Thursday, October 11, 2007

أي عيد



عيد!؟

أي عيد وانت بعيد

عيد!؟

ما أحس بفرحه

والقلب تعود جرحه

مابقى شيّ يفيد

عيد!؟

أي عيد

...

من رحت غابت فرحتي

من غبت إنتهت قصّتي

سكن فيني همّ قديم

سكن فيني ماضي أليم

كاسيني همّي

شينفع ثوبي اليديد

عيد !؟

أي عيد

....


العيد للي مثلي ماينحس

تختنق الروح وتضيق النفس

شلون بفرح

وماتشوفك عين

وماتلمسك إيد

عيد !؟

أي عيد

....


أهنّي الكل وماألقى من يهنّيني

أعايد الكل ودمعتي بعيني

ياااه على قلبي وويلاته

ياااه على الزمن وجساته

ياااه على نيران

باليوف تقيد

عيد !؟

أي عيد

وانت بعيد

11/10/2007

الخميس

64 comments:

esTeKaNa said...

وليش كل عيد نتذكر كل شخص بعيد؟
!!
ذكرتني فيها
تبتسم للعيد وعيونها تفيض يا براك دموع،
اول عيد من غيره
بجرها
وووحيدها
وحبيب قلبها وروحها
الله خذا امانته بعد اربع وعشرين سنه
دللته
ربته
وحبته
وفي كل عيد بخرته وفرحت معاه وله
!!
يحق لها تبجي
ويحق لكل قلب فارق يصبر
في فراق ما بعده امل،وفي فراق دنيا
لابد وراه من لقيا

ليش ضيقت خلقك يالله صباح خير؟
مادري!!
كلامك ذكرني فيها
وذكرني بكل قلب فارق حبيبه
وشي اهون من شي
!!
عيدك مبارك وتقبل الله طاعتك
سلم لي على شيخ الشباب خشيم الفار
وما اوصيك عايده يا عله يارب من العايدين والفايزين
:))

فريج سعود said...

لا يبا انا طالع الوضع هني بجي ببجي خل اروح قبل لا اطقها بجيه وياكم
كل عام وانتوا بخير وصح لسانكم
باي

Shaima'a Alkandari said...

من رحت غابت فرحتي
من غبت إنتهت قصّتي
سكن فيني همّ قديم
سكن فيني ماضي أليم
كاسيني همّي
شينفع ثوبي اليديد


تمر الايام ويبتعد عنا الكثيرون والكثيرون

ودوما الذين نحبهم يبتعدون عنا وبالفرح ليسوا بجانبنا

نحس بفراغ مكانهم

ياخوي ابتسم وعيدك مبارك مقدما

على فكره اسجل اعجابي الشديد بهذا القلم الجميل

Barrak said...

esTeKaNa

ليش كل عيد نتذكر كل شخص بعيد؟
لاننا أدمنا حزن سطى بالوريد

حتى انا ذكرته
ذاك اللي حضني بحنانه
اللي خله مكانه
وترجل من هالدنيا
وتركني وحيد
مااحس بعيد

الله يرحمه ويرحمها ويرحمنا

عيدج مبارك وعساج من العايدين الفايزين
وشيخ الشباب مااظن راح اعايده لانه طول رمضان يقول لي انه صايم وهو يمسك الساعه 4 العصر

Barrak said...

فريج سعود

ين رايح اقعد تقهوه احزان وهم بالوريد
اقعد شوف شلون اللي نحبهم لما يروحون شيصير بقلوب محبينهم

بس اوعدك البوست الياي راح اخلق ابتسامه اذا الله كتب


كل عام وانت بخير حبيبي

Barrak said...

Shaima'a Alkandari

على فكره انا دوما مبتسم ظاهريا
والله اعلم بما تخفيه القلوب

نحس بفراغ مكانهم
هذه الجمله التي رسمايها سيدتي تهد جبال
اشكرك
وتقبل الله طاعتك وعيدكم مبارك

Om Jaber said...

3eedek embarak baraky
7aram 3alaik laish etgaleb elmewaje3, 9ej 9ej walhanah 3alaih :(

Barrak said...

Om Jaber

ايامج سعيده
والله يتقبل طاعتك

kila ma6goog said...

كل عام و انت بخير و عساك من عواده

Barrak said...

kila ma6goog

انت بخير وصحه وسلامه

magnoonah said...

