منظره

فيه ناس

لازم يشوفون المنظره

يشوفون اللي يصير

مفخره؟؟

وإلا مسخره؟؟

فيه ناس لازم

يشوفون المنظَره

.....

قعدَه مع النفس يمكن تصحّيهم

يمكن يعرفون شاللي عاميهُم

وعنادهم بس وين مودّيهم

لايقلبون الديره

مقبره

فيه ناس لازم

يشوفون المنظره

.......

شوفوا روحكم وإنتو تصارخون

لاحظوا الأفلام تطمشّوا عالينون

مودّينا وين ؟؟ ووين بتروحون؟؟

ترى تمشي الحياة

بالتسامح والمغفره

فيه ناس لازم يشوفون

المنظره

.....

يمكن ماكوا حد نبّههُم

يمكن مافي حَد فهّمهُم

ترى مستمرّه لعبتهم

ومافيها غشمرَه

ضروري يشوفون المنظره

٣٠-٥-٢٠١١

الاثنين

لازم أحبّك

لازم أحبّك

عشان قلبي يِدِق

لازم أحبّك

عشان ما أحترِق

حبّك ونس لي

حبّك أريَحْلِي

لو ماأحبّك

أحس أنا وروحي

نفتِرِق

لازم أحبّك

عشان قلبي

يدق

....

إنت الحياة بالنسبه لي

لو رحت ... الرّوح تِبتِلي

أحس اليوف يبرِد بليّاك

ماأعيش بغير نسايم هواك

إنت الهوى اللي أتنسِّمَه

من غيرك

أختِنِق

لازم أحبّك

عشان قلبي

يدق

٢١-٥-٢٠١١

السبت

ثقافة النجره

اهو بس خبر يحطونه نطيحله نجره

 بس سالفه تشبعنا شماته ومعايات

لغة الحوار ياعمي روح اطلع برّه

ماعندنا شي اسمه ثقافة الإنصات

لو ايتعرجب واحد بشارع بالبصره

 انتداحر وتشتغل الإستجوابات

لو بقي يدعم بعير بجزيرة سومطره

راح تختلف المعايير والولاءات

موضوع اسمع رايك  انتهى أمره

اللحين زمن صراخ ووعيد وتهديدات

لو يزلق ياهل بالنقره نطيحله نجره

ولو يعتزل ميسي  نطيحله معايات

اقولج ياآه؟؟

بشغف

تذرّت أحلامي تحت سماه

وارتويت من مواعيده

ولمسات ايده

وللاسف

إنكتب علي فرقاه

.....

يوم سكن ذاتي

وصار كل حياتي

راح  وكسرني

من دموعي نشّفني

راح

بعد ماتوسّد القلب

وحناياه

وإنكتب علي فرقاه

.....

أقولج ياآه : وإلا تقوليني

وإلا أسكِت وأسكنج فيني

خلّيج إحنا تخاوينا

إحنا ثنيناتنا لقينا

صدر يفهم تكوين الآه

وإنكتب علي فرقاه

سَــــــهمِــــك

ماغير الخيال

خذاني يمّك

خلاني اشوفك

خلاني أكلمِــك

ولاغير الذكريات تجدّيني

وتزيد فينــــــــــــي أنيني

أنا عايش عشان

أحَـــلْــــمِـــــكْ

وماغير الخيال

خذاني يمّك

.....

رياح النسيان ودها

تطويك

وحياتي مرسومه

بطواريك

الكل يبيني أنساك

مالي عيشه إلا معاك

كل سهوم الهوى تخطيني

إلا سَـــهْمِـــكْ

وماغير الخيال

خذاني يمّك

٩-١-٢٠١١

الاثنين

شنو الينون

شنو الينون؟؟

 لما اكتب كلام

يوصف ماأحسّه

اقوله ومااهتم

لو هو مكسور

أو موزون

شنو الينون؟؟

....

لما تتخيّل صوت مويه

وتغمض عيونك

وتلمح طير

جناحه يرفرف عليك

يسإلك شفيك ؟؟

وتشكيله

ويقول : أيا الملعون

شنو الينون؟؟

.....

لما تصدق نفسك

وتقول إنك شاعر

تفصل قصص الحب

والوداع والأشواق

وتصير طيب

وحنون

شنو الينون؟؟

.....

الينون لما تفكر بالتقدم

وتشوف أمريكا

وين وصلت

وانت تلاحظ شوتة ميسي

وعيون بوفون

شنو الينون؟؟

....

الينون حاله صعبه

يصير بالبال خبّه

وافكار توديني

لثقافة الانجليز

ونظام الألمان

وتقنية الهيدفون

شنو الينون؟؟

...

الينون

اذا كتبت عن الحب

والديره كلها إستجوابات

إذا سمعت هذا يطُب

وذاك يسوي حركات

الينون

اذا حسّيت عندك لسان

ولك عيون

هذا الينون

.....

لما يسإلونك عيالك

يبا : وين أمانينا

متى الناس تفكر فينا؟

يبا: شنبي بطرح الثقه

نسكّت الحلج

ونصم الأذون

شنو الينون؟؟

...

الينون اذا قعدت اكتب بعد

خلوني احضن عيالي

واحب الكويت

بصمت

بهدوء

بسكون

نوبل

اهداء إلى الأخ العزيز : بومريوم

http://atawya.blogspot.com/

اللي يربّي بهالوقت ...عطوه جائزة نوبل

خلّوا حقّه اللي يوصله ياناس..... مدوبل

عطوه حقه بالين..... واليورو...... والرّوبل

هالوقت .. فيه رسيفر.. وتويتر ..ويوتيوب

إحنا بزمانّا كنّا إنتسبّح ..............بتيوب

اللي يربّون .......بهالوقت يشّقون الجيوب

اللي يربّون بهالوقت مصوقر..... لهم نوبل

٣-٣-٢٠١١

الخميس