Tuesday, December 4, 2007

HELP ME!

استيقظت من النوم عصرا أردت أن أبدأ يوما مميزا بعد اسبوعا حافلا بالظلم على المستوى المهني ، أردت أن أبدأ يومي بالاستمتاع بهذا الجو الرائع
حاولت فتح الباب فإذا به مغلقا (وافّادي) ماذا أفعل ولايوجد أحد بالمنزل ولاحتى جيراني أبو ناصر وأبوغانم وأبو أحمد وسيده امريكيه تسكن بالقرب منا وأسميتها جانيت (مادري ليش ) لم يكن هناك اية وسائل مساعده.
واكتشفت ان ابني خشيم الفار أوصد الباب وأغلقه بالمفتاح وذهب ليقضي أمسية جديده بعد اسبوعا حافلا باللعب
وجدت ورقة بجانبي وأخذت القلم وكتبت
لحقوني
حبسني خشيم الفار
إعتقوني
صك علي الدّار
عينوني
لحقوني
ناديت الخل والرفيج
سمعني كل الفريج
يالأياواد سمعوني
لحقوني
بين 4 جدران لوحدي
اصرخ ياويلي واقردي
صك علي الباب ولدي
خذوه وخلّوني
لحقوني
يابو غانم يابوأحمد
يرانكم ترى مقرّد
أمل الطلعه تبدّد
يسلّمكم فكّوني
لحقوني
ياشفيق ياكومار ياجانيت
حسّوا باللّي سطر بالبيت
حتى على 777 دقّيت
وإسفهوني
لحقوني
ياخشيم الفار شسوّيت بأبوك
قاعد بريحاته لا تلفون لابوك
خلّيت الباب بويهي مصكوك
وطايله أذوني
لحقوني
وينكم ياأهل البلوقات
ياللي كتبتولي تعليقات
لحقوا على برّاك زتات
ياأهل السعوديه والامارات
تكفون شلّوني
لحقوني
1/12/2007
السبت

50 comments:

فريج سعود said...

ليش ما تعطي الباب جتف وينفتح انا خابر فريد شوقي سواها لين قال بس
بغيت اكتب غير هالتعليق
بس عناد كتبت هذا
:\

بـابـل said...

صباح الخير

هههههه

هذي ضريبة الأبوّة ولازم تدفعها

الله يخليلك عيالك وتكبر وتنسى


وبس



بابل

Shaima'a Alkandari said...

انا ييييييت

بس للاسف مااقدر اسوي شي لان حدي تعبانه

بس تدري ياخوي

تعيش وتاكل غيرها

ولازم تجرب الحبس بين اربع حيطان

nEo said...

صح مثل ما قال فريج سعود


عطه كتف قانوني

فتى الجبل said...

هذا مو بيتكم
هذا بيت توم وجيري

Barrak said...

فريج سعود

اهو فيه جتف اصلا عشان اعطي الباب
بعدين فريد سواها لان البيبان ايام افلام فريد كانت من ورق

وعلى قولة محمد بلوشي بالنسبة للعناد

عاند وزيد عناد لحول ولا قوه
وجانك قوي الباس باسي انا اقوه

ezain_kilah said...

إرفع كتاب تظلم لأمه ولو إنه ما يفيد, لأن ولدك بدوره راح يعينها محامي دفاع, ثم بييبك شاهد ... ومن ثقته بنفسه بيعينك القاضي, ويخليك تصدر حكم ببراءته وتعتذر له وفوقهم تعويض على تحلطمك بحقه... كل هذا وانت تضحك

يخلي لك إياهم حجي وتقر عينك فيهم ويجعلك ذخر لهم يا ربي ياالله
:D

Barrak said...

بـابـل

صباح الورد ياورد
الابوه ضرايبه وايده بس مو حبس انفرادي لمده 3 ساعات
لاماي لاأكل

الله يسلمك ويخليك

Barrak said...

