ماتحن
ماتهمّك روح تِإنْ
ماتحن
ماشلت بيوفك ذرّة وفى
إنت الود أبد ماتعرِفه
لاماتعرفه
لا ماأظن
ماتحِن
،،،،
من غيري يعرف مافيك
ليتني أقدر مره أشقيك
وأذوقك ماذقته من جفاك
ليتني أكون غير ويّاك
وأدفعك الثمن
ماتحِن
،،،،
ماتسمع دقات قلب تنادي ؟؟
تنهِدم عشرة جدّامك ..عادي !!!؟
إنت إنسان جامده مشاعره
إنت إنسان عناده دامره
إنت إنسان؟؟
إنت إنسان ؟؟
إنت إنسان ؟؟
لا ماأظن
ماتِحن
،،،
بعيده عنّك المشاعر والحنيّه
بعيد عنك أي إحساس موليّه
هذا جزى من إحتواك
روح الله معاك
المنه عليك
مو إنت اللي تمِن
ماتحن
1/8/2007
الاربعاء
56 comments:
ماعليه هونها وتهون :)
اكيد ما تحن
أحيان
نحتاج نشوف هالنماين
عشان نعرف شكقر بقلوبنا مساحات حب
واحساس
وحنية
!!
الامور تعرف بما يناقضها
لذا فنحن احيانا نحتاج حتى قساة القلوب لنرى من خلالهم حجم الاشيا الجميله في ارواحنا
:)
اتمنى لك ايام جميلة
ليتني أقدر مره أشقيك
صدقني هالنمونة من البشر شقيانين خلقة
اللي ما عنده احساس االله يعينه على نفسه
زين سويت
تنهِدم عشرة جدّامك ..عادي
سؤال واستغراب واستنكار وشكوى و .. و ...و
كل هذا بعبارة
!!!!
عجييييب
ماشاء الله عليك
احساسك هالمره غير غير
:!!
إي والله يا براك
مرات ودنا نحسسهم باللي يحسسونا فيه بدون لا يحسون
:)
انعدم الاحساس وأنا اختك
صار بالتفق
ما تصيح إذنك تسمعك اشتياقي
وما زاد قلبك دقاته من الم غيابي
ما زاغت عينك مثلي يوم تظن إنها لمحت خيالي
صحيح أصعب أمور الهوى ان تعشق صنم
وبعد عشقك ما فادني الندم
قلبه جاسي يابراك
قلبه جااااسي
إنت إنسان جامده مشاعره إنت إنسان عناده دامره
قويييية والله
الشطر الاخير عجيب
اللي ما يبينا ما نبيه و انا اخوك
عدل شغلك براك
:)
من المرات القليلة اللى تكتب فيها بهالاحساس
قدرت توصل الاحساس بكل حرفنة
مبدع دائماً
ومازلنا نحّن
ونعاند
ابدعت يا براك
ثمن كلماتك ادمانها
:)
هذي الانانية وماتسوي
الله يبعدنا عنها
صح السانك براك :)
عليه قلــب!!
المنه عليه
روح الله معاك
المنه عليك
مو إنت اللي تمِن
ماتحن
-------
ايييي في ناس جذي... القلب يموت من كثر جمودهم
احساسك قوي
الله يعينك
براك
كنت هنا
وقرأت ما كتبته مرات ومرات
وللآن عاجزة عن التعليق
!!!
