يقولون صار عمري اليوم33
ماادري حسبتي صح والا غلط ؟
17/12/1974 - 17/12/2007 يقولون الناتج 33 سنه
بهذه المناسبه اهدي لنفسي هذه الأبيات
بهذه المناسبه اهدي لنفسي هذه الأبيات
فرحان
خلقت لك مكانه
بهالزمان
قولي ياأنا
فرحان
متخيّل شكثر صار عمرك
متصوّر صرت شكبرك
فوق الثلاثين
ثلاث مرّات زاد عمرك
ثلاث مرّات زاد عمرك
لقيت ماتبيه
شفت ماكنت متمنِّيَه
صار عمرك ثلاثين
إيه
إيه
إيه
نثرت كلامك؟؟
وإلا هالعمر مثل مامر ماهمِّك
!! هالسّنه علامك
ماوفتك الحروف؟؟
وإلاّللحين ماتشوف
طريج دنياك
قولي يابرّاك
شكثر فيك بعد ؟؟بتقوله
قولي يابراك
شكثر إنت بتبقى إنت
شكثر صرت شكثر كنت
جم واحد فقدت
جم مرّه تعلّمت
ليش عشت
تبني بطيبتك طيبه
ليش عشت ؟؟
مثل الطفل البرئ
تتناثر أحلامه تحت لحافه
ليش صرت
إنسان جرئ
مابقى له شي ماخافه
ليش صرت
ليش عشت
قولي يابراك
فرحان؟؟
قدرت تربّي عيالك
قدرت تعرف مابقالك
ترى السّنين ركضت جدامك
حس بنفسك علامك ؟
ليمتى حياتك قلم ودفتر؟
ليمتى بتتخيّل وتتصوّر
وليمتى الذكرى اللي فيك
ماتبي تخلّيك
واللي خلاك للحينك حابّه؟
وللحين تقول
له رب يحاسبه
إسأل عيونك
شافت ماتبيه ؟
هالقلب لقيت أمانيه؟
سنينك اللي راحت ؟
صح ؟؟
قدرت تنسى فراق أبوك
قدرت تعوّضهم حنانه
قدرت تخلق لهم مكانه
ليمتى بتقول ليمتى
17/12/2007
103 comments:
لأن حظك حلو, أنا أول المعلقين لوووول... خوش سنة بتصير, لأن ويهي خير, أبدا ما راح تكون سنة كبيسة لوووول
كل عام وانت بخير و الله يخليك لخشيم الفار و باقي العائلة الكريمة
كل عام و انت بخير و صحة و سعادة
و العمر كله إن شاء الله
و يخليلك الأهل كلهم إن شاء و يخليك لهم ذخر
:)
كل عام وانت بخير ولك طولت العمر انشالله
وصح لسانك
بعد شتبي عمرك ذهبي :)
كل عام وانت بخير
ترى آنا قوس نفسك
و كأني ارى الخوف واضح من قدوم الاربعين
يالله خل اقولك الكلام اللي ماله معنى ابدا
الشباب شباب القلب مو العمر
اي ادري
:P
أولا
سنة حلوة يا جميل شششا سنة حلوة يا جميل شششا
يالله حالا بالا بالا حيو ابو الفصاد حيكون عيد ميلاده الليلة اجمل الأعياد متحيو أبو الفصاد
وعيالي بالروضة يغنون لك
عيييييد ميلاد الليلة مييين عيد ميلاد النونه فرحاانين و مبسوطيين و نشيلوه في عيونااا
بعد الفاصل الغنائي
كل سنة و انت بخير و بصحة و سلامة ويخليك للغالين عليك و يخليك لهم إن شاء الله
كل ميلاد يمر يسجل معاه عبرة
وانت قدها و قدود
و شفيها الثلاثين
و ام كلثوم شتقول
يا تلاتة و تلاتين آنييييييييييستيناااا
لالا مو يا ليلة العيد اشفيك اهي غنت يا تلاتة و تلاتين تالي غنت يا ليلة العيد
و اخيرا اترك مع جملة الغالي لي الله يرحمه في كل عيد ميلاد مر واهو معاي
" هــــــــدد مـــو عـــــدد"
ان شاء الله
كل عـــــام و انت بخــير حبوب
كلماتك خنقت فيني العبرة !
