شوراك
ياعمر شوراك
ردّت اللحظه من جديد
لنفس الذكرى تعيد
إنسان
يفهم دنياه
يقدر لحظة القوة
ولحظات الإرتباك
شوراك
ياعمر شوراك
،،،،،،،،
ردّيت
أرسم تواصيف عمري
كُبرت
من غير ماأدري
زادت السنين سنه
نصها وله وعنا
لشخص غاب هناك
شوراك
ياعمر شوراك
،،،،،
آه ياالعمر مايمديني
كلمالك وتكبِّر فيني
لحظه وهِّلني
لحظه إفهمني
ماهي حالة معاك
شوراك
قولي شوراك
،،،،،
من حقي تفرح حروفي
وتكبِّر صرخه بيوفي
من حقي تشرق شمسي
من احقي اقول لنفسي
من حقي تشرق شمسي
من احقي اقول لنفسي
كل عام وانت بخير
والله يهداك
شوراك
،،،،،
أربعه وثلاثين ترى قويّه
صدقني يابوعبيد مو شويّه
بدى يكبر فيك العمر
ويزيد شيب الشعر
شيٍّبت يابراك
17/12/2008
الأربعاء
17/12/1974
الثلاثاء
78 comments:
البرك شنهو اللي بالضبط شاب فيك؟
العمر كله والخير جدام والعز بإقبال ياخوي
توك شباب وتزوج الثانيه
اشرايك ماشي على القافيه :p
كل عام وانت بخير وعقبال 109 سنه
الحمدلله اني اصغر منك
كل عام و انت بخير
يوبا توك شباب
لا تقعد تكسر مجاديفي انا شنو اقول
كل عام و انت بخير
و العمر كله يارب
:)
كل عام و انت بخير
شباب شباب يا بو عبد الله
لا تشيب روحك
كل عام
وانت
بخير
والعمر كله
توه العمر هذا ابتدى
لا تقول ..ابد ما مدى
توك شباب..و شبابك توه غدى
وايد
فقدت هالمكـــــان
كل عام و انت بخير و صحه وسلامه :)
كل عام وانت بخير
عندي أخوان 2 نولدوا بهذا التاريخ
17/12
بس واحد أكبر منك والثاني أصغر منك بوايد
:)
كل عام وانت بخير
العمر كله يا البرك
قلبك شباب باحساسه :)
--
من حقي أهنّي نفسي
ومن حقه ينتفض حسِّي
وتفرح فيني حروفي
وتكبِّر صرخه بيوفي
كل عام وانت بخير
والله يهداك
شوراك
----
من حقك ونص .. كل عام وانت بخير
:)
صباح الخير يا براك
ليلحين شباب ما شاء الله :)
العمر كله
عسى أيامك دوم خفيفة على قلبك
وثقيلة بذكر ربك
براااااك
العمر كله يارب
انت وحبيبتي بنفس الوقت
نفس البرج
يديم الصحة والعافية عليك
ويحفظ لك غاليك يارب
شنسوي فيه هالعمر ماينمسك يدبج
كل عام وانت بالف صحة وعافية
هابي بيرزدي يا براك
كل عام وانت بألف خير
وانشاالله الله يكتبلك الفرح باقي العمر يارب
:")
كل عام وانت بألف خير
وكل سنة وانت طيب ومرتاح
يعطيك الصحة والعافيه
ويوفقك بكل خطواتك
ويجعل كل ايامك افراح واعياد يارب
:)
كل عام وانت بخير
والعمر كله يا ربي
تراك ما شيبت
أنت في ربيع العمر يا براك
كل سنة و انت طيب يا جميل
عادي
اشفيها ال 34 ؟؟
هذا اصلا سن بداية الشباب و الحيوية
" مادري قاعد اقص على منو !!؟ عليك والا علي "
:)
برااااك
اسم الله عليك توك بشبابك
وكل عام وانت بالف خير والعمر كله يارب
وتفرح في عبيد وتشوفه معرس
بس منو العروس
:)))
ادري بتقول انا
؛)
كل عام وانت بخير يا بوعبيد
هديتك الرحلة الياية معاي تزهب :)
تنسيك ال34
34 وتقول شيبت !