Shaima'a Alkandari

ياحلوها من جيّه
حياك الله
وسلامتك من التعب

مستعد اجرب الحبس بين اربع حيطان
بس مايكون سجاني واحد ماوصل 5 سنين

Barrak said...

nEo

انا خبري فيك قاعد تبني بيتك
ماشاء الله
حاول كثر ماتقدر تخلي البيبان رقيقه عشان الاكتاف القانونيه

Barrak said...

فتى الجبل


لا وانت الصاج مدينة السنافر

Barrak said...

ezain_kilah

افهم من كلامك ذو الصبغة القانونيه
اني جذيه والا جذيه مظلوم

يعني اسكت احسن لي

مشكوره على دعائك الصادق

حنطفيس said...

عسى الغرفه فيها حمام؟؟؟

عتيج الصوف said...

عسى ماشر !! و خطاكم السو يمعود

Selezya said...

انا اقول قوم رد السرير وكمل نومتك
احلى من جذي شنو :)
واذا كلش كلش دق على اهلك خلهم اهم هيلب يو
:D

سدرة العشـــاق said...

خنت حيلي

خشيم الفار أخاف يصير لي لووول

Aldenya said...

لاعب فيكم لعب هالنزغه :>

ما قلت لنا
عقب ما تم الإفراج عنك
خشيم الفار شنو كان موقفة منك
:>

Very.Q8ya said...

LOOOOOOL! الله يخليه لك ان شاء الله, يحليله خشيم الفار والله مو سهل! اموقفكم على ريل وحده LOL

magnoonah said...

ونااااااااااااسه

وشكلك تستاهل
:)))

شوف من الحين اقولك كله ول خشيم الفار فديت عمره
زين يسوي فيك
شفيها لو قعدت مع نفسك جم ساعه فرصه ويت عندك استغلها على الاقل شوف بشنو مقصر بحقوق خشيم الفار الفقير الى الله


مثل ما قلت هالله هلله بولدنا وقد اعذر من انذر

تحياتي يالشيبه
:))

AnGlOpHiL said...

لوووول

الله يخليكم لبعض

فديته خشيم الفار :)

charisma said...

ولهت على مدونه اه يا بلد
ايييك ازورك القى هذا حالك محبووس
ههههههههه
هذى اخرتها يا خشيم الفار تحبس اوبيك

ههههههههه
يالله هاردلك تعييش وتاخذ غيرها

يحلاته والله خشيم الفار مو سهل
:))

الله يحفظه
:)
تصبح على الف خير

Eng_Q8 said...

تكبر وتنسى

Barrak said...

حنطفيس


يس

Barrak said...

عتيج الصوف

لا ماكو شي
بس حبسوني

Barrak said...

Selezya

اهو خله فيها نومه

Barrak said...

سدرة العشـــاق

لا يصير لي

Barrak said...

Aldenya

الا لاعب فينا شوردلي

وكان رده ببياطه اهو صك الباب عشان ماانزعج وانام

Barrak said...

Very.Q8ya

اكو احد سهل هالايام


اشكرك

Barrak said...

magnoonah

اللي انا قاعد اشوفه ان انا المظلوم قلبتوني ظالم
وخشيم الفار طلع منها مثل الشعره من العجين

Barrak said...

AnGlOpHiL

ويخليك لحبايبك

تسلم اخوي

Barrak said...

charisma

وآه يابلد ولهت عليك

اوبيك من وين مطلعتها صج كويتيه تمبتيّه

Barrak said...

Eng_Q8

مااعتقد راح انسى

Kuw_Son said...

لبيك و سعديك !!

للحين محبوس ؟
:P

DanDash said...

يحليييه
شوف قلبه عليك يبك ترتاح و ماحد يزعجك برئ هلى الولد براءة الطفولة في عينيه

من اللحين اقولك زهب عيدية سنعة لخشيم الفار تعوض فيها العيدية الي فاتت هل المرة قفل باب الغرفة المرة الياية ماخذ سويج سيارتك

الله يحفظهم لك و يخليك لهم

الـفــــجـــ الــبـــعـــيـــد ــــــر said...

