Sunday, August 8, 2010

أحاسيس حيّه




للحين الأحاسيس حيّه؟؟

للحين فيها خير الدنيا ؟؟

كثيرة أسإلتي

مالقيت حل لمشكلتي

غير اقدم حروفي هديّه

وأترجم اللي بصدري

من هواجيس

وأحلام

وأماني

كل اللي إبيه

أكون موجود

بسطر

بنبض حرف

بصدر صفحة

آنا إنسان عباره عن

كلمه ...... وأمنيّه

للحين الأحاسيس حيّه

......

وايد أسأل نفسي

ليمتى أكتب ؟؟

وأقرر خلاص كافي

بسّي

شالفايده من كلامي

وايد أسأل نفسي

علامي؟؟؟

كل ماأنوي اكتفي

أسمع صوت وفي

يحرّك المشاعر

: يقول

مثل مالجوع كافر

هم الصمت كافر

وايد أسأل نفسي

على أي أساس

سمّوني شاعر

وأنا غايتي

اقول اللي فيني

وأترجم صور بعيني

تسكن فيها يوميّه

للحين الأحاسيس حيّه
......

من فيض احاسيسي المتناثره

حتى الورق كسرت خاطره

يشوفني مرات

بدور البطل

بدور الطفل

بدور الولهان

بدور المواطن الإنسان

من فيض أحاسيسي المتناثره

حتى الورق كسرت خاطره

: قالّي

كمّل ... وقول

يمكن بحروفك تنول

دنيا جديده

رسمتها بخيالك

خذ الحروف حلالك

لاتفكر بإعجاب

او قبول

أو عطيّه

للحين الأحاسيس حيّه

....

شاللي قاعد اقوله

تعديت منطق الجنون وأصوله

غمضت عيني

وظل الحبر ينزف

وخلاني احلف

اني ابقى

صورة مالها برواز

نظرة يتيم معتاز

غمضت عيني

وحلمت بوفا

مالقيت غير حروفي

الوفيّه

للحين الأحاسيس حيّه

٨-٨-٢٠١٠
الأحد

6 comments:

بنت الشاميه said...

مبارك عليك الشهر
اللهم اهل علينا رمضان بالامن والامان والايمان والسلامه والعون بحسن العباده

كل عام وانت بخير

أهل شرق said...

مبارك عليكم الشهر

وعساكم من عواده

Mamloo7a Q8ia said...

مبارك عليك الشهر
وعساك من عواده

Barrak said...

بنت الشاميه

علينا وعليج
جزاج الله خير
كل عام وانتي بصحه وخير
اشكرج
فيج الخير

Barrak said...

اهل شرق

علينا وعليك يالغالي

عساك من عواده
فيك الخير
شكرا

Barrak said...

مملوحه

هلا فيج
مبارك علينا وعليج
دايما راعية واجب
فيج الخير