Tuesday, March 22, 2011

شنو الينون



شنو الينون؟؟

 لما اكتب كلام

يوصفل ماأحسّه

اقوله ومااهتم

لو هو مكسور

أو موزون


شنو الينون؟؟
....

لما تتخيّل صوت مويه

وتغمض عيونك

وتلمح طير

جناحه يرفرف عليك

يسإلك شفيك ؟؟

وتشكيله

ويقول : أيا الملعون



شنو الينون؟؟

.....

لما تصدق نفسك

وتقول إنك شاعر

تفصل قصص الحب

والوداع والأشواق

وتصير طيب

وحنون



شنو الينون؟؟

.....

الينون لما تفكر بالتقدم

وتشوف أمريكا

وين وصلت

وانت تلاحظ شوتة ميسي

وعيون بوفون



شنو الينون؟؟

....

الينون حاله صعبه

يصير بالبال خبّه

وافكار توديني

لثقافة الانجليز

ونظام الألمان

وتقنية الهيدفون


شنو الينون؟؟
...

الينون

اذا كتبت عن الحب

والديره كلها إستجوابات

إذا سمعت هذا يطُب

وذاك يسوي حركات

الينون

اذا حسّيت عندك لسان

ولك عيون

هذا الينون

.....

لما يسإلونك عيالك

يبا : وين أمانينا

متى الناس تفكر فينا؟

يبا: شنبي بطرح الثقه

نسكّت الحلج

ونصم الأذون



شنو الينون؟؟

...

الينون اذا قعدت اكتب بعد

خلوني احضن عيالي

واحب الكويت

بصمت

بهدوء

بسكون

No comments: