Thursday, October 2, 2008

بطي


أعاني من مشكلة أخرى بخلاف مشكلة الصلع ، ألا وهي مشكلة أن خطّي باللغه العربيه والأنجليزيه يميل للهيروغليفيه
خطّي خرطي
اللي يقراه
يروح وطي
خطّي خرطي
،،،،
تشوف الألف كأنها بيت
وتشوف الضاد كأنها ليت
يميل للهيروغليفيّه
مايدانونه الهتليه
ولاجاسم ولا خالد
أو بُطِي
خطّي خرطي
24/7/2008

71 comments:

Blog 3amty said...

من سمات المبدعين ما عليك :P

Barrak said...

Blog 3amty


سيد التعليق الاول

الصلع والخط الخرطي سمات المبدعين


يعني اللي شعره حرير هذا مولي


اشكر مشاعرك النبيله

shosho said...

اي والله خرطي :P
حسن خطك

مُحَسّدْ said...

يبيلك دورة خط :)

Salah said...

أحسن من خطي!

تصدق؟

انا فقدت الأمل من زمان! من اولى متوسط!

كل عام وانت بخير

ManalQ8 said...

لا يا صلاح

مثل خطك ضبط

:))

بس مافيه شي

صج ما ينقري الا بطلعة الروح
بس بالنهاية
توصل المعلومة المقصودة

:)


كل عام وانت بالف خير
:)

ma6goog said...

same here

shahad said...

احرفي بالكتابة
الألف موزة
والياء عين حورة
والكاف خل السالفة مستورة
والراء ريول معصقلة تلعب كورة
و ليه تيمعوا الأحرف إصيرون كلمات أي عين تقراهم مبهورة
الله رحم البنات إني مو مدرسة و اتفن بالصبورة
الهقوة إنا نروح دورة خط لما أحرفنا تصير من روعتها صورة

Kuwait said...

لوووووووووووول ..
أنا خطي نمــل ما ينشاف من صغره :\
جمله كانت رفيقة دربي طول مراحل الدراسه (كبري خطج) الظاهر انت جمله ما فارقت دفاترك اهيا حسن خطك لووووووووووووول ;P

Makintosh said...

تدري شتسوي
انسخ الاحرف وراح يتعدل خطك ترى من صجي :)

Purplecious said...

لووووووووول

ما عليه براك كل شي بأجره ان شاءالله

أنا الحمدلله خطي حلو وواضح و جميـــــل

بس اذا كتبت بسرعة يصير مو حلو
:(

عيدك مبارك و عساك من العايدين الفايزين

ZooZ "3grbgr" said...

اسمحلي يا خوك بس خطك صج زخارف
:\

كل عام وانت بخير
عساك من عواده

Enter-Q8 said...

من ناحية انه خرطي يالبرك
مالك شغل
نفس الدكاترة

عيدك مبارك

تراب الكويت said...

المهم تكتب شي حلو

عيدك مبارك

:)

دلة said...

ههههه صح لسانك
انا خطي بالعربي مسوي فريز من رابعة ابتدائي

ليه كتبنا انا وبنت اختي الزعطوطة بنفس الورقة
يحسبون خطي خطها وخطها خطي

7osen said...

هههههههه

حلوووه

حتى لو خرطي خطك
المهم انك مبدع

يعطيك العافية

براك شفتك امس
مريت من جدامي بالسيارة كنت تدور مصفط
:)

alsaronah said...

لوووووول

انا خطي مو خرطي :P

خوش حجي :)

terkwaz said...

الخط الردي
ظاهره تستحق الدراسه


@@ عيل لو تشوف خطي شتقول

بدون نقاط واشكال هندسيه
وكل حرف زعلان على الثاني..

`~MnO YeNSa! ~` said...

من الذكـــــــــــــــاء
ترى
:)

عيون الحب said...

هههههههه
الخط مو شي الواحد ينقاس عليه
اهم شي القلب الحي
^^

Mai said...

3aaaaaaaady

ترى الي خطهم مو حلو دليل على الشخصية المميزة !

