استيقظت من النوم عصرا أردت أن أبدأ يوما مميزا بعد اسبوعا حافلا بالظلم على المستوى المهني ، أردت أن أبدأ يومي بالاستمتاع بهذا الجو الرائع
حاولت فتح الباب فإذا به مغلقا (وافّادي) ماذا أفعل ولايوجد أحد بالمنزل ولاحتى جيراني أبو ناصر وأبوغانم وأبو أحمد وسيده امريكيه تسكن بالقرب منا وأسميتها جانيت (مادري ليش ) لم يكن هناك اية وسائل مساعده.
واكتشفت ان ابني خشيم الفار أوصد الباب وأغلقه بالمفتاح وذهب ليقضي أمسية جديده بعد اسبوعا حافلا باللعب
وجدت ورقة بجانبي وأخذت القلم وكتبت
لحقوني
حبسني خشيم الفار
إعتقوني
صك علي الدّار
عينوني
لحقوني
ناديت الخل والرفيج
سمعني كل الفريج
يالأياواد سمعوني
لحقوني
بين 4 جدران لوحدي
اصرخ ياويلي واقردي
صك علي الباب ولدي
خذوه وخلّوني
لحقوني
يابو غانم يابوأحمد
يرانكم ترى مقرّد
أمل الطلعه تبدّد
يسلّمكم فكّوني
لحقوني
ياشفيق ياكومار ياجانيت
حسّوا باللّي سطر بالبيت
حتى على 777 دقّيت
وإسفهوني
لحقوني
ياخشيم الفار شسوّيت بأبوك
قاعد بريحاته لا تلفون لابوك
خلّيت الباب بويهي مصكوك
وطايله أذوني
لحقوني
وينكم ياأهل البلوقات
ياللي كتبتولي تعليقات
لحقوا على برّاك زتات
ياأهل السعوديه والامارات
تكفون شلّوني
لحقوني
1/12/2007
السبت
50 comments:
ليش ما تعطي الباب جتف وينفتح انا خابر فريد شوقي سواها لين قال بس
بغيت اكتب غير هالتعليق
بس عناد كتبت هذا
:\
صباح الخير
هههههه
هذي ضريبة الأبوّة ولازم تدفعها
الله يخليلك عيالك وتكبر وتنسى
وبس
بابل
انا ييييييت
بس للاسف مااقدر اسوي شي لان حدي تعبانه
بس تدري ياخوي
تعيش وتاكل غيرها
ولازم تجرب الحبس بين اربع حيطان
صح مثل ما قال فريج سعود
عطه كتف قانوني
هذا مو بيتكم
هذا بيت توم وجيري
فريج سعود
اهو فيه جتف اصلا عشان اعطي الباب
بعدين فريد سواها لان البيبان ايام افلام فريد كانت من ورق
وعلى قولة محمد بلوشي بالنسبة للعناد
عاند وزيد عناد لحول ولا قوه
وجانك قوي الباس باسي انا اقوه
إرفع كتاب تظلم لأمه ولو إنه ما يفيد, لأن ولدك بدوره راح يعينها محامي دفاع, ثم بييبك شاهد ... ومن ثقته بنفسه بيعينك القاضي, ويخليك تصدر حكم ببراءته وتعتذر له وفوقهم تعويض على تحلطمك بحقه... كل هذا وانت تضحك
يخلي لك إياهم حجي وتقر عينك فيهم ويجعلك ذخر لهم يا ربي ياالله
:D
بـابـل
صباح الورد ياورد
الابوه ضرايبه وايده بس مو حبس انفرادي لمده 3 ساعات
لاماي لاأكل
الله يسلمك ويخليك
Shaima'a Alkandari
ياحلوها من جيّه
حياك الله
وسلامتك من التعب
مستعد اجرب الحبس بين اربع حيطان
بس مايكون سجاني واحد ماوصل 5 سنين
nEo
انا خبري فيك قاعد تبني بيتك
ماشاء الله
حاول كثر ماتقدر تخلي البيبان رقيقه عشان الاكتاف القانونيه
فتى الجبل
لا وانت الصاج مدينة السنافر
ezain_kilah
افهم من كلامك ذو الصبغة القانونيه
اني جذيه والا جذيه مظلوم
يعني اسكت احسن لي
مشكوره على دعائك الصادق
عسى الغرفه فيها حمام؟؟؟
عسى ماشر !! و خطاكم السو يمعود
انا اقول قوم رد السرير وكمل نومتك
احلى من جذي شنو :)
واذا كلش كلش دق على اهلك خلهم اهم هيلب يو
:D
خنت حيلي
خشيم الفار أخاف يصير لي لووول
لاعب فيكم لعب هالنزغه :>
ما قلت لنا
عقب ما تم الإفراج عنك
خشيم الفار شنو كان موقفة منك
:>
LOOOOOOL! الله يخليه لك ان شاء الله, يحليله خشيم الفار والله مو سهل! اموقفكم على ريل وحده LOL
ونااااااااااااسه
وشكلك تستاهل
:)))
شوف من الحين اقولك كله ول خشيم الفار فديت عمره
زين يسوي فيك
شفيها لو قعدت مع نفسك جم ساعه فرصه ويت عندك استغلها على الاقل شوف بشنو مقصر بحقوق خشيم الفار الفقير الى الله
مثل ما قلت هالله هلله بولدنا وقد اعذر من انذر
تحياتي يالشيبه
:))
لوووول
الله يخليكم لبعض
فديته خشيم الفار :)
ولهت على مدونه اه يا بلد
ايييك ازورك القى هذا حالك محبووس
ههههههههه
هذى اخرتها يا خشيم الفار تحبس اوبيك
ههههههههه
يالله هاردلك تعييش وتاخذ غيرها
يحلاته والله خشيم الفار مو سهل
:))
الله يحفظه
:)
تصبح على الف خير
تكبر وتنسى
حنطفيس
يس
عتيج الصوف
لا ماكو شي
بس حبسوني
Selezya
اهو خله فيها نومه
سدرة العشـــاق
لا يصير لي
Aldenya
الا لاعب فينا شوردلي
وكان رده ببياطه اهو صك الباب عشان ماانزعج وانام
Very.Q8ya
اكو احد سهل هالايام
اشكرك
magnoonah
اللي انا قاعد اشوفه ان انا المظلوم قلبتوني ظالم
وخشيم الفار طلع منها مثل الشعره من العجين
AnGlOpHiL
ويخليك لحبايبك
تسلم اخوي
charisma
وآه يابلد ولهت عليك
اوبيك من وين مطلعتها صج كويتيه تمبتيّه
Eng_Q8
مااعتقد راح انسى
لبيك و سعديك !!
