Thursday, December 11, 2008

ثقافة قطاوه





تنظّفت القطاوه

صارت الوانها غير

جسمها غير

تمشي اتبخطر

بهداوه

تنظّفت القطاوه

،،،،،،

 قبل كانوا مفلّعين

 قبل كانوا متشلخين

حالهم يسِر اللحين

آخر حلاوه

،،،،،،،

الأجسام صارت ممشوقه

راحت الألوان المحروقه

القطوه ماصارت مطفوقه

تستاهل علاوه

،،،،،،

يمكن لأن الحياة تغيّرت

ولإن مخلفاتنا كثرتْ

يمكن الاحلام قصرت

وفقدنا طين خاوه

،،،،،،

ياقطوتي تمخطري براحه

وسبحي بشوارعنا سباحه

وتحت سياره في براحه

تعشّي بقلاوه

ومهياوه


تغيرت القطاوه

11/12/2008

47 comments:

ZooZ "3grbgr" said...

ذكرتني بمظفر النواب
قصة من عالم القطط
شوفها بيوتيوب

enter-q8 said...

لا للحين في هالنوعية يالبرك من القطاوة الاصيلة
كل جمعة نتحبلها بالزفر و نخلي جارنا يشوحها البر

Aldenya said...

:>


شاعرنا المتألق براك

ماشاءالله ,,, تبارك الرحمن

نجاح وانجاز نفتخر فيه

خذيت لى جولة سريعة ببلوقك

وبصراحة سرني اللى شفته

عسى التوافيج دوووم ملازم خطاك

darkness said...

يت على القطاوه هالمساكين

:(

كل شي انقلب حاله يا اخوي

الله كريم

Mohammad Al-Yousifi said...

كل شي تغير

ما قاموا يرضون ياكلون المخلل , الا تعطيهم من صمونة الطاووق

الزين said...

ترى انا ما ارضى على القطاوة

احبهم


شوف لك غيرهم


لو سمحت

أتيت متاخرة said...

براك
يحليل القطاوة
تراني أحب أشوفهم بس
خلهم في حالهم كفاية شهداء الشوارع منهم

تراب الكويت said...

و .. للبساطة جمال خاص

احسنت :)))

The Voice Within said...

عيدك مبارك مؤخرا



و تسلم ادياتك

Kuw_Son said...

قوت عينهم يا البرك !
تهوش لها .. تطالعك بطرف عين ولا تتحرك !

Kuwait said...

لوووووووووووول ياشين القطاوه :|
بس ترا للحين يوميا تقريبا اشوف القطاوه ميتين بالشوارع ودايسينهم دوووووس صايرين لحم مطحووون :\

قلب طفله said...

قطيعه ترعبني لوقفت
و قامت تكاسر قطاوة اخر زمن
اخاف باجر اهم اللي
يهوشون لنا دنيااااا
:s

Super Woman said...

ماكو على قطاوه العديليه

لووووووول تخزهم ويخزونك
نلعب مكاسر كل يوم
;p

وتتمشى بالشارع واوقف لها بعد

;p


يا حلوهم القطاوه
ناكرين الجميل

the.thinker said...

عندنا قطاوة !! الله لا يورييك

تسلم اناملك

أدري متأخر :) بس كل عام وانت بخير

terkwaz said...

فريجنا كله قطاوه
بالصيف تلقاهم متشرقدين فوق السيارات
وبالشتا لابدين يم النخل
لووول

بس قطاوه على اصول
للحين ماحاشهم التطور

:)

Um il sa3af wil leef said...

نسيت تقول عن ذيل القطاوه شلون يقصونه ..مساكين القطاوه شكلهم بذاكرتي قطوه مفلوعه ..قطوه مبطوطه عينها ..عتوي جيكر ماشي بثقه قطوه تعري
القطوه مسكينه بس العتوي مليغ

بنت الشاميه said...

ما ادري ليش ما احب القطاوه
وما ترحنى الا اذا تمقطت على سيارتي
وتعطيني ذيج النطره ...يعنى وخري عنى والا...!!!!!ء....وطبعا اوخر احسن لى
لا يبه اخذي رتاحتج ....هههههه
والحين اصلا صاروا ما يخافون منا
احنا اللى نخاف منهم

إيلاف said...

من حسن حظنا أن يتثقف كل من في المجتمع ..

Anonymous said...

لا أحب القطط...و لا الكلاب:)

Barrak said...

اولا

الموضوع عباره عن طلب من شخص عزيز ان اكتب عن احوال القطط والتي تغيرت
وشرحت انا بطريقتي اسباب تطور القطاوه لاتخلو من الطرافه والخباثه

Barrak said...

ZooZ ZaibG

راح اشوفها

اشكرك على تعليقك الاول

شكرا

Barrak said...

Enter-Q8

يعني افهم من كلامك الى الان فيه اثر للقطاوه الهيلقيه الغير متربيه

عموما انا القطوه اللي شفتها كانت بالروضه الظاهر عيال الروضه عرفولهم

Barrak said...

