مصلحه
تاخذ السنع
وتعفر فيه
وتذبحه
مصلحه
،،،،
عشان فلوسك أحبّك
وأحاول أملك قلبك
أغنيلك وألفح لو تبي
اصيرلك سايق وصبي
أدوس منطق الكرامه
وأذبحه
مصلحه
،،،،
عشان منصبك أتقربلك
أموت فيك وأهواك كلّك
لك مدة للصلاحيه
اليوم وياك 100%
وإن شالوك
وإن شالوك
أحذفك بمملحه
مصلحه
،،،،،،،
عشان موترك أتغزّل فيك
أدبخك وأدلعك وأجدّيك
أتفيخر بيختك وشاليهاتك
أخليك أسعد أدمي بحياتك
والأماني حولك
مسدّحَــــه
مصلحه
20/10/2008
الأثنين
السّنع : بتشديد السين وهو الشئ الراقي ويطلق على الشخص المهذب سنع بتسكين النون
تعفر فيه : أي تقلبه رأسا على عقب
ألفح : لفح فلانا أي رقص
أحذفك بمملحه : أي أرميك بقنينه ممتلئه بالملح
موترك : سيارتك ان كانت جيبا او كشفا أو مصندقا
أجديك : الجيم تنطق جيما فارسيه أي اطبطب على صدرك لتتجدّى وعادة الامهات يجدون اي يطبطبون اطفالهن بعد رضع الحليب لاخراج الغازات وعادة ماينتهي التجدي بصوتا يصدح من حنجرة الطفل الرضيع وهناك اطفالا يطلقون اصواتا من منطقة عريفجان جنوب الكويت مثلا ويصل الصوت لحدود نيروبي
مسدّحه : أي مرتميه على الارض مثال انسدح لطفي على القنفه أي ارتمى لطفي على الأريكه حلوه الاريكه وعاش واقف
43 comments:
ملحمة مو مملحة :P
مادري ليش طقيت بريك عند كلمه يلفح لك
!!
ممممم
منو اللي يلفح؟
حضرتك؟
ممممممم
:)))
بوست واقعي جميل
الله يبعدنا من هالنوعيات حذافين المملحات
ومسائك ملح:)
وهناك اطفالا يطلقون اصواتا من منطقة عريفجان جنوب الكويت مثلا ويصل الصوت لحدود نيروبي
لوووووووووووووووووووول
انزين شيسمون القنينة الممتلئة بالفلفل؟
عاد المتمصلحين هم اللي يوصلون
اسأل الوزراء
:)
كلمات تلامس الواقع المرير اللي احنا في
صح لسانك
تبارك الرحمن مشاء الله
انا عن جد مابعرف شلون بيكون فيكم تكتبو اي انا كلمتين على بعض مافي اكتب
الحلو انك عم اترجم لان عن جد في كلمات مو مفهومه الي
يلا يسلمو
يبيلك قلب ما يتعب عشان تفهمهم
اعتبر هذا توارد افكار
لاني قاعده اكتب عن نفس الفكره بس خليها بعدين وانا اختك
صح لسانك ومقامك
:)
عشان منصبك أتقربلك
أموت فيك وأهواك كلّك
لك مدة للصلاحيه
% اليوم وياك 100
وإن شالوك
أحذفك بمملحه
مصلحه
-----------
تخيلت تحذف بالمملحه
صح لسانك براك... صاج والله هذا اللي قاعد يصير
الله يحفظكم ويكبر حظكم
:)
منطق الكرامة اذبحة ,اخ بس من هالي كرامتهم يبيعونها علشان مملحه ب100 فلس واقل يمكن
تسلم براك
wOw
ما شالله
وصف دقيق للواقع :(
والله شي مؤلم ! لكن اتوقع الحل ان الواحد يظل نظيف و عزيز نفس، لما تتفشى هالاخلاق الطيبة للجميع =)
لو بيدي حطيتك وزير الشعر الكويتي
:p
الله يحفظكم
صح السانك
صدقت
:)
من تكون
لانك تملك فلوس
ماتبيع وتشتري بضمير
تركب احسن سياره
وغيرك صويحب للهم والضيق
لا مزرعه ولا شاليه ولا ورث يشيل
ناس تلهث ورا الفلوس
همها الوحيد
التعنفق والتشيحط المليق
ماعاد فيه كبير ولا صغير
تساوت البشر بالفلوس
ناس ترضى بصفر وناس يتراضون باصفار
مصلحـــــه
___
صح لسانك
عاش واقف :))
عاش عاش والله يبتها بوقتها والله قاعدين نتناقش اليوم عن هالموضوع لوووول
يعطيك العافية ..
