Saturday, January 23, 2010

سوالف أمس



على حِس

سوالف أمس

سهرت  لوحدي

ذكرت كل كلمه إنقالت

وكل قطره بخديداتك سالت

على روحي الضميانه

كان حسك ماي

يروي النَّفْس

على حس سوالف أمس

........

كلامك .. اللي إنقال

وحسّك ... اللي شال

قلب ملّته همومه

وطار بكلمه منك

وطابت جروحه

بكلمه منك

ردّت له روحه

بكلمه منك

بدى يتنفَّسْ

على حس سوالف أمس

....

للذكرى معاني تنسجني

تشِد بالخيال أوتار تعزفني

وأتغنّى بماضي حاضر بعيني

اشوفه وتحسه إيديني

انا عايش على حسك

وبس

وعلى حس سوالف

أمس

٢٣-١١-٢٠٠٩
الاثنين

8 comments:

تراب الكويت said...

في شي متغيّر؟





يمكن




انسج من خيالك
رداءا من مشاعر
يحتضنن رجفة برود قلوبنا


دمت .. اي والله دمت

AseeL said...

الله عليك يا بو عبدالله


نادر ما احب العامي ويجذبني
بس من حسك وقلمك غير






غير

للوش said...

سوآلف الأمس تهفو القلوبــْ المليئه ب الشجنْ
لزيآرته يآخذه الحنينْ إلي هنآكـْ ، ،

؛
Barrak

مشآعر موجعه يغمرهآ الشجنْ
ولكنْ أتقنتـَ تصوير إحسآسكـ ب صدق ْ ..

ع ــقود ورد لكـ ..

Mamloo7a Q8ia said...

للذكرى معاني تنسجني
تشِد بالخيال أوتار تعزفني
وأتغنّى بماضي حاضر بعيني
اشوفه وتحسه إيديني


الله الله الله يا وخيي الغالي

ما شاء الله
روعه روعه هالكلمات
مبدع كعادتك ياخوي يا براك

Barrak said...

تراب الكويت


وايد أشياء متغيره
وايد


اشكرك وايد

Barrak said...

أسيل

وجودك غير

احترم صراحتك
سيدتي

Barrak said...

للوش

من سوالف الأمس
نبني باجر واليوم
نرتب حياتنا
على حس مر
وإنحس

وبس


اشكرك سيدتي

شكرا جزيلا

Barrak said...

مملوحه كويتيه

من وين طالعه الشمس

الاروع وجودك سيدتي