عساك من عواده
وتقبل الله طاعتك
وهالله هالله بعيادي العيال

وياليت تنسى الحزن شوي
وتفرح بالعيد

حرام يمر وما يترك فينا اثر سعيد

كلنا لنا فقيد بهالعيد بس مو معناته ننسى الدنيا ونجابل الهم


عسى عيدك يكون اسعد عيد

:)

Barrak said...

magnoonah


ايامج سعيده ومشكوره

مرات من قمة افراحنا نصنع حزن
والعكس صحيح
عموما شيمة المؤمن حزنه


وكل عام وانتي بالف خير

Aldenya said...

إي والله أي عيد
واللى أساس الفرحة يكون مو موجود

شعور صعب يا براك

وخصوصا اللى فقد له إنسان عزيز
وهالانسان إبتسامته تكفى إنها تكون عيد كل نهار وكل ليل

هذي الدنيا يا براك
كل من عليها فاني

" بالأمس كانوا هنا ,, واليوم قد رحلوا ,, وخلفوا في سويد القلب نيرانا "

الله يصبر قلبك

Q8DOLL said...

والله يابراك العيد أحسه عيد لليهال بس
صح في لمة الأهل
بس لابد ماتذكر ناس كانوا معاك وصاروا غايبين عنك بهالعيد
قلبت المواجع
وزدتنا حزن
لكن ما أنكر شعر أكثر من رائع

حمد said...

احسنت

وكل عام وحضرت والقراء بخير

حنطفيس said...

عيدكم مبارك وعساكم عوادة ودوم من العايدين الفايزين .

براك حطلنا شي يفرفش عالاقل . ليش بتكدرنا بالعيد ؟؟!!؟

اكيد ام العيال ماخلتك تسافر بالعيد ؟!!؟

عَـــــــــــــذبه said...

يقول الامام الشافعي...



قضاء لديان الخلائق سابق ............ وليس على مر القضا أحد يقوى

فمن عرف الدهر الخؤون وصرفه ..... تصّبر للبلوى.. ولم يظهر الشكوى
......
...

فعش لحظات السعادة . حين تأتي..حتى منتهاها...
وتغلب على حزن اليوم بذكرى فرح..
..
.فإن لنا نصيبنا جميعا من الحزن و الفرح..ولولا احدهما ماكان للثاني قيمة..
.

ولن نعرف لذة شيء لم نجرب فقده

.
.
رائع اخي براك في كل حالاتك..
أبعد الله عنك الحزن والفقد
واسعد الله ايامك

كن بخير

Purplecious said...

الله يتقبل منا و منكم صالح الأعمال

تقبل الله طاعتكم و عساكم من عواده

عيدك مبارك

احنا نهنيك بالعيد يا براك
و نهني العيد فيك

:)

Najmah said...
This comment has been removed by the author.
Nescafé said...

الكلام يعور القلب يا براك
:(

عيدك مبارك

الا شصار على باب الحارة؟ ليلحين متابعها؟
;P
انا لقيت باجي الحلقات بالنت.. شفتها كامله وارتحت لان نهايتها قويه وكل شي انتهى بشكل صح.. وانا احب هالنوع من النهايات :_)

Najmah said...

عورتوا قلوبنا :(

تذكرت الابيات

عيد بأي حال عدت ياعيد ؟؟
بما مضى أم لأمر فيه تجديد
أما الأحبة فالبيداء دونهم
فليت دونك بيدا دونها بيد


عيدكم مبارك

استكانة : نفس اللي طرى على بالي شفته بردّج

عيون الحب said...

أخوي العزيز براك

صحيح العيد من غيرهم مؤلم
صحيح فراقهم عن حياتنا صعب

ولكن أنعم الله علينا بـ نعمة النسيان لنمضي في الحياة
فـ تخيل لو لم ينعم علينا الله بهذه النعمة؟؟

من بين كل الجموع تذكر جلسته
من بين كل التهاني تذكر سلامه
من بينهم كلهم تذكر هيبته

ولكن الايام تمضي والسنون تمر
وفي قلوبنا شوق لهم وحزن لفراقهم

ولكن من حولنا لهم حق في تلك الابتسامة منا
والشغف لرؤياهم والارتماء بأحضانهم
لنشعرهم بفرحة تلك العيد السعيد في أعينهم

فـ هم لا يعرفون ما يشعر به القلب من ألم الفراق
ومن الظلم أن نُشعرهم به ونحن مازلنا في حياتهم موجودين
:)

كل عام وأنت بألف صحة وعافية ياخوي العزيز
وعسى الله يطول بـ عمرك وتشوف عيالك معاريس وتشوف عيال عيالهم بعد

إبعد هالحزن عن وجهك وخلينا نشوف الابتسامة مرسومه على محياك
العيد فرحة لا تحرمنا اياها ياخوي
:)

Kuw_Son said...

