Wednesday, December 31, 2008

إنتهازيه



بعد سلسله من المباحثات الجديه ، بيني وبين المدعو : خشيم الفار، تم الإتفاق على ان تتوقف المناوشات، وتم الاتفاق على ان نأخذ السيد محمد الى ربوع دبي ويبقى عبدالمحسن في الكويت عقابا له على سوء أخلاقه !!! مقابل عودة الهدوء والامان للبيت
وهذه بنود الإتفاقيه
إتفاقيّه
عشان عيونك ياوليدي
إتفاقية
وماكو شي بيدي
طلباتك أوامر
إنت بس تامر
عشانك بنسافر
ونونسك شويّه
إتفاقيّه
،،،،
أول بند : تحرّم تطِق إخوانك
ثاني بند يصير الثِّقل عنوانك
ثالث بند أنا فلَّسْت عشانك
إنت مليان إنتهازيّه
إتفاقيّه
،،،،،،
نشيل قشنا ونروح دبي
دار الطيب دار الحي
يقولون غاليه شوي
ياولد الحجِّيّه
إتفاقيّه
،،،،،
أبَركَب عشانك طياره
رغم الخوف والعساره
ليت عالمك نفهم أسراره
وتفكنا من الأذيَه
إتفاقيه
،،،،
باودعكم ياإخواني المدونين
الله يحفظكم قولوا آمين
أنا وخشيم الفار وعبادين
والغاليه الوفيه
إتفاقيه
31/12/2008
الأربعاء

25 comments:

ZooZ "3grbgr" said...

درب السلامة
الله يسمح دربكم
ويخليهم لكم انشاالله
وعساها سنه اجمل عليك ومن تحب يارب
:")

Mamloo7a Q8ia said...

في حفظ الله يا وخيي الغالي
وعسى الله يسهل دربكم
ويونسكم بالعافيه
وتردون سالمين بحول الله وقوته

Bloggerista said...

لول

عسى خشيم الفار يلتزم بالاتفاقية عاد

Sweet Revenge said...

تروحون وتردون بالسلامة ويخليهم لك يارب :)

Najmah said...

اسم الله عليهم
عسى ربي يحفظهم ويخليهم لك يابراك
تروحون وتردون بالسلامة يارب
:)
والسفرة الثانية حق محيسن
:))

charisma said...

:)))

بحفظ الله وكل عام وانت واسرتك بالف خير

SHAHAD said...

خوش اتفاقية والله
تروحون وتردون بالسلااامة يااارب
الله يحفظكم : )

Mohammad Al-Yousifi said...

تروح و ترد بالسلامة و هابي نيو يير

صبا said...

تروح وترد بالسلامه يا خوي
والله يحفظكم وين ما تكونون

وكل عام انت والاهل بخير وحب يارب

تحياتي من قلب
:)

Shaima'a Alkandari said...

خوش اتفاقيه

شكلي بقلده جود يسفرونا شويه







وترد لنا بالسلامه

enter-q8 said...

ما يصير تاخذ ربع و معجبين خشيم الفار

|:| DUBAI |:| said...

بتنور عيل بلادنا

: )

esTeKaNa said...

واختي وازين اللي مسوين عشان عيونه اتفاقيه
!!
عسى ربي يحفظة ويهديه لأخيه
ويبارك بعبادي
ويحفظ لك الوفية شيخة الدنيا كلها
:)
تروحون وتردون بالسلاامة

بنت الشاميه said...

درب الاسلامه
واجاااازة سعيده باذن الله
ووصيتى لك خشيم الفار
حقق كل اتفقياته
ترا انا ادعمه وباصرار لانه يستاهل
الله يحفظكم
وسنة سعيده لكم لكم ان شاء الله

قلب طفله said...

عسى الله يحفظكم لبعض :))

و تردون بالسلامه و تكون سنة

حب و خير عليكم

دمت بحفظ الله

ميرامار said...

:)

تردون بالسلامة


كل عام وانتوا بخير

فراوله said...

مساالورد والجوري
مبدعنا الراقي
تروحون وترجعون بالسلامه
وكل عام وانت
بخير وصحه وعافيه
وعساها سنة
حب
وسعاده
وتفاؤل
لك ولكل غالينك
آمين يارب
:))

The Voice Within said...

loooooooool


ibdaa3 :P


yalla darb ilsalama inshala oo have fun :P

`~MnO YeNSa! ~` said...

تروح وترد بالسلامة

والله خوش اتفاقية
جدية

يحلوه خشيم الفار
سلم عليه
:P
و الله يخليه لك و يخليك له
و لا يحرمك منهم كلهم

nirvana said...

تضامنا مع شعبنا المناضل في غزة اطلقنا حملة تضامنية باسم(اغيثوا غزة )ا ارجو زيارة مدونتي والمشاركة في هدة الحملة

Barrak said...

عدنا والعود احمد

أشكر الجميع على السؤال
وبحمد من الله وفضله وصلنا الى ارض الكويت

اشكر الاخوان والاخوات
وابشركم ان هذي اخر مره اخذ خشيم الفار وياي

لانه بإختصار مسخرني


شكرا لكم جميعا فردا فردا

AseeL said...

كل عام وانت والعايلة الكريمة بخير براك
وعسى تردون بالسلامة



ادري عليّ عتب كبير

Kuw_Son said...

الحمدلله على السلامة ..

و صورة حلوة :)

Barrak said...

AseeL

مانقدر نعتب

أفضالك مغرقتنا



اشكرك

Barrak said...

Kuw_Son

يسلمك


شكرا