Saturday, December 27, 2008

عالهبنّي


وجدت هذه الرساله بإنتظاري من إبني عبدالله يشرح بعض من ممارسات شقيقه محمد الملقب بخشيم الفار
وقبل أن أبدأ بتفاصيل أبعاد القضيه أردت أن ارسل لسيادته قصيده لعلها تحرك أحاسيسه الجياشه ويسمعني
،،،،،،،
ياحمّودي إسمعني
ليش كلّه مغربلني
ومينّنني ومفتخني
ياحمودي إسمعني
،،،،،
ليش طاق محيسن
ماخذ بالتكوفن الليسن
محّد عاجبك موليّه
مو مخلّي ياهل وبنيّه
ناوي تسجنّي ؟؟
ياحمودي إسمعني
،،،،،،
يافالع هذا يامعرجب هذاك
ياناغز هذي مهي حالة معاك
الفريج يتشكى منك خلاص
لاراحم سياره لاباص
تراك إمِّسخرنِي
ياحمودي إفهمني
،،،،،،،
ليش مانسوي جلسة مباحثات
وتصير بيناتنا مشاورات
عشان نحقق الامان للبيت
مستعد اشتري بألف برميت
بس ريّحني
ياحمودي إسمعني
،،،،،
عشان شعرك ناعم مو معبِّرنا
عشان عندك مِشِط مو محترمنا
عندك قذله وإحنا محرومين
على العموم إحنا آسفين
السموحه ياإبني
ياحمودي إحقرني
24/12/2008
الأربعاء

39 comments:

SHAHAD said...

يا حمودي طيع كلام ابوك وعن الشطانة
والله شوقتني ودي اشووفه : )

لما يكبر ويقرا هالقصيدة بيضحك على نفسه لوول
الله يبلغك فيهم ويخليهم لك يااارب : )

Mamloo7a Q8ia said...

يحق له يا خوي يا براك
يسوي اللي يبيه
عنده قذله ومشط
شلون ما تبيه يمشي ويكفخ
هنااااك فرق
اللي عنده واللي ما عنده
:))
الله يحفظهم لك ويبلغك فيهم يا رب

Fashionista said...

لووووووول

عيالك شكلهم زوغة ماشالله

7osen said...

هههههههه

خوووش قصيدة صراحة

الله يخليه لك

احسن خله يتشيطن
علشان يصير شخصية قيادية

ههههه


عجيبة القصيدة والله

Enter-Q8 said...

البرك
خشيم الفار
تمرد ترى
لازم كنترول

ZooZ "3grbgr" said...

الله يخليهم لكم يااارب

يتربون بعزكم

Kuwait said...

لوووووووووووووووول
الله يخليهم لكم يارب ..
باجر ايي الي اشطن منه وحمودي اهو الي بيكتب الرساله ;p

ma6goog said...

ضربني و بكى و سبأني و اشتكى

esTeKaNa said...

يا بعد قلبي قلبه
!!
شعر ناعم
ومشط وقذيله
وتلوموني بحبه؟
ياربي خف طينه
وشخصيه قياديه
لا تجعمونه
:)
ومحامي الدوله
اللي كاتب شكوى وعريضه
هذا شي ثاني...يا زينه يا زينه
ذكرني بروحي
يا كثر رسايلي اللي اكتبها
امي وابوي جبال داري
ومع هذا كنت من هواه المراسله
وذكرني بروحي
:)
غمض عيونك يابراك
باجر يكبرون
ولك ولامهم يبرون
ويضحكون..على ذيج السوالف
وعلى هالبيتين
الله يحفظهم ويطرح فيهم البركة ويبلغك فيهم قول امين
:)

Barrak said...

SHAHAD

سيدة التعليق الاول للمره الثانيه

قوليله خل يطيعني

شبتشوفين

بعد ماقص قذلته بمقص صاير هوله

الله يسلمك ويخليك ويسعدك يارب

Barrak said...

Mamloo7a Q

ليش جذيه يامملوحه


يعني اللي ماعندهم مشوطه مالهم رب
ضحكت على هناك فرق

ههههههههههههههه

عليج سوالف

الله يسلمج ويخليج ويحفظك يامملوحه

Barrak said...

Fashionista

ماشاء الله لااله الا الله

Barrak said...

7osen

اي قياديه الله يهداك

مايدري شلون صايره القياده

بس اللعانه مرات ياخوي تسوي سوالف

Barrak said...

Enter-Q8

اي والله وايد تمرّد

بس من وين الكنترول

انا بكبري يبيلي كنترول


ماأقدر عليه
اولا
لانه اسمه محمد
ثانيا
لانه ممكن يظعل علي
ثالثا
عنده شعر

ماأقدرله

Barrak said...

ZooZ "3grbgr

يسلمك ويخليك ويعافيك

اشكرك الشكر الجزيل

Barrak said...