يا أخوي افرح و اترك عنك هالحجي ..

عيدك مبارك و تقبل الله طاعتك و عساك من عواده

و صح لسانك

انور عبدالله said...

عيد اي عيد وانا كل ما تصورني المرايا بثوب افقد صورتك جنبي

عيد اي عيد والله فرض علي الصيام عن
شوفتك من عيد الى عيد

قولي يا براك اي عيد
ما عاد فيها عيد

احييك على كلماتك وبنتظار جديدك

kuwaitya_7saweya said...

انشالله يرجع البعيد

أهنّي الكل وماألقى من يهنّيني

افا عليك واحنا وين رحنا

كل عام وانته بخير
وعيدك مبارك
وعساك من عواده

بنت الشامية said...

عيدك مبارك

وتقبل الله طاعتكم

والله يقرب كل بعيد

charisma said...

غبت عنك وايد
ارجع على هالبوست يا براك
:(
هذا عيد افرح
والله يرد كل غايب وكل بعيد ويفرح اقليبك
وان شاءالله تكون بالف خير انت واهلك يا براك يا خوى

تقبل الله طاعتك ومن عواده يا رب

Selezya said...

66أي عيد ؟

هذا عيد الامل والتفاؤل اخذ منه نظرة لمستقبل جميل بعيد عن الاحزان .. كثير منا اللي فارقو احبابهم ومع هذا صمدو ووقفو وعالاقل افرحو بهاليوم .. تذكر اللحظات الحلوة وعيش فيها لآخر لحظة تقدر عليها كأنهم معاك .. بغض النظر عن الألم والحزن في ثغرة مفتوحه يشع منها نور من مكان بعيد حاول قد ماتقدر توصله
وفيه تلقى الدنيا الحلوة شامله كل ذكرياتك

عيدك مبارك وكل عام وانت بخير (وفررح) :)

ZoZOta said...

الله يسامحك

اثرت المواجع

وحطيت على الجرح ملح

يارب

صبر جميل والله المستعان

:(

خرواش said...

عندي لك شي يحبه قلبلك

Barrak said...

Aldenya

من اسمك نتعلم كيف كيف احنا عايشين فيها
تقرب ناس وتبعد ناس
تسقينا الالم بكاسات بيضا
وتروينا من نفس الكاسات

اشكر كلامك اشكر وجودك
اشكر دنياك
يادنيا

عيدك مبارك اختي العزيزه
الف شكر

Barrak said...

Q8DOLL

تدرين العيد ليش لليهال
لانهم مايفهمون منو اللي راح ومنو موجود
فرحتهم بأملهم وأملهم عيديه تونسهم وتملي جيوبهم
مرات نحلم ان الله يرزقنا تفكيرهم البسيط
عيدك مبارك زميلتي السابقه
اشكرك

Barrak said...

حمد

كل عام وانت بخير استاذ حمد

ومشكور على المرور
الله يسعدك ويسعدني انت وانا ياحبيبي انا

Barrak said...

حنطفيس

عيدك مبارك ياخوي اللي افضالك علي مااقدر احصيها
اسف على الكدر
بس انا مواعدكم ان اللي احسه اكتبه واقوله
ولكن اوعدك الياي احلى
واوعدك ارسم على حنطفيسك ابتسامه

بالنسبة لموضوع ام العيال
لا لاتحاتي الحنّه مو اللحين تو الناس عليها
مع اول بونس تبتدي الحنه الله يعينّا
عاد كيفهم مالهم الا دبي وخورفكان

Barrak said...