صححححححححححح لساااااااااانك
الف مره مو مره وحده يا براك
شوف عيني محد قاللي
ناس تمسحت بجواتي مسؤول كبير
وعقب يوم واحد من تركه المنصب
صارت سبته ببيزه
من اللي يسوى واللي ما يسوى
والكل تنكر له واهمه قبل حطوا خدودهم مداس له
!!
لا حول ولا قوه الا بالله
صدقت بكل كلمه
هههههههههههههههههههه
كلام فعلا واقعي
قواك الله
اما تعريف الكلمات
شي ثانـــــــــــي
^_^
تحياتي
فعلا المصلحة اليوم هي السكان اللي يتحكم بكثير من الناس
السكان : تعني المقود و نقول سكانه مرته أي تقوده زوجته
باراك
الصديق العزيز
لي فترة طويلة لم ازور مدونتك الجميله
لكنى اليوم ها قد هبط على ارضها من جديد
اولا اشكرك على توضيح المعاني
ثانيا :
المصلحة اتفق معك انها آفة تدمر الشخص قبل أن تدمر ما حوله لكنها تبقي للأسف موجوده ولن تنتهي طالما ان طباع البشر موجوده ستظل المصلحة موجودة الابيض والاسود يا عزيز لا قيمة لواحد منهم في غياب الاخر
تقبل مروري
سيد سعد
اي والله صاج
:)
===
عالهامش
سيارتك سبورت سيلفر ؟ :p
هالأشكال يبيلهم فلفل تذره بعينهم
هذيل اللي ماخذين البلد قووع
أدنى فئآت البشر
هههههههههه
حشااااا هالياهل اللي متجدي وصوته واصل نيروبي
مووو شارب حليب ... هذا شارب بيريه عقب ما أكل رويد
:)
Blog 3amty
فعلا هي ملحمه
بين عزة النفس والاهانه
وهذه الملحمه
تحتاج مملحه
صح ياصاحب التعليق الاول
esTeKaNa
اللي سلفح مو انا
هذا راعي المصلحه
اللي يحتاج حذفه بمملحه
اما انا فحالي تجدينه في صفحه
82
من ديواني
ان صح التعبير
مساؤك سكر
Purplecious
يسمونها يامحفوظة السلامه
الفلفله
كويــتي لايــعه كبــده
انت ترى صج لايعه جبدك
بس تبي الصراحه
عندك حق
why me
صح بدنك
Meme
وانا عن جد
اشكرك على مرورك
وتعطرنا بنسائمكم الليبيه
حياك الله
وهناك كلمه ليبيه احبها
كلمة
صعيب
لكن صعيب كيف نوصلها
أماني العين يامطولها
تراب الكويت
ليش لبعدين وأنا اخيّج
هذا وقته
المصلحه منتشره هالايام
اشكرك
Bluetiful Nostalgia
الله يخليكم ويحفظكم
ويعلي قدركم
ومقامكم
شكرا
Sweet Revenge
كل شي قام ينباع برخيص
الشي الغالي ندر
Mai
اشكرك سيدتي
انا اصلح اكون
وزير الاماني
darkness
صح بدنك
اشكرك
terkwaz
من قال عاش
alsaronah
يعافيك ويخليك ويسلمك
vancouver
الامثال كثيره ياوخيتي
ولهنا على وجودك
شهالغيبه
نورتينا
طفو نور الكهربا
ايه يا براك
صح لسانك كلها مصلحه مو هذا اللي ذابحنا
تسلم
عشان منصبك أتقربلك
أموت فيك وأهواك كلّك
لك مدة للصلاحيه
% اليوم وياك 100
وإن شالوك
أحذفك بمملحه
مصلحه
عجيب
بس انا اقول مالت الفلفل احسن
تاثيرها اقوى بالمعاطس
تسلم ايدك
:)
miss_lavendar
كلام يمكن حلو
لواقع اميد مر
الله يقويك
يخليك
ويسلمك
الأمل
ويقولون مرات عندما يكون الزوج سكانه ومرته
انه مرته مسويته قليلبه
والقليلبه
لا بس خلاص
اشكر مرورك
MKSARAT SAYED SAAD
فعلا غبت مده طويله
وعذرك معاك عذرك
وانت اللذي قدرك
عيني وعلى راسي
Selezya
مشكوره
عالهامش
إيه
DiLLi O MiLLi
الله
كلمة تذره
رغم واقع حال النصلحه
كلمة تذره جميله
تذر
ياسلام عليك
بالنسبه لاصوات نيروبي
سمع إذني محد قالي
اشكرك
GUCCI-q8
الله يسلمك
احنا ذابحتنا اشياء
وايده
وايده
اشكرك
الى الان انتظر ردك على ناي
ManalQ8
اهو العاده يحذفون يشغلات ثانيه غير المملحه
بس لزوم القافيه
اشكرك
Post a Comment