Thursday, December 6, 2007

مصوقره



اللي يصير صج ؟

وإلا غشمره

علموني 

ترى ماأحب

الدندره

اللي يصير صج ؟

وإلا غشمره
...



حالتنا زينه وكويّسه

وإلا كلها بربسه

وإلا السالفه مصوقره

اللي يصير صج ؟

وإلا غشمره

...

كل موضوع معرّض للنقاش

والحجي هالأيام ببلاش

ولجنه بقفى لجنه

وياكثر مالبحنا

الكل يسأل الشايب والمره

اللي يصير صج ؟

وإلا غشمره

....



جم واحد معترض يتأفّف

جم واحد  يتأسّف

جم وفي مجتفين إيدينه

جم مره قالت الناس ملّينا

والوضع دايم لي ورى

اللي يصير صج ؟

وإلا غشمره

4/11/2007
الاحد

50 comments:

Fahad Al Askr said...

الوضع كله لي ورى

هذا صج مو غشمرة

الشكوى لله

فريج سعود said...

البوق صاير اشكره
حكومة ومجلس طرطره
ماكو واحد يوكلهم ..ه
تخلينا نتكلم غصب
يبا مالنا خلق الدندره
-------

فتى الجبل said...

صج مو غشمرة
أوضاعنا قاعدة تتردى كل يوم عن يوم
وفلوس الديرة ما يندرى وين تروح

Barrak said...

Fahad Al Askr

وليمتى بيتم الوضع لي ورى
يمكن هذي غشمره
يبون يشوفوننا نشد الغشمره والا لا

Barrak said...

فريج سعود

ودار درى ودار مادرى

Barrak said...

فتى الجبل

تكفى يافتى الجبل قول غشمره

خلني استانس من هالدندره
فلوس الديره بتروح حق كل واحد ماله حق فيها

Kuw_Son said...

صدق صدق يا براك :)

صج الكلام مو غشمرة !!

الله يستر على الديرة !!

BTW .. good colors .. Kuwait Flag colors ;)

Barrak said...

Kuw_Son

اذا صج عيل رحنا فيها اشكره


شكرا على ملاحظتك بالنسبة للألوان
مو غريبه عنك يافنان

Until The Last Moment said...

well change your thoughts and you will change the world ..
بدل لا نقعد نطلع بهالسلبيات ونخلي تفكيرنا سلبي وبس خلونا نغير من أفكارنا الي مقيدتنا ونبدي نفكر ونشوف الاشياء بإيجابية ونلقى حلول حق مشاكلنا بدال لا نطالعها ونتحسر عليها

Barrak said...

Until The Last Moment

اولا تشرفت بوجودك سيدتي
ثانيا سيدتي انت صاحبة افضال علي
ثالثا
الموضوع عبارة عن جمل استفهامية
وعدة اسئله
هل الحالة زينه ؟؟
ممكن تقولين إيه
وممكن تكون السالفه مصوقره
هناك تفاؤل في هذه القصيده ان جاو التعبير
كل موضوع معرّض للنقاش ولكن السؤال هل افادتنا هذه النقاشات
هل افادت الشايب والمره؟
سؤال عن اعداد المتذمرين
وعن اعداد المتأسفين على الحال
هناك اجابتان
يا (لا ) يا نعم
يمكن تبين تتميزين بإجابتك
وهذا من حقك
مثل ماهو من حقي اطرح اسئلتي

لاانسى افضالك سيدتي الراقيه

ezain_kilah said...

إيييييييييييه يا براك يا خوي

ببالي حجوة بس خليني ساكتة أحسن لي

Barrak said...

ezain_kilah

الله كريم

Until The Last Moment said...

اولا الشرف لي اني اشارك في مدونتك الراقية
ثانيا هذا واجبنا ومابينا افضال ومحد يطلع من افضالك
ثالثا التساؤلات كثيرة ولكن اين الأجوبة التي ترضي كل رغبة وكل حاجة
اما بالنسبة للإجابات المتميزة فحقوق التميز محفوة لهذه المدونة التي تحمل في طياتها كل إبداع ورقي

ammaro.com said...

حلوه منك

و صدقت يالاخو, صج ان الوضع على ورى...

kila ma6goog said...