صح لسانك :)
روح الله معاك
المنه عليك
مو إنت اللي تمِن
ماتحن
هالكلمه تدري شتسوي ؟
تكسر القلب
:(
ليش يتني البجوه وحبستها ؟؟
الله يسامحك
*
*
*
يالعين هللي صافي الدمع هلليه --- واذا قضى صافيه هاتي سريبه
يالعين شوفي زرع خلك وراعيه --- هذي معاويده وهذي قليبه
من أولٍ خللي قريب و نرجيه --- واليوم جيتهم علينا تعيبه
يمرني بالسوق ماعاد احاكيه --- يا كبرها يا عبرها من مصيبه
اللي يبينا عيّت النفس تبغيه --- واللي نبيه عيه البخت لا يجيبة
ذكرتني قصيدتك بالسامريات القديمة
معظمها تتكلم عن الحب من طرف واحد
مؤلمة تلك الغلطة عندما يقرر قلبك أن يحب من لا يستحقك
كلماتك يا براك فيها عبق الماضي الجميل
أستمتعنا بالقراءة
تري لو انا سامع هالكلام وتوريني هاللى ما يحن
لا اصكه بتميمة سعرها 63 دينار كويتي فقط لا غير واخلي مقاس 43 يطبع على خده من الحرة
انا احتريت
وانا حسيت نفس احساس مشاري مع اختلاف الأداة والمقاس لووول
متى تغنى؟
قريتها وحسيت اغنيه رويشد اهي الرد
مايهم كفف دموعك
ما يهم تضوي شموعك
ما بقى شي يا قلبي
يسوى دمعه
آه يسوى دمعه
من دموعك
OUCH!
أكثر شي يعور القلب و يذبحه هالي ما عندهم احساس !
صج في ناس تنصعق من تصرفاتهم و من موت قلوبهم
الله يعينك و يخفف عليك
والله هالشعور مو سهل
أبد مو سهل
بس أتوقع احساسك أقوى انه يخليك تتعدى مثل هالشعور المؤلم
:(
اكثر شي يقهر لما الي جدامك و لا كأنه !
مثل ما قلت تهدم عشرة جدامك .. عادي !
eeeeeeeeeeeeeeeh yaziman :((((
لا فض فوك...:(
رائع
مانتوفاني
الله!!
آه يا بلد ,,
ما أقواها من كلمات تلك التى تخرج بصدق من دواخلنا ,,
قد لا تحِن و قد تحِن ,,
لتبقى أنت تظن و لا تظن ,,
لينتهي ماقُدر له أن ينتهي ,,
بلا ثمن ,,
دمت سيد الكلمه ,,
لك تحيه ,,
Selezya
راح اهونها ياسيده التعليق الاول
ma6goog
مااعتقد اكيد
استكتانه
انا ماراح اتعمق بكلامي واتفلسف وارد
انتي قلتي
الامور تعرف بما يناقضها
تصدقين
انتي ماتعلقين
انتي تقولين حكم وتمشين
Fashionista
اي والله الله يعينه على نفسه
اي والله
كويــتي لايــعه كبــده
تهقى
تراب الكويت
فعلا احساسي كان غير
اشكرك وايد
qesat_5ayal
اي والله انعدم الاحساس
موليه
اشكرك
shahad
تعليقاتك باختصار عباره عن
درر
اشكرك
الزين
كل جاسي يلين
يالزين
AK-47
مافي اقوى من الكرشه
عثماني
حبيبي انت
اشكرك
7osen
بصراحه
هذا الاحساس لم احسسه بصوره شخصيه ولكنني احب ان اعيش جميع الحالات
ملاحظتك راقيه تشبهك
يااستاذ
Anonymous
اشكرك
ميرامار
ماراح ارد
بس اتمنى انك ماتقاطعينا
لانك راقيه
Sweet Revenge
الانانيه تدمر
صح بدنك
terkwaz
يبيله قلب مايتعب
Bluetiful Nostalgia
الله يعين الجميع
أتيت متاخرة
مرورك بحد ذاته
شرف لي
alsaronah
صح بدنك
ShLaLaT
الله يسامج الجميع
DiLLi O MiLLi
انا اللي استمتعت بوجودك يااختي الغاليه
Mishari
انا ضحكت
هههههههههههههههه
ZooZ "3grbgr
ضحكتيني والله
اشكرك
Mai
انا ماعشت القصه انا مجرد ناقل للحدث
اشكرك
كالشموس أشرقي
اشكرك
مادري شيقولون
mantovani
انت اللي رائع
Shaden
الله عليك
أسيرة اللوحة
بصراحه أتشرف بأن تعلق بمدونتي إنسانه راقيه مثلك
اشكرك
Post a Comment