الله يطول بعمرك و يخليك حق احبابك
:)
يعطيك ربى طولت العمر والصحة
وكل عام وانت بخير وحب
ترى احلى سنين العمر تبداء بهالمرحله
فتمتع فيها على كثر ما تقدر انت وام العيال.....الله يخليك لهم ويخليهم لك
happy birthday
o 3o2bal 1000000 sna
o inshallah betlagee amaneek o betkooon sena 7elwa 3alaik
btw.. ana sebagtek byomeen.. bas bil tareekh mo el 3omer;)
عساهم هدد مو عدد والعمر كله يا رب وان شاء الله سنه خير عليك
والله يخليلك اسرتك ويخليك لهم وتكون ذخر للعايله واللى خلف ما مات وان شاء الله بتكون قدها وقدود وتكمل مسيره الوالد الله يرحمه
وتدرى ان الجنه ندخلها وعمرنا 33 يعنى احلى عمر واحلى شباب
الله يحفظك ويحفظ لك اسرتك
وعيدك مبارك وزهب العيديه وخاصه خيم الفار زيده :)
الله يطول بعمرك يابراك بطاعته ،، ويقويك
happy birthday oo 3oqbaal el 33 ba3ad el 100 ;)
oo allah la ya7remnah menek wala men kalamek :*********
كل عام و انتي بخير يا الغالي براك
ان شا الله ما تلاقي الا الخير بكل عام يديد عليك
و انا شخصيا ناطر الكتاب اللي بيجمع كل بوستاتك بالموقع القديم و اليديد
very.q8ya
فعلا حظي حلو
من غير لوول
ان شاء الله مو السنه اليايه اللي بتصير خوش ان شاء الله كل السنين خوش
اشكرك على دعائك الصادق
ماتبين رهشه
سدرة العشـــاق
وانتي بخير وصحه وسلامه مع من نحبّين
مشكوره فيج الخير
Eng_Q8
الله يسلمك ويخليك يالغالي اشكرك
وياحلو دعاؤك
بس تعال
شلون عمري ذهبي
عيل الماسي جم
فتى الجبل
الله يسلمك ويخليك
انت القوس علبالك القوس زين
nEo
ليس خوفا من الاربعين بل خوفا على الاربعين
الشباب شباب القلب ومن فات اديمه وتاه ويامطوطي راسك بالجليب
على قولتك ابد مافيهم فايده
على قولتهم
اهو كلام
تصدق
اخر كلمتين وايد عجبوني
اي ادري
خوش مطلع
الواحد اللي يسولف وياك ساعه يكتب ديوانين
DanDash
هههههههههههههه
حلوه شششاااه شششاه شششااااه
ماادري ليش تخيلت بنات وصبيان بالروضه وصفّة بنات عناقيص واول وحده فيهم ثرمه
ههههههههه
ودي اشوف واحد من الربع جيكر يقول ششاااه ششاه شششاه
على طول ارنّه بالطفايه
ترى يركب علي ابو الفصاد
شششاه ششاه شششااااه
وانتي بخير وصحه وسلامه
ام كلثوم غنت للثلاثين
توني ادري
الله يرحمك ياست
ممكن سؤال
الله يرحمه ويغمد روحه الينه فسرلك معنى هدد مو عدد
AnGlOpHiL
وانتي بخير وصحه وسلامه
بصراحه كلماتي كتبت ونشرت في ثوان
لم اراجعها
نشرتها من دون اي تصحيح
والمحصله ان كان هناك اخطاء بترتيب الكلمات
تداخلت الحروف
مع العبرات
والبسمات
اشكرك
بنت الشامية
