Thursday, August 13, 2009

ماتدرين




انتي تدرين

إني بأرض

طبيعتها جامده

نسماتها ماهي عليله

إنتي تدرين

إن السما علينا بخيله

وإن الورود جليله

ورغم كل هذا

بابقى أتغنّى فيج

.... بالنوّير

.... بالسدرة الحنينه

بشجره عطشانه ومرتويه

تدرين

أقدر أخلق من بساتين عيونج

دواوين

وإنتي تدرين

......

إنتي تدرين

ماشفت نهر جاري

عشان أشبّه فيه شوقي

تصدقين ماني داري

أبوصف نَبض  عروقي

.... وهيام

.... ولهفه

....وحنين

تدرين ؟؟؟؟

......

ماتدرين

إن معنى الهدوء أفقده

بس أعرف أحسّه وياج

ماتدرين بحبّج بدا

يسري من قلبي لي يمناج


وياعلج تحسّين

... ماتدرين

... ماتدرين

... ماتدرين

٣١-٧-٢٠٠٩
الجمعه

16 comments:

SHAHAD said...

ماتدرين بحبّج بدا
يسري من قلبي لي يمناج
وياعلج تحسّين

أصعب شي لما ما يدرون
وما يحسوون
وقلوبنا ممتئة حب وشوق وهيام فيهم !

مبددع : )

بنت أحمد said...

تسلم الأيادي

ويعطيك العافية

تحياتي لك

كويــتي لايــعه كبــده said...

مثلك يدري

حب الديره ما يحتاج بساتين
ولا الخلو من الغبار ولا الحر
الحب حب القلب الصافي الحنين
أرضنا تعطينا انعاش بدون مطر

نحبها باللي ما بفهمه الا الفطين
عسى الله لا يحرمنا منها
ولا يحرمها من عيالها
لي يوم الدين

ضـاد said...

من يوصله هالاحساس و مايحس!؟

أكيد تحس و تدري


عجيب

Um il sa3af wil leef said...

مساء الخير أخوي براك يا ليت تصدر ديوانك على سي دي
تحياتي

GUCCI-q8 said...

صج ماتدرين

تسلم ابداعاتك با بو عبدالله

Fishah said...

عقب كل هالكلام الحلو شلون ماتدري
:)

يسلموو اخوي

:)

Barrak said...

SHAHAD

شكرا لكَ ياسيدة التعليق الاول

يمكن يدرون

بس يبون طبيعه احن وأرحب وأكبر عشان يحسون

Barrak said...

بنت أحمد

الله يسلمج ويعافيج

اشكرج

Barrak said...

كويتي لايعه جبده

يافطين

ياخي مايطوفك شي ماشاء الله عليك

لانك صاحب احساس راقي

فهمتها مثل ماانا ابي

ياحلوك

Barrak said...

ضاد


ياااه شهالغيبه

حياك الله

Barrak said...

ام السعف

هلا فيج سيدتي

مافهمتك

قصدك انسخ الديوان على سي دي

او اسجل صوتي لمحتويات الديوان على سي دي

اذا كان قصدك الطريقه الاولى ترى مااعرف

Barrak said...

GUCCI-q8 ...


الله يسلمج ويخليج

صج ماتدرين صج

Barrak said...

Fishah

الله يسلمج ويخليج

شكرا

الاجتماعية said...

كلمات من القلب إلى القلب ..

تحياتي الحارة لإبداع قلمك ..

يعطيك العافية ..

Barrak said...

الاجتماعيه
الله يعافيك
شكرا لك سيدتي

نورتينا