عيل لما توصل الـ 70 شبتقول ريل بالدنيا وريل بالقبر :P
لك طولت العمر يارب وكل عام وانت بخير ..
والله يجعل ايامك افراح وسعاده :)
العمر كله انشالله ..
ئي والله شوراك :))
كل عام وانت بخير :)
كل عام وانتي بالف خير إن شاءالله
والعمر كله يارب
توك بعز الشباب
:)
القلب خضر
والدرب خضر
HAPPY BIRTHDAY
البركي :)
آآآه يابلد
اشسويت يابراك
بدى يكبر فيك العمر
ويزيد شيب الشعر
احلى شي :P
كل عام و انت بألف خير و العمر كله انشالله
كل العمر وانت بخير وصحة وسلامة
عسى ربي يبارك لك بايامك
ويسعد لك حياتك
ويهنيك بكل لحظاتك
!!
براك.تدري كم اعمار هل الجنة؟
بالثلاثينات
ليش هالعمر بالذات؟
هذا عمر النضج العقلي
والنفسي
وبدايه الاستقرار الروحي
بداية التصالح مع الذات
والتصادق معها
عساك ياربي تكون من اهل الجنة انت وكل من نحب قول امين
:)
العزيز براك
كل عام وانت بخير
الشباب شباب القلب ياوخيي
وعسى قلبك دوم شباب
كل سنه وانت بخير وصحه
يا وخيي الغالي
وعسى الله يبلغك بخشيم الفار واخوه
ويعطيك طولة العمر مع الصحه والعافيه والخير والسعاده
كل عام و انت بخير
عيرتني بالشيب و هو وقار
:)
ماشاء الله
العمر كله يا براك
و كل سنة و أنت من تألق لتألق
: )
!!
مجهول بس اعرفه
ماأدري احس انه تعليقك فيه تطنز
لان سؤالك ينفهم على ان انت من وين لك شعر يابراك عشان تقول شيبت
انا برد عليك وبقول
ان مشكلة الصلع فيني ان الجانبين الايمن والايسر فيهم خير وامل اما منتصف الراس ماشاف لاأمل ولاسبيجه
اشكرك ياخوي
طول عمرك راعي واجب
Eng_Q8
اتزوج ثانيه !!!!
ام عبيد تسوى الدنيا ومافيها
وانت بخير ياخوي الراقي
Enter-Q8
من قال انك اصغر مني
بدينا
اشكرك ياخوي
دايما راعي واجب
Purplecious
وانتي بخير وصحه وسلامه
اشكرك
mtfa2el
حبيبي انت
قمنا ننسى
ونضيع بالطريج
ومانثبت اسامي
الشباب شباب القلب
منو ينسى
اشكرك سيدتي الراقيه
هالمكان اللي فاقدك وايد
لاتعيدينها ارجوك
JuVeNTiNa
وانتي بخير وصحه وسلامه
ويييييييييييه يا وخييي الشيب وقااار
وبعدين توك بعز شبابك لاتحاتي مايبين عمرك شكلك اصغر :)
وبعدين الانسان مومهم عمره شكثر صار المهم شسوى وشبيسوي
وكل عام وانت بخير يابوعبدالله
ويارب تفرح بشوفت عيالك عرسااان
ولاتحاااتي ماراح نقولك باباعود
مساالورد والجوري
مبدعنا الراقي
كل عاااام وانت بخير
وكل سنة وانت بعمر مديد
وكل يوم وانت اقرب لكل
محبينك
وغالينك
احنا نهني انفسنا انا عرفنا انسان بكل ماتعنيه الكلمة
من معني
فيكفينا فخرنا ان تكون بيننا
لطول العمر
قول آمين
دمت كما انت قريب
ومبدع
وراقي
ابدا
:))
كل عام وانت بخير براك
الشايب المسمسم
(تستاهل اللقب عن جداره)
:))
كل عام وانت بخير
وينعاد عليك يارب بالصحة والعافيه
وعقبال العمر كله
magnoonah
؛)
عيد ميلاد سعيد :)
كل عام وانت بخير...
