تفاكير
تحوم حولي
مالقيت لها حل
ولاكوّنت لها مصير
تفاكير
،،،،،،،
أناقش أحوالي بتكوينها
أصفن مع تلاوينها
ماألقى لون يشبهني
ألقاها تمِـلني
ومع نسمات الهوى
تطيــر
تفاكير
،،،،،،
ماألقى فكره قبل ماأنام
كل شي أفكّر فيه جدام
وأنسى أحضن لحظه وحده
أآنس فيها هالوحده
بس عمره اللي ببالي
مايصـير
تفاكير
،،،،،،
ماأخلي عيال ولاديره ولاإنسان
يطري علي كل حي بهالزمان
وألقى حلول لمآسي الأيام
وأصنع آمال وأنثـِر أحلام
وقلبي ينجرح بضمــير
تفاكير
،،،،،،،
ياخذني الجنون أكثر من العقل
وأغيب عن دنياي وشوفي يقِـل
وتبقى الأفكار تناديني
وأبني من جديد تكويني
وأرجع كِـسِـير
بتفاكير
تحوم حولي
مالقيت لها حل
ولاكوّنت لها مصير
15-6-2009
الأثنين
19 comments:
إييييه يا براك
هذا اهو الليل وتفاكيره
فكرة تتمخطر
وفكره تتشرقد
وفكره تدز فكره
!!
ويروح الليل واحنا بتفاكير
:(
توقيت ممتاز
وبوست جميل كالعادة
هالتفااكير تاخذنا وتوديناا
مبدع وصفك : )
طنش يلعن ابو الفقر
دام انك ترجمتها وأطلقت وصفها
يعني انها مجرد تفاكير
!
الله عليك
روعه تفاااكير
كثرة التفكير تؤدي الى الصلع
ليش مو حاط صورة واحد مصلع!!!؟
استكانه
سيدتي صاحبة التعليق الأول
عاد الافكار المتشرقده وايده
اشكرك على كلامك
وبوستك اجمل
SHAHAD
تاخذنا وتجدينا وتودينا ومرات تنهينا
اشكرك سيدتي
عليج غيابات وايده
فريج سعود
يمكن لما أستخف راح أطنش
ترى مابقى شي
شاي أخضر
انا حاولت إني أترجمها
أعتقد اني ماوفيتها حقها
عفره
اشكرك ياعفره
تسلمين
Purplecious
انتي تكلمتي عن التفكير
انا تكلمت عن التفاكير
التفاكير ماتسبب الصلع
تسبب الخرف المبكر بعيد الشر عنج وعني
panadol night طقلك حبة
و صدقني احلى نومه
ميمة السبيت
انا بيني وبين البنادول بأنواعه حربا ضروس
الظاهر يبيلي سفره معتبره
انا محتاج اشوف امور وايده تمشي صح
اعتقد مالي الا باريس وضواحيها
فكرت و فكرت .. وأيقنت .. و أستجمعت قوى قلمٍ ..
يستمد .. غذآءهـ .. من شرآيين و أوردهـ
تحمل بـ دآخلهـآ .. .. حرفـآ أحمرآ ..
فـ فكرت و أيقنت ..
ثم أعلنت أن أبقى .. هنــآ ... صمت
يوردني للصمت ... سكونـآ ..
ويغرقني الفكُر .. تأويلآ ..
Barrak
أبقيت دفترآ .. أبيضـآ ... فـ تحدث الصمتُ ..
بـ قنـآديل .. شموعٍ ... تستبيحُ الإحسآس رغمـآ ..
لـ تندلق ... موآكب .. الدموع ... من خلف كوآليس المحبرة ..
أعلنت إسدآل الستـآر ... و ... بقي صدى أصوآت الحرف ..
هنــآ .. أنت
رآئعٌ و .. أكثر
دآم عطـآء فكر .. يجيد رسم الحرف .. لـ يستقر في الفؤآد
ودمت بـ نقـآء
تفاكير
ارسمها بصوتي
ألونها من لوني
سمار الشمس بلوني
وريحة الموج عطري
والقاك مثلي
تغرد تطير لبعيد
تبي شوية حنان
تبي تصيح وتقول
للطير
للبشر
للوحوش
ذا انا
تفاكير
وايد حلوه تسلم
للوش
في كل مره سيدتي اقف محتارا
مااذا افعل
وماذا اقول
هل اقول شكرا
أم أقول كلامك كبير علي
الله يحفظك
GUCCI-q8
وريحة الموج عطري
ياسلام عليج
"
وأنسى أحضن لحظه وحده
"
كم اكره هذا الموقف
يضيع جمال اللحظه في حسابات الغد
ويضيع جمال جنونها بما يجوز ومالا يجوز
كن هنا لتنعش الاحساس دوما
:)
Post a Comment