Aldenya

هلا وغلا

هلا بالغايبه الحاضره

لك وحشة ياوخيتي

النجاح والانجاز ان كان فهو من دعواتكم ومساندتكم
ولاننسى افضالك

بصراحه سرني وايد كلامج
فيج الخير

Barrak said...

darkness

القطاوه في هذا البوست هو مثال للناس اللي مادري ن وين طلعوا لنا
للاسف في ديرتنا اكثر ناس استفادوا هم القطاوه

لان المخلفات زادت

Barrak said...

ma6goog

انت وايد زين

لك خلق توكلهم مخلل
عندنا ناس يشبون فيهم نار ويلحقونهم

Barrak said...

الزين

انا ماقلت شي

انا بس شرحت مراحل تططور اجسام واشكال واخلاق القطاوه

عاد بصراحه انا ماأحبهم كلش

لانهم مصلحجيه

Barrak said...

أتيت متاخرة

من زينهم
الله يهداج

قلعتهم على كثر الحوادث ولااكو فايده
او بالبحريني ماميش فايده
زايديين

اسعدني مرورك

Barrak said...

تراب الكويت

اشكرك ياصاحبة التعليق المتميز

Barrak said...

The Voice Within

ايامك سعيده

الشمس من وين طالعه اليوم

ترى وايد مسجل عليك غياب

Barrak said...

Kuw_Son

يعتمد ياخوي على المنطقه

اذكر قبل فيه قطوه وانا بالثانويه من اقولها تت
اتطالعني من فوق لي تحت

جني ساب امها

Barrak said...

Kuwait

بصراحه فيه قطاوه مقاريد

من يشوفون سياره يعبرون

الظاهر طهقانين

Barrak said...

قلب طفله

هههههههههه

اي والله شدراك

خو كل شي انقلب

عادي لو يهوشون لنا

احسن من غيرهم

Barrak said...

ShLaLaT

عاد اللي اعرفه ان قطاوة العديليه انقرضوا
لان بعض عيال العديليه حاطين دوبهم دوب هالقطاوه
والسبب عيال الفيحاء والروضه

Barrak said...

the.thinker

وانت بخير

والله فيك الخير اشكرك وايد

Barrak said...

terkwaz

الظاهر التطور ماوصل فريجكم

والظاهر ان قطاوتكم منغلقين

Barrak said...

Um il sa3af wil leef

الظاهر عنكم سوابق مع القطاوه

انصحكم بمشاعدة قطاوة ضاحية عبدالله السالم

ياحلوهم

Barrak said...

بنت الشامية

صح كلامج

احنا اللي نخاف منهم
لانهم خذوا كل شي

للاسف زماننا زمان قطاوه

والحدق يفهم

Barrak said...

إيلاف

من حسن الحظ
ام
من سوء الحظ


؟؟؟؟

اسعدني مرورك

Barrak said...

Rose

حتى انا

بنت أحمد said...

وتحت سياره في براحه

تعشّي بقلاوه

مياو مياو مياو

مياوه

تغيرت القطاوه





يقطع ابليسك حتى القطاوة
بس من جد صح لسانك

يااخوي مامرة جا في بالي وانا اقرا فاتحة عقلي وفمي مترين

آآآآآآآه كل شي تغير

القطاوة تنظفت واحنا اللي توسخنا
مع احترامي للجميع


ربي يكون بالعون


مشكووووووووووووووووووور من صميم القلب وتسلم الأيادي

GUCCI-q8 said...

مساء الخير

جدا رائعة والقطاوة هالايام

اي نوع تقصد ؟؟

Barrak said...

بنت أحمد

صح بدنك

اشكرك سيدتي الراقيه


حتى للقطاوه ثقافه


وللاسف ثقافتها مؤثره

Barrak said...

GUCCI-q8

النوع اللي منظره نظيف وحلو

وهو من داخله مكرم السامع وصخ

Amphibious said...

قبل اليهال بالسكة ياكرة يا جواري يا صيد قطاوة
اللحين عندهم
wii we playstation
واحد من الربع تكانة وملتزم قبل كان يبي يثبت نظرية القطو قادر على الطيران

(روح) said...

ياقطوتي تمخطري براحه

وسبحي بشوارعنا سباحه

>>>>>

و الله معطيها جوّها :)

أكرهها جدا جدا :)


..

افتقدت وجودي هنا (f)

تسلم يمينك ويمين اللي
على الطيب رباك :)

Barrak said...

AK-47

فيه واحد انا أعرفه كان عنده سياره يلحق فيها قطاوه

على فكره

ترى التراكمات الزميه لمرحلة الطفوله الفيلم

اللي عشناها
تخلينا مو بس نلاحظ تقدم القطاوه

قمنا نلاحظ حتى التبتون



اشكرك
وترى ولهت عليك

ميرامار said...

يت عالقطاوة براك؟

بس صراحة خوش اسقاط
عجبتني قطوتك :)