انتي تدرين
إني بأرض
طبيعتها جامده
نسماتها ماهي عليله
إنتي تدرين
إن السما علينا بخيله
وإن الورود جليله
ورغم كل هذا
بابقى أتغنّى فيج
.... بالنوّير
.... بالسدرة الحنينه
بشجره عطشانه ومرتويه
تدرين
أقدر أخلق من بساتين عيونج
دواوين
وإنتي تدرين
......
إنتي تدرين
ماشفت نهر جاري
عشان أشبّه فيه شوقي
تصدقين ماني داري
أبوصف نَبض عروقي
.... وهيام
.... ولهفه
....وحنين
تدرين ؟؟؟؟
......
ماتدرين
إن معنى الهدوء أفقده
بس أعرف أحسّه وياج
ماتدرين بحبّج بدا
يسري من قلبي لي يمناج
وياعلج تحسّين
... ماتدرين
... ماتدرين
... ماتدرين
٣١-٧-٢٠٠٩
الجمعه
16 comments:
ماتدرين بحبّج بدا
يسري من قلبي لي يمناج
وياعلج تحسّين
أصعب شي لما ما يدرون
وما يحسوون
وقلوبنا ممتئة حب وشوق وهيام فيهم !
مبددع : )
تسلم الأيادي
ويعطيك العافية
تحياتي لك
مثلك يدري
حب الديره ما يحتاج بساتين
ولا الخلو من الغبار ولا الحر
الحب حب القلب الصافي الحنين
أرضنا تعطينا انعاش بدون مطر
نحبها باللي ما بفهمه الا الفطين
عسى الله لا يحرمنا منها
ولا يحرمها من عيالها
لي يوم الدين
من يوصله هالاحساس و مايحس!؟
أكيد تحس و تدري
عجيب
مساء الخير أخوي براك يا ليت تصدر ديوانك على سي دي
تحياتي
صج ماتدرين
تسلم ابداعاتك با بو عبدالله
عقب كل هالكلام الحلو شلون ماتدري
:)
يسلموو اخوي
:)
SHAHAD
شكرا لكَ ياسيدة التعليق الاول
يمكن يدرون
بس يبون طبيعه احن وأرحب وأكبر عشان يحسون
بنت أحمد
الله يسلمج ويعافيج
اشكرج
كويتي لايعه جبده
يافطين
ياخي مايطوفك شي ماشاء الله عليك
لانك صاحب احساس راقي
فهمتها مثل ماانا ابي
ياحلوك
ضاد
ياااه شهالغيبه
حياك الله
ام السعف
هلا فيج سيدتي
مافهمتك
قصدك انسخ الديوان على سي دي
او اسجل صوتي لمحتويات الديوان على سي دي
اذا كان قصدك الطريقه الاولى ترى مااعرف
GUCCI-q8 ...
الله يسلمج ويخليج
صج ماتدرين صج
Fishah
الله يسلمج ويخليج
شكرا
كلمات من القلب إلى القلب ..
تحياتي الحارة لإبداع قلمك ..
يعطيك العافية ..
الاجتماعيه
الله يعافيك
شكرا لك سيدتي
نورتينا
Post a Comment