والله صج

:D

و احلى شي اليوم الي كتبت فيه الشعر يوم ميلادي
احلى من الشعر

loool


و الصلع له حل ... تعرف الفاكهه ام كشه ؟ الي لونها أحمر ؟
هذي سوولها عصير
و يعالج وايد أمور
و منها الصلع
انا تكلمت مع وكيلة هالشركة في ماليزيا
تقول ان واحد يالها الشركة و قالها انا حطيت العصير على صلعتي مو بس شربته، و ورتني صورته طلع له شعر !

اطلع لك اسمه اذا تبي :)

و الصلع حلو ما عليك :)

أتيت متاخرة said...

براك
لا تعقد روحك
خطك عادي مافيه شي
أهم شي مقروء
انت لو تشوف الخطوط الي اقراها كل يوم جان تقول انا خطاط بالنسبة لهم !!!!


والصلع هذا رحمة من رب العالمين يمنحها لعباده الصالحين فقط

mantovani said...

عيدك مبارك

العلماء و المبدعين من امثالي و امثالك

خطهم تعبان

انا واحد من الناس اكتب الانجليزي و العربي .... (مشربك) لول


كل عام و انت بخير يا الغالي

مانتوفاني

Barrak said...

shosho


شكرا ياشوشو

Barrak said...

مُحَسّدْ

صح دوره

مدتها اربع سنوات


تحمد ربك
يامحسد

Barrak said...

Salah

اذا من اولى متوسط عيل فيه أمل


انا شقول



الحمد لله والشكر

وعيدك مبارك

Barrak said...

ManalQ8

وانتي بخير وصحه وسلامه

Barrak said...

ma6goog

عندنا وعندك خير

Barrak said...

shahad

انا من مده وملاحظ




ردودك صايره بشكل صوره

فيها ضحكه متفائله ومكسوره


اشكرك

Barrak said...

Kuwait

حلوه نمل عندنا وعندكم خير

الـبـيـرق said...

افـا طـلـع خـطـك مـو خــوووش

):

عـيـل الـحـيـن ويـن أيـيـبـلـي واحـد خـطـه زويـن ؟

d:

فريج سعود said...

خطي اخرط من خطك

الـبـيـرق said...

^

خـارهـا الـحـبـيـب


:p

Bluetiful Nostalgia said...

السلام عليكم

انا أقول الخط مو مهم كثر المضمون
وانت اسم الله عليك مضمون كلامك يحجي ويقول

أول مرة أسمع عنك وماشاءاالله كل اللي قريته ابداااااااااع

ربي يزيدك ان شاءالله
:)

الـوجـد said...


::::::::::::::::::::::::::::::::

ما شاء الله إبداع في نثر الحروف وترتيبها
:
مثل ما قلت يا أخوي يمكن هذي سمات المبدعين
محد يعلم للمبدعين حركات مثل :
يا أصلع أو الشعر صاير تقول عش عصفور أو انه مسوي جسر بشعره يغطي الصلع
:)
بالنسبة للخط نقول الحمد الله ينفهم خطك
ولكن !
شو رأيك نتعلم علم الجرافولوجي ونحلل خطك يمكن يطلع شيء خطير :)
:
وعذرا ..
::::::::::::::::::::::::::::::::

Selezya said...

أكتب بدالك؟

أحلا مافيني خطي :)

كيف حالك بـراك؟

أسفه عالتقصير :)

Barrak said...

Makintosh

لو مو انسخ لو أحفر

ماكر فايده

ترى من صجي

Barrak said...

Purplecious

عيني عليج بارده

الله يرزقنا



اشكرك


وتقبل الله طاعتك

Barrak said...

ZooZ "3grbgr


اكرك على صراحتك


تقبل الله طاعتكم

Barrak said...

أكرك = اشكرك

Barrak said...

Enter-Q8


اشكرك على رفع معنوياتي النفسيه



عيدك مبارك

Barrak said...

تراب الكويت


الحلو مايكملش



عيدك مبارك

Barrak said...

دلة


عندنا وعندكم خير

Barrak said...

7osen

لايكون بالمجمع اللي صارت فيه الهوشه



كل عام وانت بخير


زادوا المعجبين

Barrak said...

alsaronah

اشكرك

Barrak said...

terkwaz


فعلا انها ظاهر ه تستحق الدراسه


مو افضل من لجنة الظواهر السلبيه

Barrak said...

منو ينسى


وناااااااااااااااااسه

Barrak said...

عيون الحب


الله يحييك

هلا بعيون الحب


عيون الحب خوافه

Barrak said...