للحين محبوس ؟
:P
يحليييه
شوف قلبه عليك يبك ترتاح و ماحد يزعجك برئ هلى الولد براءة الطفولة في عينيه
من اللحين اقولك زهب عيدية سنعة لخشيم الفار تعوض فيها العيدية الي فاتت هل المرة قفل باب الغرفة المرة الياية ماخذ سويج سيارتك
الله يحفظهم لك و يخليك لهم
فديته والله هالخشيم الفار.. مسوي اكشنات حلوة لأبوه وعليه حركااات انتييييكه
يحليله يبا الراحة لابووه وبكل براااءة
بس ان شاء الله تم الافراج عنك!!!
الله يحفظه ان شاء الله
ههههههههه
وعلللللييييه هذا من زود الحرص
قفل الباب قبل لا يطلع
عفيه عليك ياااا خشيم الفار
:)
يقولون الولد سر أبيه !
أخاف عندك قبل هواية تقفل البيبان على الكبار لا تلوم الولد يمكن طالع عليك
مساالورد والجوري
مساالأبوه اللي تكسر الخاطر
):
مبدعنا المحبوووووووس
خنت حيييل حيلي عليك
والله ماتستاهل...بس تري حتي اخشيم الفار مسكين راجع نفسك شوف انت شمسوي
يالله اعترف اللحين
؟؟؟؟؟؟؟؟؟؟؟
قول آمييييييين
عساه يكبر وتفرح فيه
وتاكل من هالمقالب ياما وياما وياما
دمت بدفء وعذوبه
وحبس انفرادي
;)
Kuw_Son
هلا باخوي
تم اطلاق سراحي بعد 3 ساعات من الحبس الانفرادي
وافادي
DanDash
منو هذا اللي قلبه علي
الحبيب صاك الباب ومخلي المفتاح عشان افقد الامل بالطلعه
وبالنسبة لعيدية خشيم الفار لو يناقز ماراح ياخذها
الـفــــجـــ الــبـــعـــيـــد ــــــر
تم الافراج عني
وشلوني
DiLLi O MiLLi
مو من مزود الحرص من زود النحاسه
mtfa2el
بصراحه انت صدتها فعلا انا قبل كانت هوايتي تقفل البيبان بالمفتاح
ربك مايطق بعصى
فراوله
مساء الورد
اي والله ابوّه تكسر الخاطر
يافراوله
والله ماسويناله شي
مدلعينه ومسوينه يادهينه لاتنكتين
انشاء الله افرح فيه بس بدون مقالب
ليش فكرت فيها بسلبية يمكن هذي فرصة منحها لك خشيم الفار انك تقعد مع نفسك وتكتب لنا هالكلام الحلو
ساعات لحظات الخلوة تكون احلى فرصة للواحد يتأمل فيها نفسه ويبدع
Until The Last Moment
اقلولج خست بالدار
وانتي تقولين لاتفكر بسلبيه
بالله صارت حريجه بتنفعني لحظة التأمّل مالتج
بس مهما يكون خشيم الفار بالعيون
خصوصا لما يقول مارثيييل
هههههههههههههههههههههههههههههههههههههههههههههه
لا صارت الحريجة حرزتها دور مارثيييييييييل والا قط روحك من الدريشة اعتقد سور بيت ييرانكم وايد قريب من دريشة دارك ::)))
مداعبة جميله.. بقدر مااغضبتك وقتها بقدر ما رسمت الضحكه على ثغرك حين تتذكرها... الله يخليك له ويخليك له
اختك..ريـــم
Until The Last Moment
خنت حيلي هاليار
ابتلش فيني وبعيالي
ريم
الله يسلمك ويخليك وصج مداعبه بس وايد ثقيله
Post a Comment