صج صج صج

kila ma6goog said...

جميل

The Voice Within said...

shita7acha, deerat b6ei5!


97 lsanik

shakshaka said...

netmana ekon ghashmara bes lel asaf waqi3!

Aldenya said...

بغمض عيوني
وبقول
غشمرة

وصح اللسانك شاعرنا

AnGlOpHiL said...

غشمرتهم بايخه ;)

ReLaaaX said...

للأسف صج مو غشمرة :/

Mishari said...

كلنا نتحلطم

والانتاجية صفر

فراوله said...

مساالورد والجوري
مبدعنا الراقي
اللي يصير
كله صج
ومو غشمره
وعيونا
تطالع
أشكره
):
الله يعينا علي اللي ياي
دمت بدفء وعذوبه
ابدا
:)

سيدة نفسي said...

:)

لا استاذي براك ماهي غشمرة كله صج بصج وهالنوبة أشكرة

بـابـل said...

صباح الورد

تصدق براك

ما أحب السياسة

بس بعلق عشانك


تسلم على روحك الوطنية العالية




وبس



بابل

انور عبدالله said...

فاحت الريحه من كثر البربسه

حتى الواحد قام كل ما يكتب عنهم يزهق
من ريحة بربستهم

تسلم ايدك وصح السانك

Noor said...

الى صاير صج ومصخره



وملينا من التحلطم


اريد حلا

magnoonah said...

مصوقره؟؟

مافي شي مصوقر الا الي تسويه بيدك وتدري عنه

Anonymous said...

من سيئ الى اسوا

هذا هو حال العالم بأسره

والله يغير حالنا للافضل


اختك

ريم

ス ♥•:*'˙ ريـــــمـــيــة˙*:•♥ス said...

من سيئ الى اسوا

هذا هو حال العالم بأسره

والله يغير حالنا للافضل


اختك

ريم

Barrak said...

Until The Last Moment

اشكرك او بالفرنسي
ميغسي
بوكوه

Barrak said...

ammaro.com

حي الله اهل البحرين
الاحلى وجودك

Barrak said...

kila ma6goog
اشكرك

Barrak said...

The Voice Within

صح بدنك

Barrak said...

shakshaka
بغمض عيوني واقول غشمره

Barrak said...

Aldenya

صح بدنك حتى انا بغمض

Barrak said...

AnGlOpHiL

جدا جداجدا

Barrak said...

ReLaaaX

اي واحد او وحده يقول انه غشمره

Barrak said...

Mishari

هذا موضوع خالصين منه بس منو اللي انتاجيته صفر احنا والا اهما

Barrak said...

فراوله


تعبت والله من هالصج
ابي شوية غشمره

Barrak said...

سيدة نفسي

سيدتي الراقيه وليمتى هالدندره

Barrak said...

بـابـل

اشكر وجودك وهذي مو سياسه هذا اسنفسار لامور واقعيه

Barrak said...

انور عبدالله

والله كلامك كبير
بصراحه شكلي اخر مره اكتب عن واقعنا وعن هالبربسه

Barrak said...

Noor

اذا لقيتوا حل قولوا لي

من زمان عنك

Barrak said...

magnoonah

كلام كبير ماقدرش اقول حاجه عنه

Barrak said...

ريم

بس بعض دول العالم على صجهم وغشمرتهم متقدمين بشي رياضه ثقافه صحه تعليم

kuwaitya_7saweya said...

للاسف
صج
مو غشمره

mtfa2el said...

براك
ما تدري بعد جم سنة يطلع لنااللي مثل زكيا زكريا و يقول لنا بخ
و ان السالفة كلها كاميرا خفية لا اكثر
ولا اقل
و ان الوضع كله عال العال ولا في مشاكل.
انا ما استبعد صراحة

Barrak said...

kuwaitya_7saweya
انزين ليش ماتقصصون علي

ترى راضي
قولولي اهي مصوقره والا لا

Barrak said...

mtfa2el


اخاف يقولون

خلّي خلي بالك
حنصوّر وانت ولا على بالك
كاميرا شأ
الكاميرا شأ
الكاميرا شأ شأ
الكاميرا شأيّه