Tuesday, December 23, 2008

لنج




ليت أبحر ببحرك وحبك اللَّنْجْ

وأقيّل بعيونك يومين وليله

إنت شحلوك بس مرّات قَلْجْ

أصيرلك فنر وإنت الفتيله

عشانك أصير قلب وحَلْجْ

وأغيّل بتراب أرضك غيله

أشوفك كإني ماخذ بَنْجْ

وكإني بالع شَكِر وتيله

أحس بعشقك بارد فَلْجْ

كلّه أقول عنّك يبيله

يبيله إنت وأنا اللَّنْجْ

ببحر هوانا مانبي دليله

25/11/2008
الثلاثاء


لنج : أي القارب
أقيّل : بتشديد الياء أي تعسيله بالسّوري نومة الظهر بالكويتي
قلج : أي صعب
فنر : أي مصباح قديم يستخدمه الكويتييون سابقا لانارة دروبهم ويستخدمها الشياب بالطريق عند السروه ( أي العوده للمنزل ليلا) بتسكين الرّاء
حلج: أي الفم
الغيله : اختلاط الرمل بالماء يسمى غيله
بنج : بِنج بالمصري بكسر الباء
شكر : سكر
تيله : شلون بس اشرحها كرة من الزجاج صغيره والفائز بهذه اللعبه يقول طنّب
الفلج : الثلج
دليله : بكسر الدال وهو الشخص المتمرّس من الوصول للمكان المطلوب مثال مناحي دليله اي يعرف الطريق جيدا

فاصل فكاهي


وصلني هذا المسج من شخص هالأيام صاير كنج

كم سؤال حيّر أقلام الكتابه
وكم إجابه صارت أشبه بالمحال
السؤال يضيع مايلقى إجابه
والإجابه تنتظر طرح السؤال
والسؤال اللي عجزت ألقى جوابه
اللحين نلبس شتوي وإلا صيفي !؟؟

20 comments:

رنيمـ.. !! said...

السلام عليكم

أحلى شي التوضيح .. لأني كسعودية أحب ابشرّك اني (في البداية) مافهمت ثلاثة ارباع النص !!

بس .. و بدون مجاملة ..

أمتعني جدًا .. قرأته مرارًا..

حقًا بوركت موهبتك ..

و مشكور عالفاصل بعد P:

why me said...

اي والله في بحر هوانا مانبي دليله

:)




والمسج اللي يت لك
لوووووووووووول


قوله البس صيفي
البس شورت

لوووووووووووووووووول


;pppppp

Amphibious said...

قوله يشرب ف.بييييب..ويلبس تي شيرت

Bloggerista said...

وكإني بالع شَكِر وتيله

لول

ما سوت عليك هالشوفة

Kuwait said...

لوووووووووووووووووووووووول ..
خطيرررررررره الأبيـــات
صح لسانك :)

vancouver said...

صح لساااااااااااااااانك


ياحلو كلامك يا براك

بس معلش مداحره بسيطة

شنو يعني اصيرلك قلب وحلج

ما ادري ليش حسسسسسيت انك اقحمتها اقحام
لمجرد القافيه
او فهمي فيه قصور

بس ما عدى هالكلمه

كله ابداااع

--

المسج فعلا طريييفة
ههههههه

قلب طفله said...

صح لسااااااااانك

لووووووول

و المسج قوله الاغلبيه تسال هالسؤال

:P

SHAHAD said...

شوقتني .. ابي اركب لنج : ))
براك دايما تبدع بالحرف : )

Barrak said...

روري

وعليكم السلام ورحمة الله وبركاته
ياسيدة التعليق الأول

اولا الشرف لنا ان تقرأ كلماتي وحده سعوديه

والتوضيح كان مطلب اساسي من الجميع لان هناك بعض الكلمات الكويتية القديمه لايفهمها بعضا من الكويتيين
فالتوضيح جاء لتعم الفائده

انتي اللي مشكوره اختي الراقيه

Barrak said...

why me

راح اقوله

مشكوره على هالمرور

Barrak said...

AK-47

تي شيرت اوكيه

بس اخاف يلبس تي شيرت وتحته فنيله علاق

هني تكمن المشكله

عاش واقف

Barrak said...

Fashionista

تخيلي عاد شكر وتيله

شنو بيكون الطعم


هذي سوايا اللنج

Barrak said...

Kuwait

صح بدنك

اشكرك الشكر الجزيل

Barrak said...

vancouver

صح بدنك

ليش مداحره بالعكس احنا انتشرف بأي سؤال منك

بقولج الصج من غير اي فلسفه او تزهلق

والله انا بنفسي ماأعرف شنو معنى قلب وحلج

القصه بإختصار

مره في سنة 1992 كنت بعزيمة غدا عند خالي وكانوا اليهال ياكلون بروحهم جمبنا وكان الغدا مرق لحم
قام الخال وحط حق اليهال شوية عيش وترس الصحن مرق وقالهم : غيلوا

من ذاك اليوم وهذي الكلمه ببالي
ومع صورة اللنج لقيت نفسي اكتب كلام اتذكر فيه الموقف ولحظات حلوه تجمع الحب بالتراث واللنج

وهذا اللي صار

بس اهي فيها من النص السابق ورده بدمي بمقطع اخليك بين الخد والقلب

وقلب وحلج

وهذي السالفه ومافيها

Barrak said...

قلب طفله

صح بدنك


وفعلا ترى ماندري احنا بأي فصل

Barrak said...

SHAHAD

اللنج هالايام منو يحصله

هالايام كله طراريد

والفرق بين الطراد واللنج
الطراد هو اسم حديث لانه يطلق على القوارب المصنوعه من الفيبر جلاس
اما اللنج فهو مصنوع من الخشب

راح اسوي رحله للمدونين على ظهر لنج

Kuw_Son said...

يا زين اللنج والله ..

صح لسانك ..

صاحبك خل يلبس مكسر و يطقها جريمبه
:P

Om Jaber said...

ولهت على حكيك يا براك :)
إي والله شفت صورته اليوم بالجريده وانثولت اتقول ماخذه بنج. الله كريم هو أعلم بالحال.

Barrak said...

Kuw_Son

هههههههههههه

مكسر وجريمبه

هذا مقاول مو صاحب

مشكور يااخوي

Barrak said...

Om Jaber

توله عليج العافيه

حلوه انثولت