فديته والله هالخشيم الفار.. مسوي اكشنات حلوة لأبوه وعليه حركااات انتييييكه
يحليله يبا الراحة لابووه وبكل براااءة
بس ان شاء الله تم الافراج عنك!!!

الله يحفظه ان شاء الله

DiLLi O MiLLi said...

ههههههههه

وعلللللييييه هذا من زود الحرص
قفل الباب قبل لا يطلع
عفيه عليك ياااا خشيم الفار

:)

mtfa2el said...

يقولون الولد سر أبيه !
أخاف عندك قبل هواية تقفل البيبان على الكبار لا تلوم الولد يمكن طالع عليك

فراوله said...

مساالورد والجوري
مساالأبوه اللي تكسر الخاطر
):
مبدعنا المحبوووووووس
خنت حيييل حيلي عليك
والله ماتستاهل...بس تري حتي اخشيم الفار مسكين راجع نفسك شوف انت شمسوي
يالله اعترف اللحين
؟؟؟؟؟؟؟؟؟؟؟
قول آمييييييين
عساه يكبر وتفرح فيه
وتاكل من هالمقالب ياما وياما وياما
دمت بدفء وعذوبه
وحبس انفرادي
;)

Barrak said...

Kuw_Son

هلا باخوي

تم اطلاق سراحي بعد 3 ساعات من الحبس الانفرادي
وافادي

Barrak said...

DanDash

منو هذا اللي قلبه علي

الحبيب صاك الباب ومخلي المفتاح عشان افقد الامل بالطلعه

وبالنسبة لعيدية خشيم الفار لو يناقز ماراح ياخذها

Barrak said...

الـفــــجـــ الــبـــعـــيـــد ــــــر

تم الافراج عني

وشلوني

Barrak said...

DiLLi O MiLLi

مو من مزود الحرص من زود النحاسه

Barrak said...

mtfa2el

بصراحه انت صدتها فعلا انا قبل كانت هوايتي تقفل البيبان بالمفتاح

ربك مايطق بعصى

Barrak said...

فراوله

مساء الورد

اي والله ابوّه تكسر الخاطر

يافراوله
والله ماسويناله شي
مدلعينه ومسوينه يادهينه لاتنكتين

انشاء الله افرح فيه بس بدون مقالب

Until The Last Moment said...

ليش فكرت فيها بسلبية يمكن هذي فرصة منحها لك خشيم الفار انك تقعد مع نفسك وتكتب لنا هالكلام الحلو
ساعات لحظات الخلوة تكون احلى فرصة للواحد يتأمل فيها نفسه ويبدع

Barrak said...

Until The Last Moment

اقلولج خست بالدار
وانتي تقولين لاتفكر بسلبيه

بالله صارت حريجه بتنفعني لحظة التأمّل مالتج


بس مهما يكون خشيم الفار بالعيون
خصوصا لما يقول مارثيييل

هههههههههههههههههههههههههههههههههههههههههههههه

Until The Last Moment said...

لا صارت الحريجة حرزتها دور مارثيييييييييل والا قط روحك من الدريشة اعتقد سور بيت ييرانكم وايد قريب من دريشة دارك ::)))

ス ♥•:*'˙ ريـــــمـــيــة˙*:•♥ス said...

مداعبة جميله.. بقدر مااغضبتك وقتها بقدر ما رسمت الضحكه على ثغرك حين تتذكرها... الله يخليك له ويخليك له



اختك..ريـــم

Barrak said...

Until The Last Moment

خنت حيلي هاليار

ابتلش فيني وبعيالي

Barrak said...

ريم


الله يسلمك ويخليك وصج مداعبه بس وايد ثقيله