الله يسلمك ويخليك ويعطيك طولة العمر
ربي يورينا فلذات اكبادك معاريس
اشكرك
ماشالله :)
الله يطول عمرك بالصالحات
السنين تركض
تحس جنه أمس يوم كملت العشرين
هذي الدنيا .. تركض فينا
الله يطول بعمرك
و ان شالله تكون السنه اليديده
كلها خير لك
كلماتك حزينه
Ni3Na3aH
مشكوره وتسلمين
بس 10 الاف سنه مايبقى فيني الا ضرس يرقل وحواجب
وكل عام وانتي بخير وعقبال 90 سنه بس زين
مشكوره
nadeyah
الله يطول بعمرك ويخليك لاحبابك
اشكرك
واشكرك على المعلومه بصراحه اول مره اسمعها
ربي يجعلنا وياكم من اهل الجنه
وخشيم الفار راح نزيده بس خل يرحمنا
nadeyah
وعيدك مبارك
ReLaaaX
الله يسلمك ويبارك فيك ويخليك
Om Jaber
يسلمك ويخليك مشكوره على هالكلام والامنيات
mtfa2el
انا شخصيا اقولك تسلم ياوفي
مشكور ياخوي وربي يسعدك ويعيشك دوم بتفاؤل
وبدأت فعليا بالعمل في الديوان وناطر المطبعه
وبنزله بوقت المعاشات عشان ماتكون لكم حجه
بعثرة مشاعر
اي والله السنين تركض
ربي يطول بعمرك ويخليك
فعلا كلماتي حزينه
رغم اني حاولت جاهدا ان اتصنع الفرح
كنت وايد صادق بهالقصيده ان جاز التعبير
لمست نبرة الحزن فيها
الله يعطيك طولة العمر
ويعمر أيامك بالطاعة
كل عام وأنت بخير
لك
و لأجل العيد
:)
كل عام وانت بالف خير
واحلى عمر هذا
بس بعد الثلاثين توقف الحسبه لا تعد عشان تعيش شباب دائم طيعنى وانا اوخيتك لا تحسب
ههههههههههه
الله يحفظك يا براك ويعطييك الصحه والعافيه
تستاهل كل خير
وعساك على القوه
وعيدك مبارك مقدما
كل عام وانته بخير
وقلمك وورقتك بألف خير
فرحان؟
اي خلك فرحان
لك حق تفرح بهالزمان
الحمدلله منت اي انسان
لك بكل قلب مكان
.
...
ثلاثة وثلاثين ربيع
عمر العقل والاستقرار النفسي والنضوج
ثلاثه وثلاثين..عمر أهل الجنه جعلنا ربي وإياك منهم
ثلاثه وثلاثين...عمر تقف على حافته وتنظر للسابق
وتقول الحمدلله على كل تلك الذكريات الجميله
والانجارات الكبيرة
واجمل انجاز هو أسرتك الصغيره
خشيم الفار وأخيه
وأم العيال الغاليه
راحت شخاطة التعش
ووتخبط العشرينات
وانته حاليا بأحلى عمر
:))
الله يحفظك
ويشرح صدرك
ويسعدك دنيا وآخره
وكل العمر وانته يا اخونا الغالي داااائما بخير
كل عام وانت بخير وصحة وسلامة :)
ويطول عمرك بالافراح والطاعات يارب
كل عام وانت بخير براك
من زمان ماسيرت على البلوقرز
قريت البوستات اللي طافتني واستمتعت فيهم .. اما بوست حجاب بو روب هههه شي عجيب
ومبروك على السايت.. بالتوفيج ان شالله
كل عام وانت بخير :-)
LOL.. tgool mayebga feek ella thers wa7ed o 7wajeb? latez3al 100 sena kfaya?