عَـــــــــــــذبه

سيدتي العذبه
كلامك يعطيني معنى واضح لمفهوم الحكمه من انسانه عذبه

كل اللي بقوله ادام الله عليك هذه العذوبه
كلامك هزني وخصوصا تلك الجمله

ولن نعرف لذة شيء لم نجرب فقده

انتي رائعه سيدتي العذبه

كل عام وانتي بخير وعساك من العايدين الفايزين
اشكرك

Barrak said...

Purplecious

عساك من العايدين الفايزين
تقبل الله طاعتك انشاء الله
انا اللي ااهني نفسي بهالصحبه الطيبه
ربي لاتحرمني منها

اللهم امين
اشكرك

Barrak said...

Nescafé

سلامتك من عوار القلب
عيدك مبارك
بالنسبه لباب الحاره
جائني اتصال من صديق لي ودعاني لمشاهده الحلقه 30 و 31 من المسلسل الرائع
رغم انك حرقتي علي المسلسل بس اشكرك
وترى بوعصام ذابحني خصوصا لما يرفع حاجبه اليمين
والحمدلله شفت يوم في ام لطفيه اللعينه
وابو غالب خذا جزاته من الهربس

بس بصراحه انا اموت على ابوبشير ترى زلم
وبس

Barrak said...

Najmah

اسفين يانجمه
اسفين
لك مننا نعوضك عن هالعوار
عيدك مبارك
واستكانه مو بس عورت قلبك
استكانه اذا كتبت تعليق تخلي الواحد مشدوه بتعابيرها السلسه وصراحتها
اشكرك

Barrak said...

عيون الحب
ياحلو كلامج
قبل لاابدي عيدكم مبارك
ها عيدتوا ويّانا والا هالسنه مع ليبيا
فعلا الانسان اسم مشتق من كلمة النسيان
ونحمد الله على نعمة النسيان
بس منو ينسى
اللي فيني ماانساه
كلامج يعطي امل
يزرع بذره احلام منثوره
اشكرك
وانشاء الله نشوف عيالنا معاريس
ومن اللحين الله يعين اللي بتاخذ خشيم الفار

Barrak said...

Kuw_Son

على امرك
عيدك مبارك
وشلون ماافرح والناس الطيبه اللي مثلك اشوف تعليقاتها عندي كلها رقة وادب

تسلم ياخوي العزيز تسلم

Barrak said...

انور عبدالله

ايه ياانور
حسيت فيني
لان اللي فيني فيك
ربي يبعد عننا كل هم بعيد
عيد اي عيد

كل عام وانت بخير
والجديد قادم باذن الله
ولكن هالمره في ابتسامه

اشكرك سيدي الراقي

Barrak said...

kuwaitya_7saweya

فيج الخير يااختي الحساويه
عيدج مبارك

وعمري ماانسى وقفتك معاي بنشرك لبوست خاص بالبوقه اللي صارت لي

مايبتي شي من بعيد
هذا من اصلك الطيب

اشكرك
الله لايحرمني منكم

Barrak said...

بنت الشامية

ايامج سعيده
وربي يسمع منج

اشكرك

Barrak said...

charisma

ويه ويه ويه
شهالغيبه
بس انتي اعتذرتي باول رمضان
ومعذوره وتقبل الله طاعتج
بحاول افرح
اذا الله كتب

Barrak said...

Selezya

كلامج يشع منه نور الامل

ياحلوه من حجي
يبرد على القلب
اشكرك
واوعدك بافرح
كل عام وانتي بالف خير
وعيدك مبارك

Barrak said...

ZoZOta

ويسامح الزمن اللي خلاني اكتب هالكلام

عيدج مبارك
وربي يبعد كل هم عني وعنك

Barrak said...

خرواش

شسويت فيني

هذي البدايه اول وجود لخرواش عندي جذي سوا فيني
الله يعين على المرات اليايه

يااخي انت فنان باختياراتك بتعليقاتك
بصراحتك
اهني نفسي ان انسان مثلك شرفني بمدونتي

تسلم
وعيدك مبارك

Nescafé said...

عذرا لاني حرقت عليك الاحداث او بينت لك النهايه بشكل مو مباشر
بس ماعليك.. لما تشوف المسلسل وتندمج معاه ومع رجال الحاره الابضايات غير
;P


بس والله المسلسلات السوريه اللي بهالنوع طلعت بقوه.. على فكرة اولة العام بعد كان في مسلسل نفس الابطال وبنفس المستوى والاداء.. وكان اسمه ليالي الصالحية اذا ماني غلطانه وتابعته
خلاص بقاطع المسلسلات الخليجية اللي مافيها قصه واجابل السوريه

عيون الحب said...