Kuwait

الله يسلمك ويخليك

ماأعتقد راح إيي اشطن من محمد براك

هذا جبار

Barrak said...

ma6goog

تهقى ؟

Barrak said...

esTeKaNa

غمضت عيوني ماصار شي

ههههههههه

بالنسبه لخشيم الفار شكلي انا اللي طلعت غلطان كلكم وقفتوا وياه

وبالنسبه لمحامي الدوله يوميا يبعثلي ببرقيات تهنئه أو شكوى أو نثريات

صدقوني خشيم الفار ظالم

mantovani said...

شوف

وخر محيسن عن العيال ... ترى قاعد يفرق بينهم


===

بالنسبة للكلمات

روعه



مانتوفاني

أتيت متاخرة said...

براك
صج لكنة أبو مب عارف شيسوي مع عياله المتمردين وخاصة
حمودي
شوف من منطلق أني تربوية بقولك شي :
1- هذا طبيعي جدا بين الأخوة
2- اذا زاد عن الحد ووصل للتكفخ فلازم تسوي اجتماع عائلي طارىء يختار فيه الاولاد الثلاثة قوانين تحكم العلاقة بينهم ويختارون اهمه العقاب المناسب لكل مخالفة
3- طبعا كل هاذي ما يتم الا تحت المظلة الابوية لسعادتكم
4- حمودي اشغله دايما وكل له مهمات حتى لا يسويلك سوالف
مع اني اتمنى تزيد سوالفه حتى تزيد قصايدك الحلوة
تسلم يا براك

روري !! said...

ههههههههههه

عجبتني .. هذي المرّه ما احتجت ترجمة ..

شكله شيطنة العيال توّحد اللهجات :P

يعطيك العافية ..

الله يعينك على تربيتهم و يخليك و أمهم ذخر لهم .. و يقرّ عينك برؤيتهم أفضل الناس و أكثرهم برًا بكم :)

alsaronah said...

لوووووووول والله خوش كلام صح لسانك ... ماشاءالله عليك

فريج سعود said...

راحت ايامنا ايام الفناقر

AK-47 said...

محمد بعد لازم الشطانة بس عبيد طلع لوتي حاطلك نوت :))
زكاتب بدون سبب :))

Shaima'a Alkandari said...

حمودي حمودي ياناس حمودي





براااك ياخوي


طول بالك بيركد ويصير خوش صبي بس اهو شوي شيطووون


باجر بيعقل وبيفهم وصدقني ترى اهو يحبهم وايد بس لازم يسوي حركات أرعه علشان يبين نفسه









قول امين
يارب يتكن ويصير خوش ولييييييييد ويرفع راسك وراس مويمته واهله كلهم ويبلغك فيه

kAiKa-MGroMa said...

لول عجيبه عجيبه

كل حمود نزغه بس لازم يكون حنون

والرساله عجيبه

شنو كان عاقبته عاد؟

=D.

GUCCI-q8 said...

الله يخليه لك
وكل عام وانت بخير

وhappy new year :)

GUCCI-q8 said...

الله يخليه لك
وكل عام وانت بخير

وhappy new year :)

Aldenya said...

يحليله عبدالله
كاتب رسالة شكوى

:>


وصح اللسانك ياشاعرنا

والله يبلغك فيهم

ويحفظهم من كل شر

ماقلت لنا

اشسويت بحمود ؟

Barrak said...

mantovani

تهقى

؟؟؟

يعني افهم منك ان محيسن اهو العقل المدبر

ترى كل طفل شعره فلافل سالفته قشره

ياخي ولهت عليك


نورتني بطلتك

ياخوي

Barrak said...

أتيت متاخرة

عجبتني
مب عارف شيسوي


حلوه مب


فيها نغم


سيدتي التربويه

المتأخره
1- بس موطبيعي تكفخ بدون سبب
2-كل الاجتماعات تنتهي بانسحاب خشيم الفار
3- المظله الابويه تنتفت
4-اهو يحب المهمات المستحيله تبدأ بجبهة محسين وتنتهي بنغزه لعبادين


اشكرك سيدتي

Barrak said...

روري

اشكرك على دعاؤك الصادق


فعلا التحتاج لترجمه

فالصوره واضحه


اشكرك

Barrak said...

alsaronah

صح بدنك شكرا

Barrak said...

فريج سعود

فناقر وكعب


الدنيا تغيرت

Barrak said...

AK-47

ترى هم عبيد مو سهل

وكاتب ابي الحنون يعني بيحمسني

هههههههههههههه


عندتا وعندك خير

Barrak said...

Shaima'a Alkandari

ياناس حمودي درب السنع وينه


الله يسلمك ويخليك

ترى حمودي جدا مغرور

اتمنى انه مايقرا كلامك

Barrak said...

kAiKa-MGroMa

عقابه معروف

راح اسفره



اشكرك

Barrak said...

GUCCI-q8

ويسلمك ويخليك يارب


وكل عام وانتي بخير وسلامه

Barrak said...

Aldenya

الله يسلمك ويخليك


السؤال المفروض يكون

اشسوى حمود فيني