3edek mbarak o kil 3am went bkheir
كل عام وانت بألف خير
وعيدك مبارك
كل العمر لك ياوخيي يا براك
كل سنه وانت طيب
وعيدك مبارك وعساك من العايدين الفايزين
العمر كله يا البرك :)
عيدك مبارك
و أنا لاحقك ن شاء الله .. كلها جمن يوم و أصير 27
:P
i am 33
عادي ماكو إلا العافيه
هههههههه
عيدكم مبارك و تقبل الله طاعتكم
أول شي
HAPPY BIRTHDAAAAAAAAY BARRAK
:)
عيـــدك مبارك
و كل عام و أنت بخير
qesat_5ayal
اليوم فيني حالة شعريه لاتوصف
فقررت استمرار هذه الحالة والرد عليكم بصورة شعريه
يالخيال وقصته
هني قلبي بفرحته
وبهالسنين
هني ال33
وارتجيلي الوقت
يرحمنا برحمته
يالخيال وقصته
charisma
بعد الثلاثين
توقف الحسبه
شبقى عشان نكسبه
وسبقى نخسره
بعد الثلاثين
تنتهي مسألة العد
مايهم من راح ورد
ومايهم هالعمر
لو ظلينا نحسبه
بعد الثلاثين
توقف الحسبه
انور عبدالله
انور
انت دوى القلب
لو اشتقى
وتعوّر
انور
انت بذرة الطيبه
انت الاحساس كله
تصوَّرُ
ياانور
esTeKaNa
يااستكانه
ياللي بالعذوبة
رويانه
يااستكانه
العمر يمضي ويمر
المهم شكثر نعتبر
نشوف شي يفرّح
ويسر
ويهتني الواحد بزمانه
يااستكانه
ياللي بالعذوبة
رويانه
Najmah
نجمه
بتعليقها منيه
وبسمه
نجمه
Nescafé
نسكافيه
شهالغيبه
اه وييه
نسكافيه
من زمان خبرنا فيك
كانت البوستات تناديك
كل ماسألنا عنك قالوا
ولّيه
نسكافيه
شيخه
وانتي بخير وصحه
كلامك شملحه
نثر بصفحتي نسمه
ياللي من السما اسمى
كلامك جدد الفرحه
وانتي بخير وصحه
Ni3Na3aH
انا قلت حواجب
وضرس يرقل
بعد هالسنين
بكون متغربل
الزمن ماله صاحب
انا قلت حواجب
إمية سنه يمدي
ازور المحيط الهندي
والبس عقال وردي
والصاحب ساحب
انا قلت حواجب
الوجد
ياوجد
كلامك زارني
والدنيا حولي برد
ياوجد
كل عام وانتي بخير
وحوالينك ورد
ياوجد
Mamloo7a Q8ia
ياملح الكويت
مشكوره
يارويحة اليّنه
مشكوره
Kuw_Son
بتصير 27
وبتزيد السنين
ويبقى العمر فيك يتزيّن
وتبقى من الزين ازين
انسان دينه بدمه
كريمه بلسانه الكلمه
انسان
فنان ورزين
بتصير 27
Яeema
اكيد
ماكو الا العافيه
ماراح نكون مقاريد
اكيد
عادية السالفه
قولي الصج
ترى باجر عيد
أكيد
Purplecious
واق واق
هابي بيرثدي براك
شبتسوي
نبي هديه
ساعه لو قلم
لو دلاق
شبتسوي
هبي بيرثدي براك
واق واق
عسا العمر كله
مادري حسيت بكلماتك كلمة حزن
بس عموما كل عام وانت بخير وعسا ما للحزن مكان ابد
وعيدك مبارك
عيدكم مبارك
و كل عام وانت ابخير وانشاء الله اتكون هالسنه سنه خير وسعاده
