Thursday, February 25, 2010

أوووه يامااااال




شايب يحازي أحفاده بيوم العيد الوطني

تدرون شنو الكويت
ياعيال
الكويت نسمة هوى
تذكّرنا برجال
عطاياهم كريمه
سواياهم عظيمه
عطت لهالبلد معنى
اللي كِتَب وتغنّي
واللي نَحَت ورِسَمْ
واللي ينهم 
بأووه يامال
تدرون شنو الكويت
ياعيال
.....
ديره إنبنت على الطِّيبَه
ناسها طيبه وحَبيبَه
كانوا عالبحر يترزّقون
الفقر جبرهم يتعاونون
كانت تِنرِسم معاني الوفى
على اليال
تدرون شنو الكويت
ياعيال
......
ديره إنغزَت وتحرّرت
ماضرّت حتى لو تضرّرَت
إرسموا الشهداء رسمه جميله
لها معاني كبيره وأصيله
معاني تختصر كلمه
إستبسال
تدرون شنو الكويت
ياعيال
......
الكويت أكبر من زينه
وأنوار تضوي المدينه
الكويت حبها بقلوبنا
بكلامنا وبإسلوبنا
حب الوطن موزينه
نونّس فيها اليهال
تدرون شنو الكويت
ياعيال
.....
عيد هالوطن مو عطله
ووزارات ودواير معطله
ومسيرات ورغوات وهرنات
حب الوطن يحتاج إثبات
ويحتاج أفعال
فهمتوني ياعيال
١٨-٢-٢٠١٠
الخميس

16 comments:

ma6goog said...

فهمنا

كل عام و الكويت بخير

why me said...

كل عام والكويت بخير

Najmah said...

الكويت ياصاحبي هي نهمة اليامال

ولهت على هالاحساس بقصايدك

صح لسانك يابراك

والله يحفظ لنا ديرتنا من كل مكروه

Eng_Q8 said...

اذا فهموا دزلي مسج

well_serviceman said...

كل عام والكويت بخير ، كلمات جميله ، صار العيد رغوه ورشاش ماي وزينه :)

مركبنا said...

الله اكبرررررررررررررر


رائع فهمنا فمهنا

*Being One said...

كلام يقطع القلب !
احنا فهمنا بس اهما يفهمون ؟

Barrak said...

مطقوق

اشوه

Barrak said...

why me

امين يارب العالمين

Barrak said...

نجمه

صح بدنكِ


الله يحفظ هالناس الطيبه

Barrak said...

Eng_Q8

تهقى راح اطوّل عشان ادزلك مسج ؟؟؟؟؟

Barrak said...

well_serviceman


للاسف ياخوي
مفهوم العيد الوطني اللي عشناه بالثمانينات
بدت تمحيه الرغوه

Barrak said...

مركبنا


اكيييييييييد؟؟؟

Barrak said...

Being One

مالنا شغل فيهم

اهم شي احنا نفهم

وبس

شكرا

Bluetiful Nostalgia said...

هذي الكويت صل على النبي

صح لسانك براك
:)

Barrak said...

Bluetiful Nostalgia

صح بدنكِ
شكرا جزيلا