اللي يصير صج ؟
وإلا غشمره
علموني
ترى ماأحب
ترى ماأحب
الدندره
اللي يصير صج ؟
وإلا غشمره
...
...
حالتنا زينه وكويّسه
وإلا كلها بربسه
وإلا السالفه مصوقره
اللي يصير صج ؟
وإلا غشمره
...
...
كل موضوع معرّض للنقاش
والحجي هالأيام ببلاش
ولجنه بقفى لجنه
وياكثر مالبحنا
الكل يسأل الشايب والمره
اللي يصير صج ؟
وإلا غشمره
....
....
جم واحد معترض يتأفّف
جم واحد يتأسّف
جم وفي مجتفين إيدينه
جم مره قالت الناس ملّينا
والوضع دايم لي ورى
اللي يصير صج ؟
وإلا غشمره
4/11/2007
الاحد
50 comments:
الوضع كله لي ورى
هذا صج مو غشمرة
الشكوى لله
البوق صاير اشكره
حكومة ومجلس طرطره
ماكو واحد يوكلهم ..ه
تخلينا نتكلم غصب
يبا مالنا خلق الدندره
-------
صج مو غشمرة
أوضاعنا قاعدة تتردى كل يوم عن يوم
وفلوس الديرة ما يندرى وين تروح
Fahad Al Askr
وليمتى بيتم الوضع لي ورى
يمكن هذي غشمره
يبون يشوفوننا نشد الغشمره والا لا
فريج سعود
ودار درى ودار مادرى
فتى الجبل
تكفى يافتى الجبل قول غشمره
خلني استانس من هالدندره
فلوس الديره بتروح حق كل واحد ماله حق فيها
صدق صدق يا براك :)
صج الكلام مو غشمرة !!
الله يستر على الديرة !!
BTW .. good colors .. Kuwait Flag colors ;)
Kuw_Son
اذا صج عيل رحنا فيها اشكره
شكرا على ملاحظتك بالنسبة للألوان
مو غريبه عنك يافنان
well change your thoughts and you will change the world ..
بدل لا نقعد نطلع بهالسلبيات ونخلي تفكيرنا سلبي وبس خلونا نغير من أفكارنا الي مقيدتنا ونبدي نفكر ونشوف الاشياء بإيجابية ونلقى حلول حق مشاكلنا بدال لا نطالعها ونتحسر عليها
Until The Last Moment
اولا تشرفت بوجودك سيدتي
ثانيا سيدتي انت صاحبة افضال علي
ثالثا
الموضوع عبارة عن جمل استفهامية
وعدة اسئله
هل الحالة زينه ؟؟
ممكن تقولين إيه
وممكن تكون السالفه مصوقره
هناك تفاؤل في هذه القصيده ان جاو التعبير
كل موضوع معرّض للنقاش ولكن السؤال هل افادتنا هذه النقاشات
هل افادت الشايب والمره؟
سؤال عن اعداد المتذمرين
وعن اعداد المتأسفين على الحال
هناك اجابتان
يا (لا ) يا نعم
يمكن تبين تتميزين بإجابتك
وهذا من حقك
مثل ماهو من حقي اطرح اسئلتي
لاانسى افضالك سيدتي الراقيه
إيييييييييييه يا براك يا خوي
ببالي حجوة بس خليني ساكتة أحسن لي
ezain_kilah
الله كريم
اولا الشرف لي اني اشارك في مدونتك الراقية
ثانيا هذا واجبنا ومابينا افضال ومحد يطلع من افضالك
ثالثا التساؤلات كثيرة ولكن اين الأجوبة التي ترضي كل رغبة وكل حاجة
اما بالنسبة للإجابات المتميزة فحقوق التميز محفوة لهذه المدونة التي تحمل في طياتها كل إبداع ورقي
حلوه منك
و صدقت يالاخو, صج ان الوضع على ورى...
صج صج صج
جميل
shita7acha, deerat b6ei5!
97 lsanik
netmana ekon ghashmara bes lel asaf waqi3!
بغمض عيوني
وبقول
غشمرة
وصح اللسانك شاعرنا
غشمرتهم بايخه ;)
للأسف صج مو غشمرة :/
كلنا نتحلطم
والانتاجية صفر
مساالورد والجوري
مبدعنا الراقي
اللي يصير
كله صج
ومو غشمره
وعيونا
تطالع
أشكره
):
الله يعينا علي اللي ياي
دمت بدفء وعذوبه
ابدا
:)
:)
لا استاذي براك ماهي غشمرة كله صج بصج وهالنوبة أشكرة
صباح الورد
تصدق براك
ما أحب السياسة
بس بعلق عشانك
تسلم على روحك الوطنية العالية
وبس
بابل
فاحت الريحه من كثر البربسه
حتى الواحد قام كل ما يكتب عنهم يزهق
من ريحة بربستهم
تسلم ايدك وصح السانك
الى صاير صج ومصخره
وملينا من التحلطم
اريد حلا
مصوقره؟؟
مافي شي مصوقر الا الي تسويه بيدك وتدري عنه
من سيئ الى اسوا
هذا هو حال العالم بأسره
والله يغير حالنا للافضل
اختك
ريم
من سيئ الى اسوا
هذا هو حال العالم بأسره
والله يغير حالنا للافضل
اختك
ريم
Until The Last Moment
اشكرك او بالفرنسي
ميغسي
بوكوه
ammaro.com
حي الله اهل البحرين
الاحلى وجودك
kila ma6goog
اشكرك
The Voice Within
صح بدنك
shakshaka
بغمض عيوني واقول غشمره
Aldenya
صح بدنك حتى انا بغمض
AnGlOpHiL
جدا جداجدا
ReLaaaX
اي واحد او وحده يقول انه غشمره
Mishari
هذا موضوع خالصين منه بس منو اللي انتاجيته صفر احنا والا اهما
فراوله
تعبت والله من هالصج
ابي شوية غشمره
سيدة نفسي
سيدتي الراقيه وليمتى هالدندره
بـابـل
اشكر وجودك وهذي مو سياسه هذا اسنفسار لامور واقعيه
انور عبدالله
والله كلامك كبير
بصراحه شكلي اخر مره اكتب عن واقعنا وعن هالبربسه
Noor
اذا لقيتوا حل قولوا لي
من زمان عنك
magnoonah
كلام كبير ماقدرش اقول حاجه عنه
ريم
بس بعض دول العالم على صجهم وغشمرتهم متقدمين بشي رياضه ثقافه صحه تعليم
للاسف
صج
مو غشمره
براك
ما تدري بعد جم سنة يطلع لنااللي مثل زكيا زكريا و يقول لنا بخ
و ان السالفة كلها كاميرا خفية لا اكثر
ولا اقل
و ان الوضع كله عال العال ولا في مشاكل.
انا ما استبعد صراحة
kuwaitya_7saweya
انزين ليش ماتقصصون علي
ترى راضي
قولولي اهي مصوقره والا لا
mtfa2el
اخاف يقولون
خلّي خلي بالك
حنصوّر وانت ولا على بالك
كاميرا شأ
الكاميرا شأ
الكاميرا شأ شأ
الكاميرا شأيّه
Post a Comment