سنك سن الحكمه والشباب وعمر اهل الجنه
لاحقينك بالطريج ما بقالى شى على 27
تسال روحك ليمتى حياتك دفتر وقلم
القلم والدفتر اهمه ربعك الى تقدر تفتح لهم قلبك وتتكلم عن احساسك ومشاعرك
اشعارك نعمه وهبها ربك لاتفكر تتخلى عنها
والذكرى اهيه جزء منا واهيا الى تصقل شخصيه الانسان لا يمكن تتخلى عنك اهم شى الاستفاده منها
وحنان االاب اوالام لا يمكن ان يعوض
عيدك مبارك
ومن عواده يالغالى
والله لا يحرمنا منك
كل عام وانت بألف الف خير
العمر كله إن شاءالله
واسف على التأخير
**
وعيدك مبارك إن شاءالله
من العايدين والفايزين يالغالي
كل عام وانت بخير
ونشوف يمها صفر وتصير 330 ((:
اييييد مباااارك بابا
هااا بشر عسى خشيم الفار راضي عن العيدية هل المرة
" معنى" هدد مو عدد
الله يسلمك تعنى عسى عمرك ماينقاس بالسنوات
يعني يتمنى لك عمر طويل مديد ان شاء الله لا يعد ولايحصى
"ألفت الفصحى من عندني"
بس لحظة
لحظة
شنو هذا ماقبول
الحييين صوتي راح و انا اقول شششاه و حيو ابو الفاصاد و عيالي بس يناقزون و يغنون عيد ميلاد الليلة مييين
و لا حصلت ربع بيت شعر
ليه كده :(
كسر ياخوك كسر ..مابعد ما كلنا مكسرين ..شنو فرق الزمن والقب بعده نضر ..كسر يا خوك كسر ...شنو فرق السنين واحنا بنفس الحكم ....
قراقوش يحكم العالم ..حسبنا السنين من بعد هزيمه ..وقضيتنا نسيناها وفكر في الاخضر والاحمر ..كسر ياخوك كسر
خلنا في الفرح ترى عمر اهل الجنه 33
كسر ياخوك كسر
وشلي ضيق خلقك ...
تراك حلو ومزيون ..لو تبي تتزوج الف من تبيك من باجر
كسر ياخوك كسر ..
احبك واموت فيك لو كان عمرك مليون
عساهم هدد
مو عدد
كل عام وانت بألف خير
عيدك مبارك يا بوعبدالله
وعساك دوم من عواده
^_^
يااااااااااه سنيور براك
33 سنه
شي
بس والله حلو العمر
رقمين متشابهين
العمر كله يارب
وعيدك مبارك يالشيخ
عيدك مبارك وتقبل الله طاعتك
مساالورد والجوري
مساالأعوام الجديده
والسعيده
باذن رب السموات
مبدعنا الراقي
دائما ما نخاف عندما نقترب من سنه جديده لأعمارنا
ولكن
الأجمل ان نكون سعيدين بكل الانجازات
الجميله والصادقه
التي مرت بالعام المنصرم
والأهم هو
أننا أكتسبنا
أخ رائعا
:)
وشاعرا راقيا
:)
وأبا حنونا لأطفاله
:)
ومحبا لعائلته
:)
وهذه هي الثروه الجميله
بالنهايه
أعذر اطالتي
ولكني
أود ان اقول
انت الخير لكل سنه
وانت المبدع لكل سنه
وانت الراقي لكل سنه
عيدك مبارك
والعمر المديد
باذن واحد أحد
:)
دمت بدفء وعذوبه
ابدا
:)
أعمار أهل الجنة 33 ..