Mai

محد رافع معنوياتي غيرك

الله يحفظك

Barrak said...

أتيت متاخرة

كلامك يسرسح عالقلب

بس هم انا متعقد


يعني لا شعر
ولا خط

Barrak said...

mantovani

مبارك عليك الشهر

الظاهر احنا الاثنين نعاني


نحتاج للفته كريمه من الخطاطين
لينطموا دورة لنا

في باريس

Barrak said...

الـبـيـرق

ايو الله مو خوش

شنسوي بعد

Barrak said...

فريج سعود

اهلا بك بنادي الخرطيه

Barrak said...

Bluetiful Nostalgia

اول مره اتشرف بوجودك


اشكرك


هذا من ذوقك

Barrak said...

الوجد


لجرافولوجي



وهذا العلم جم سنه يبيله


بعد بنرد للدراسه

لايحوشك

شرفتيني

Barrak said...

Selezya

هلا والله من غير اسفه


كل له عذره

Sn3a said...

بيني وبينك انا ماعرفت اقرا الا اول جمله اللي اهي خطي خرطي
الباجي غريب عجيب

انا كنت اقول اني احط نقط بكل مكان
بس مثل خطك ماشفت:P

قلب طفله said...

معلش يا براك
ردد ان الخط الخرطي من صفات
الاذكياء و المبدعين :P

شتقول عن اللي خطها رووووعه و
اهي صغيره بس تخرجت من الثانوي
انقلب بقدرة قادر الي خط بنت
برابعه ابتدائي ابي افهم
ليش و شلون ما ادري :(

تسلم ايدك :))

ShLaLaT said...

لوووووووووول

يقولون الشطار خطهم مو حلو لوول
عاد انا قلت اذا دخلت الجامعه لازم اغير خطي

;p

وصج نجحت السالفه

<< لا يغرك خطي احلى من خطك بنقطه لول واذا قاعده اكتب بسرعه تشوف الكلمات تتشربك لول ماكو مسافات
ويصير الخط صغيييييييييير ما ينقرا
واذا ييت ادرس من النوت ما افهم شي
:|


:P

Anonymous said...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية :

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - الطاقة المتجددة كبديل للطاقة النووية. فالطاقة النووية لها محاذيرها وهذا ماسوف نشرحه بالتفصيل.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

qesat_5ayal said...

واللي خطها كان يعتبر جميل
وصار بعد زمن من الخطوط اللي دايما يعلقون عليها



ما عليه
المهم المضمون
:)

فراشة said...

السلام عليكم


في عالم نفي فيه القلم

و يقيم لوحة المفاتيح في بيته

و تصبح خطوطنا متطابقة

أصبحت أيادينا تجهل ملمس سير القلم على الورق

و ألفت آذاننا صوت نقرات أناملنا على لوحة المفاتيح





لا بأس يا أخي


فخطك يمكن أن يقرأ مقارنة بخطوط آخرين



سلامي

والموت يعشق فجأه مثلي..والموت مثلي لايحب الإنتظار said...

العزيز براك

سبقنب اخي بلوق عمتي حين قال انها من سمات المبدعين..فهي حقيقه:)

ماعليك..مافيك الا العافيه والصلع مو عيب وشعليك من خالد والهتليه..اهما خرطي:)

دمتم بخير وسلام

Barrak said...

Sn3a

ياسلام عليك

كلامك يزرع في فؤادي الامل


ضاق خلقي

لي هالدرجه خطي مامنه امل

Barrak said...

قلب طفله

هذي ياوخيتي عين ماصلت عالنبي


الله كريم

أسيرة اللوحة said...

Barrak ,,

كلمات رائعه ,,

رغم ان خطك بنظري حلو ,,
أهون من غيرك ,,

دمت بود ,,

Barrak said...

أسيرة اللوحة

شكرا لك على رفع معنوياتي

Barrak said...

ShLaLaT

عندنا وعندج خير ياوخيتي

Barrak said...

qesat_5ayal

انتي صح

المهم المضمون

Barrak said...

فراشة

اشكرك جزيل الشكر


انت الرقي بعينه

Barrak said...

والموت يعشق فجأه مثلي..والموت مثلي لايحب الإنتظار

يبا مانبي نصير مبدعين بس عطونا شعر