براك

الأحلى كلامك ياخوي
كلماتك الرائعة تولّد احاسيس حلوة للي حولك من جذي تشوف الردود حلوة
ونحن وياكم ياخوي معيدين
=)

تعرف مين علّمني هالأمل؟
تعرف مين علّمني اشوف كل شي مو حلو بنظرة تفاؤل وأمل؟؟

انسان كثير أعزه وكثير تعلّمت منه
انسان كل ما أشكيله شي يكدرني
يقلبه من شي مو حلو لشيء رائع

انسان يقلب احساسي بالضيق
لاحساس رائع من السّعه
من الكدر للوناسة
من الهم للفرج

هالانسان كنز علّمني شغلات كثيرة
لازم اعلّم اللي حولي منه

هو مدرك لهالشي في حياته
بس اكيد يغفل عن أمور بسيطه
كل الناس قد يقعون في هذا الاحساس
وينتظرون التذكير من اللي حولهم

والعفو انا ماسويت شي
=)

::
::

نسكافيه

من وين شفتي الحلقات مال باب الحارة لوول

Nescafé said...

عيون الحب
اخاف اقولج ويزفوني بعض ناس
;P


من هالموقع.. بس دايما عليه ضغط
http://www.panet.co.il/online/index.html

فـ دورت بفيديو قوقل ولقيت الحلقات الاخيره.. اسرع بالتنزيل
http://video.google.com

شيخه said...

اييييييييييه اي عيد
اخييه .. يبتها ع الجرح يا براك
هذا اول عيد بدون امي
الله يرحمها

Barrak said...

Nescafé

حتى لو عرفت الاحداث
يبقى التمثيل له لذه والحوار الراقي فيه متعه

وترى ختمت الحلقات وفعلا المسلسلات السوريه حلوه بس مو هذا السبب
السبب الاساسي ان الناس توعوا وايد وقاموا يلاحظون الموسيقى التصويريه والسيناريو والحوار والاخراج
الناس بكثرة هالمسلسلات اذواقهم صارت وايد راقيه

Enter-Q8 said...


عيدك مبارك
و كل عام و انتم بخير
وتعودنه بالصحه و العافية
و الكويت بخير

حمودي said...

عيدكم مبارك وعساكم من العايدين الفايزين


سؤال انت ليش مختار هالصورة حق البروفايل مالك ؟

Barrak said...

عيون الحب

الله يسلمك ويخليك
وانتي بذمتك شفتي ردود الاخوه والاخوات
شلون تبري القلب
شلون ماتبين ارد عليهم باحساسي قبل حروفي
الله يباركلك بهالانسان ويخليه لك
بس ديري بالج هالايام الدنيا تخرع

مو تقولين ماقلت
اشوه اني شفت المسلسل قبل لاأشوف رد نسكافيه
لو يدرون عتكم الام بي سي
اعتقد يعطونكم مؤيد
مع وقف التنفيذ

Barrak said...

Nescafé

ومنا الى عيون الحب

Barrak said...

شيخه

اه ياشيخه اه
هذي ثامن عيد ابوي مو وياي

Barrak said...

Enter-Q8

عساك من العايدين الفايزين
فيك الخير ياالعزيز
وعسى هالديره تكون بخير

Barrak said...

حمودي


عساك من عايدين العيد

بالنسبه لسؤالك
افضال اصحاب الصورة علي الين اموت
بومبارك وبوفهد اهم بعهدهم تعلمت وتخرجت وتنعمت
لانه افضالهم علي لاتعد ولاتحصى لي الشرف انهم يتصدرون بروفايل اه يابلد
لانهم لو موجودين جان ماقلت اه يابلد
شكرا

mtfa2el said...

قطعتني يا براك
ما أقدر أقول أزيد

mtfa2el said...

و عيدك مبارك و عساك من عواد

Barrak said...

mtfa2el

عمري انت
سلامتك من التقطيع

الظاهر اللي فيني فيك
كل عام وانت بخير

وتقبل الله طاعتك

vancouver said...

عوار قلب





الله يجمعك مع احبابك ولا يفرقكم قووول امييييييييييين

Barrak said...

vancouver

امين يارب العالمين