اقولج ياآه؟؟

بشغف

تذرّت أحلامي تحت سماه

وارتويت من مواعيده

ولمسات ايده

وللاسف

إنكتب علي فرقاه

.....

يوم سكن ذاتي

وصار كل حياتي

راح  وكسرني

من دموعي نشّفني

راح

بعد ماتوسّد القلب

وحناياه

وإنكتب علي فرقاه

.....

أقولج ياآه : وإلا تقوليني

وإلا أسكِت وأسكنج فيني

خلّيج إحنا تخاوينا

إحنا ثنيناتنا لقينا

صدر يفهم تكوين الآه

وإنكتب علي فرقاه

سَــــــهمِــــك

ماغير الخيال

خذاني يمّك

خلاني اشوفك

خلاني أكلمِــك

ولاغير الذكريات تجدّيني

وتزيد فينــــــــــــي أنيني

أنا عايش عشان

أحَـــلْــــمِـــــكْ

وماغير الخيال

خذاني يمّك

.....

رياح النسيان ودها

تطويك

وحياتي مرسومه

بطواريك

الكل يبيني أنساك

مالي عيشه إلا معاك

كل سهوم الهوى تخطيني

إلا سَـــهْمِـــكْ

وماغير الخيال

خذاني يمّك

٩-١-٢٠١١

الاثنين

شنو الينون

شنو الينون؟؟

 لما اكتب كلام

يوصف ماأحسّه

اقوله ومااهتم

لو هو مكسور

أو موزون

شنو الينون؟؟

....

لما تتخيّل صوت مويه

وتغمض عيونك

وتلمح طير

جناحه يرفرف عليك

يسإلك شفيك ؟؟

وتشكيله

ويقول : أيا الملعون

شنو الينون؟؟

.....

لما تصدق نفسك

وتقول إنك شاعر

تفصل قصص الحب

والوداع والأشواق

وتصير طيب

وحنون

شنو الينون؟؟

.....

الينون لما تفكر بالتقدم

وتشوف أمريكا

وين وصلت

وانت تلاحظ شوتة ميسي

وعيون بوفون

شنو الينون؟؟

....

الينون حاله صعبه

يصير بالبال خبّه

وافكار توديني

لثقافة الانجليز

ونظام الألمان

وتقنية الهيدفون

شنو الينون؟؟

...

الينون

اذا كتبت عن الحب

والديره كلها إستجوابات

إذا سمعت هذا يطُب

وذاك يسوي حركات

الينون

اذا حسّيت عندك لسان

ولك عيون

هذا الينون

.....

لما يسإلونك عيالك

يبا : وين أمانينا

متى الناس تفكر فينا؟

يبا: شنبي بطرح الثقه

نسكّت الحلج

ونصم الأذون

شنو الينون؟؟

...

الينون اذا قعدت اكتب بعد

خلوني احضن عيالي

واحب الكويت

بصمت

بهدوء

بسكون

نوبل

اهداء إلى الأخ العزيز : بومريوم

http://atawya.blogspot.com/

اللي يربّي بهالوقت ...عطوه جائزة نوبل

خلّوا حقّه اللي يوصله ياناس..... مدوبل

عطوه حقه بالين..... واليورو...... والرّوبل

هالوقت .. فيه رسيفر.. وتويتر ..ويوتيوب

إحنا بزمانّا كنّا إنتسبّح ..............بتيوب

اللي يربّون .......بهالوقت يشّقون الجيوب

اللي يربّون بهالوقت مصوقر..... لهم نوبل

٣-٣-٢٠١١

الخميس

١٠٠٠

ودي أعرف

شبتسوون بالألف ؟؟

منو اللي رزانته بتزيد

ومنو بنحس عقله خَفْ

شبتسوون بالألف ؟؟

.....

لو كل واحد تبرع بميتين

كفل يتيم ورعى مسيجين

ولبّه ندى محتاج

ووفر لمريض علاج

وإقتصد بالصرف

ودي اعرف

شبتسوون بالالف

.......

منو بيسوّي بير ... حق شهيد

منو بيسوّي مسجد ... حق أسير

ومنو فوق هالالف بيزيد

ويسوي اعمال خير

منو بيبسط

ويمد الكف

شبتسوون بالالف

٢٢-١-٢٠١١

السبت

دعوه

أتشرف بدعوتكم لحضور أول أمسية شعرية لي وذلك يوم الأثنين الموافق٢١-٢-٢٠١١ في مقر مظلة العمل الوطني (معك) الساعه ٧ مساءً والعنوان في الشهداء قطعه ٢ شارع ٢٠١ منزل ٧١

حب

إنت الحب اللي بالصدر وباليوف أشيله

وإنت الهوى اللي أتنسّمه وأحيا به

وإنت النسمات العطره الخَنينه العليله

وإنت السؤال اللي ماأبي له إجابه

اللي أعرفه إن الليالي بليّاك ثجيله

يخنقها الوله حيل وتقتلها الكآبه

وأعرف إن قلبك ماألقى مثيله

أحبّه.. وأغليه .. وأعشقه .. وأهابه

مثل ماشالني قلبك هم آنا أشيله

مو بس أشيله حبيبي انا احيا به

١٠-٢-٢٠١١

الخميس