أحلى أعمار العمر :)
اثبت على هالعمر ولا تزيد
كل عام وانت بخير
Selezya
حزن
منه القلب يون
حزن
الامه بسواد الجفن
حزن
لو اتوه عنه سنين
من غيري على باله
يعن
حزن
Noor
يانور
كيف اوصف هالشعور
واحساس شاعر حروفه لمته
وانفاس ضاقت من غيبته
من غاب وانا مكسور
يانور
charisma
هذي ثاني مره
تعايديني
هذي ثاني مره
تهديني
حروف كثرت تهانيها
حروف تزينّي معانيها
مرتين تخجليني
هذي ثاني مره
تعايديني
7osen
ماتأخرت
مامداني بحروفك تعطرت
بمعنى الكلمه انت انسان
سابقني بالخير وفنان
مااقدر اوفيك حقك
مهما كتبت وقلت
وعبّرت
ماتأخّرت
يعقووبوو
لاتحط صفر
ترى انقهر
ابي اعيش والسلام
اشكثر ماهمني
ابي اناغي الاحلام
واماني عيوني تطيرني
ابي اظل واقف
ماأنكسر
لاتحط صفر
DanDash
اولا
ذكرت مسبقا ان حالة شعريه غريبه اتتني وحبيت ان اغير اجواء التعليقات وانفرد بمناسبة العيدين بالرد بطريقه تلائم اجواء الحزن والفرح
ولحسن حظك وحظي
لازالت الحالة الشعريه الغريبه باقيه الى الان
ليه كده
وانتي متأكده
كلامك مايكفيه شعر
لو بكتبلك شكثر
ماوفي كلامك
حروفك بعذوبة الندى
ليه كده
وانتي متأكده
بـوبـحــر
قراقوش يحكم العالم
شالمشكله
خلك انسان حالم
قدامه امل بيوصله
حبيبي انت
ابيك مره مع هالوقت
تتوالم
78o8eYa
هدد موعدد
ناخذ من الدنيا
ونقول بعد
هدد مو عدد
ZoZOta
انا ماني سنيور
انا انسان
واقف بالدور
ينطر فرج لما فيه
انسان زادت بلاويه
وتعقدت عنده الامور
انا ماني سنيور
بنت الشامية
ايامك سعيده
وايامك مديده
اشكرك ياسيدتي الوفيه
اشكرك يابنت الشاميه
واتمنى تجوز لك
هالقصيده
ايامك سعيده
فراوله
فراوله
من غيرك يهدي الكلام
ويطاوله
عذوبه وذوق
دوم كلامك بأوله سلام
ينثر امل ويفرض احترام
براك صاحب الانامل الذهبيه والحرف اللامع
كل عام وانت بخير وان شاءالله تقضي اعوامك المقبله بشيئ تراه مناسب لك ويرضيك اكثر مما فات
انظر للامام فالمستبل امامك
ولاتنظر ابدا للخلف
ايها الرائع
اسمحلى بان اهنئك واقول
كل سنه وانت طيب
وكذلك
عيدك مبارك
happy bitZday 2 u
happy birZday 2 u
لك طولة العمر والصحة والعافية
حلوة وقفتك مع نفسك... صح لسانك
كل عام وانت بخير على عيد ميلادك والعيد الكبير يا بيه
كــــل عـــــام وأنت بخيـــــر
وعقبـــــال ؟؟؟؟؟؟ (أنت أملئ الفراغ)ء
:)
وعيـــدك مبــارك
تعوده كل سنة وأنت بألف صحة وسلامة
صباح الخير اخووووي برااااك..
كل عام وانت بخير وعقبال العمر كله انشالله,,
وعيدك مباااارك..
ودي اغنيلك يقولون صوتي حلووو مادري يقصوون علي ولا صج :))
بس يالله على ابو اني غنيت وانت سمعتني وقاموا يصفقووون لي الجمهووور ^_^
وتقبل مروري صارلي فتره مو داشه لظروف الوالد الصحيه..
