّا
عسى موزعلك احد
وصصصصح لسااانك
وعسا الله يسمع منك ويخلون كل هالشر ويعم بقلوبهم الحب والخير لديرتنا
تسلم ايدك
لاغدى الشر ولا الحال طاب
ياوليدي
علامكم هالارض شسوّت لكم؟
علامكم هالارض بجت لكم
تبيكم بس تدارونها
ياما حطتكم بعيونها
جم مره بتبجيلكم الكويت؟
والله خنقتنى العبره
مسكينه يالكويت
فرنسا هانم
تشرفت بتعليقك الاول ووجودك الاول
اشكرك على هذا المشوار
وربنا يخليلنا الست فرنسا هانم
كم هو راقي كلام مدونتك
كم هي ارقى تلك الافكار المتواجده بالهانم
وشعر عيد الميلاد كانت عباره عن شرح لتفاصيل رحله
اشكرك
Eng_Q8
صح بدنك يالغالي
اشكرك
منو ينسى
ماادري ليش
اشكرك
بنت الشامية
تصدقين كلمة ننطر ومرادفاتها انطر ونطره وناطرين
للاسف تلك الكلمات السابقه تنخر في عزيمة هذا الوليد
اشكرك
Almas
يقويك
هلا بيك هلا
شهالغيبه
اشكر وجودك
ونأسف لدمعتك
اشكرك
lawyer
اعتقد الحجي بيفنقش والاماني وراه
فتى الجبل
ويحفظك ويحفظنا
Najmah
لما نشزف اصول التفاهات مرززه ترى الارض تبجي
لما ينتشر الجذب الارض تبجي
لما حب الوطن مانسمعه حتى بإغنيه
نبجي
وتبجي
وابجي
يانجمه
kila ma6goog
ماعرفهوش
بنت أبيها
اللهم امين
شكرا
قصة خيال
بس تكفي الكويت جامعتنا
وقلوبنا على بعض
هذا الحجي ودي ينحس
وبس
فريج سعود
حبيبي انت
لازم نعرف شنو معنى الخوف على البلد
هالاحساس نحسه
ونترجم هذه الجمله
حبنا لك ماكو مثله
حبنا لك ماكو شكله
حبنا لك عملية ماهي سهله
حبيبي انت
ماعاش من يزعلني وحسك موجود
انا اعترف اني مقصر ولي اسبابي
اولا
اعايش فتره حرجه للمراجعه مع الذات
ثانيا
ماخذ اجازه لمدة 64 يوم ومجابل الكتاب اللي واعدتك فيه وبديت بمرحله جديده مكلفتني ماديا ونفسيا واحتاج منكم المعنويا
مشاله صعبه تخلي الواحد مبتعد عن كل شي
اخوي الراقي
كل تأخيره وفيها خيره
وعلى قولة خشيم الفار
انا اسف انا اسف حبيبي خلاص انا اسف
Selezya
صح بدنك
واشكرك جدا
charisma
كلنا مساكين
اشكرك
Post a Comment