دراسات تقول
الثلاثينات اهي العشرينات اليديده
:))
الله يهينك بدروبك
كل عام و انت بخير :)
Happy B'day :)
يا ربي مواليد برج الجدي فعلا محبوبين :)
Salah
وانت بخير وصحه وسلامه
والله يخليلك اخوانك اللهم امين
Cloudy Stars
وانتو بخير وصحه وسلامه
شكرا
Fahad Al Askr
بعد عمري ياخوي
مشكور فيك الخير
تراب الكويت
ياربي
كلامج يسرسح عالقلب
اشكرك لرفعك لمعنوياتي
تسلمين
Bluetiful Nostalgia
اللهم امين
اشكرك الشكر الجزيل
الزين
مشكوره يالزين
ياكل الزين
فيج الخير والله
Sweet Revenge
وانتي بخير وصحه وسلامه
حلوه يدبج
ZooZ ZaibG
وانتي بخير وصحه وسلامه
الله ينور دروبج
ويسعدج
اشكرج
Najmah
وانتي بخير وصحه وسلامه
اشكرج يانجمه
فيج الخير ياوخيتي
أتيت متاخرة
وانتي بخير وصحه وسلامه
هل تعتقدين اني بربيع العمر
يالله بصدقج هالمره
مشكوره
عثماني
اشكرك ياجميل
محد بيخلينا نروح جفي غير كلمة عادي
تسلم يالغالي
صبا
وانتي بخير وصحه وسلامه ياصبا
مشكوره
بالنسبه للعبد
انا موافق
بس انصحك بخشيم الفار
لان العبد يحن وايد
AK-47
وانت بخير ياخوي
بالنسبه للهديه انا ماعندي مانع
بس اخاف يصير عندهم انقلاب
ونروح فيها
عاد محتاج انسى
Kuwait
وانتي بخير وصحه وسلامه
الاعمار بيد الله سبحانه
بس مااعتقد اوصل السبعين
اشكرك
أحمد الحيدر
وانت بخير وصحه وسلامه
تسلم ياخوي على مرورك الجميل
7osen
اشكرك ياخوي
انا ماادري ليش استانس لما اشوف تعليقك
الله يحفظك
ميرامار
اشكرك ياسيدتي الراقيه
حلوه البركي
عجبتني
GUCCI-q8
ماسويت شي خاااااااااااالص
Fashionista
اشكرك
الشيب مرات يصير زين وشين
الله كريم
Fashionista
اشكرك
الشيب مرات يصير زين وشين
الله كريم
esTeKaNa
بداية التصالح مع الذات
يااستكانه
جملتك هذي مخلتني ايام افكر فيها
دايما اختيارك للكلمات يكون راقي مثلك
تسلمين ياسيدة الذوق
ورده
الشمس من وين طالعه اليوم
ياااه ياورده
مشكوره الله يسلمج ويخليج
Mamloo7a Q8ia
وانتي بخير وصحه وسلامه
مشكوره ياوخيتي الغاليه
الله يسلمك ويحفظك ويطول بعمر غالينك
Peace
وانتو بخير وصحه وسلامه
ياليتها عيرتني بما هو عار
دبي
وانتي بخير وصحه وسلامه
مشكوره وفيج الخير
حي الله اهل دبي
دبي
وانتي بخير وصحه وسلامه
مشكوره وفيج الخير
حي الله اهل دبي
Shaima'a Alkandari
مشكوره ياشيماء
والله يسلمج ويخليج
ويحفظج
ويخليلك اهلك
وايد مشكوره
فراوله
مساء القرنفل
مشكوره وتسلمين
وانا اهني نفسي اني عرفت شخصيه محترمه مثلك
وراقيه وحساسه وفيها الخير
Nescafé
وانتي بخير وصحه وسلامه
اشكرك الشكر الجزيل
مجنونه
وييييه يامجنونه
انتي وينج
نور نور هل علينا
شايب ايه بس مو مسمسم
تسلمين والله فيج الخير
Rose
merci
terkwaz
فيج الخير والله
انا اشك في هذه الدراسات
ياحلو العشرينات بس لو فيها شعر
تسلمين
Kuw_Son
وانت بصحه وسلامه يالغالي
انا برجي القوس
مستعد اصير جدي
انت تامر
Post a Comment