Saturday, September 26, 2009

لاإنبربس



مرات الأفكار

تاخذ عقلي وتترِس

حجي واحد فاهم

وواحد منفّس

واحد ودّه يصير عَالم

وواحد حلمه يكون مدرّس

مرات الأفكار

تخليني انسان

يهذي

ويخربط 

ويوَسوِس

،،،،،،،

أتخيّل مدينتي الفاضله

اللي ماتعرف معنى المجامله


مدينه ملوّنه مزيّنه

مدينه هاديه خِرمِس

مرات الأفكار

تاخذ عقلي

وتترس

،،،،،،،

أرتّب كيان وطن


وأتخيل الوضع بكيفي

علمت روحي ماتِإن

ولا أدفع بسبب غلطات.... الثمن

أسهّل كل الأمور

أرخّي وأيبِّس

مرات الأفكار ترفع

والينون يجبِس
،،،،،،

توصل  قوانيني لحدود سومطره

أسمع لفيروز وكواسير البصره

ومنغّم أفكاري على نوته مضبوطه

أحس إني عايش مو خربوطه

إنسان له مبادي

اللي بقوله

خافوا الله

ترى ربكم يخفِس

لا إنبربس

٢٦-٦-٢٠٠٩
الجمعه


تترس : تمتلئ
يهذي : من الهذيان أي كلام غير مفهوم
خرمس : بكسر الخاء والميم وتسكين السين أي الظلام الدامس حالك السواد (( كيف حالك )) وبإضافة النون بالإماراتي حالنك
مفاهيم الصحن : مفاهيم تجبر أن لايتعدى التفكير حدود طبق الطعام
أيبّس : بتشديد الباء أي التعامل بصلاده مع ضربه قويّه
مثال : لاتيبّس مع روبرتو كارلوس



16 comments:

SHAHAD said...

خافوا الله
ترى ربكم يخفِس

لو الكل يستشعر هالشي
جان الدنيا بخير

دمت بخير : )

ظامي سراب said...

أصبح للتعبير المجازي والإستعارة معنى جديد....
روبيرتو كارلوس.

Enter-Q8 said...

احلى بربسه يالزميل

كويــتي لايــعه كبــده said...

"ترى ربكم يخفس"
عز الله انك صاج

ناس راسها مزحوم بالفكر
وناس ترددات الصدى

وللكل تفضيلة

aL-NooR . said...

:)
ما شاء الله
قاعدة اصفق ..تسمعني

:P
*********************

AK-47 said...

يعطيك العافية صج لا انبربس
والمثال ناااار :)))

Barrak said...

SHAHAD

الدنيا بخير


دام فيه ناس تفهم معاني كلماتي

بهالطريقه الجميله


اشكرك ِ سيدتي

Barrak said...

ظامي سراب


سيدي الغالي

وإن أصبح للتعبير المجازي وللإستعاره معنى جديد

فهو بسبب إتباعنا لتعليماتكم والاستماع لنصائحكم القيّمه

انت استاذ لي بإختصار

وانا الناظر



بس تكفى علق على تعليقي عندك لاتعلقني وتدوخني بالتعلق

Barrak said...

انتر كويت

شكرا يازعيم

Barrak said...

كويــتي لايــعه كبــده

السؤال المهم


البربسه ليمتى


والله سؤالي برئ



اشكرك استاذنا

Barrak said...

aL-NooR

اسمعكِ

Barrak said...

AK-47


الله يعافيك ويخليك

نورتنا ياخوي الغالي

شهالغيبه

بصراحه نار

أحمد الحيدر said...

والله يخوي يا كثر ما نبربس بهالديرة ..

وربك يستر عليها بوجود الطيبين امثالك والقراء ..

تحياتي لسهلك الممتنع ..

Barrak said...

أحمد الحيدر

تشرفت اخوي

تحياتي لك

بـابـل said...

ياااسلااام سلّّم

على البرك المعلم

والله شعر ويد عجبني

وفيه حيااااة

شكرا يالعزيز

شكرا يابو إحساس متحرك


وبس

بابل

Barrak said...

بابل

اسف على تأخري بالرد
يااستاذ

الحياة نستمد معناها من احساسك العميق

اشكرك