ودمت بود يالغالي :)
الماسي 99 :)
وعيدك مبارك
يا طير طاير بالسما
ميل على براك و قول له
كل عام و أنت بألف خير و هنا
و ربي يزيد عمره كل سنة سنة
:)
ثلاثة وثلاثون
@@
يعني 33
خخخ خخخخ
وتلومني لي قلت يالشيبه
عفوا قصدي شيوب
:))
العمر كله وينعاد عليك وانت بصحه عافيه يارب انت وكل من تحب
وعيدك مبارك وكل عام وانت بخير
ولو انها متاخره
:)
Shaima'a Alkandari
ايتها الانسانه الراقيه
عيدك مبارك ومشكوره
سأنظر للأمام ولن انظر للخلف
الحارث بن همّام
اهلا فيك اخوي
ومشكور
وعساك من العايدين الفايزين
سأعمل على ان اتمسك بال33
بس مو بكيفي
ezain_kilah
يسلمك ربي ويطول بعمرك عيدك مبارك
ومشكوره
DiLLi O MiLLi
مشكوره وتسلمين وعيدك مبارك
سأملئ الفراغ
50 زينه
امبراطـــورة اشعاري
صباح الورد
مشكوره وعيدك مبارك
وصوتك حلو بس يبيله تدريب
وربي يحفظ لك الوالد ويخليه اللهم امين
غيابك كان طويل بس طلتك جميله مثل صوتك
اشكرك
Eng_Q8
ايامك سعيده
خلنا على الذهبي احسن
乂♥Not.ViRGo♥乂
ياطير ياطاير بالسما
اشكرلي هالورده المتبسمه
عيدك مبارك
magnoonah
مشكوره وعيدك مبارك
للحين ماشيبنا لان الشيبات تنعد عالاصابع
اشكرك
ماشالله كل الغالين على قلبي
اعياد ميلادهم بهالشهر
اخوي عامر
9.12
ولدي عبدالله
20.12
اخوي عبد المطلب وبنتي لين
25.12
..
واخوي برّاك العود
17.12
:)
كل عام وانتو بألف خير يا رب
والله لا يحرمني من قربكم
..
شكلي بسوي اعادة جدوله حق القرض
يالله الحق اييبلكم هدايا
:)
كل عام و انت بخير
و 33 يعتبر جيل
:)
عسى تشوف احفاد احفادك و انت بصحه و سلامه
مناف نذر
ولاتنسى بعد بهالشهر العيد الوطني للامارات والبحرين
ربي مايحرمك منا كلنا
لاتسوي اعادة جدولة جم مره بتسوي هالجدوله بس
انا راضي بقلم
ماادري عن لين
على نفسها جنت براقش
يسلمك ويخليك يارب
وعيدك مبارك
مشكوره
1:HAppy birthday o el3umr klah o allah ya5alek leahalk
2: 3edek mubark mua5aran
*wasan*
وسن
1- مشكوره ياوسن
2- ايامك سعيده وربي يسلمك ويخليك
كل عام وانت بخير وصحة وسلامة
ويطول عمرك انشالله .. بس 33 ماشالله اسلوبك و كلماتك فيها وقــــــار و جنك لك تجارب بالحياة بعمر اكبر من سنك .. مشالله لا اله الا الله ترى انا ما احسد :) .. بس ابشرك يقولون انا بالجنة الله يجمعنا وياك و كل اللى بالبوست و اللي تحبة تغليه ان عمرك تكون 33
نفس شكلك !!!
العمر كله انشالله و انشالله كل اللي تتمناه و فيه صالح لك ريى يكتبه يحققه .. بس ما قتلنا شنو امنيتك !!
للسنة اليديدة من عمرك و
2008
ولا secret ? :P
منو ينسى
وانتي بخير وصحه وسلامه
في اول الصفحه على اليمين تجدين هذه الجمله
شاب في منتصف الثلاثينات اللي شافه يعادل 100 سنه
امنيتي للسنه اليديده
ان ديواني يحقق المراكز الاولى بالتوزيع لمده اسبوعان
ويدعوني لبرنامج تو الليل وأرفض
Post a Comment