Wednesday, November 2, 2016

عَنْوَه




كنت أبي لحظات حلوه


ويضيع عمري على شي .. يسوى

كنت اتمنى

صدر يحتويني

ولي تعنّيت له

يشيلني بيوفه

ويقدّر العنوه

كنت ابي لحظات حلوه 

.....

 من يبعد الياس .. من عمري؟؟

من يبرّد الضو اللي بصدري؟؟

كل مااحتاجه... أمل

وقلب كبير

يكون لي .. أهل

وعزوَه

كنت ابي لحظات حلوه

.....

كان ودّي بعيون .. 

القى فيها مكاني

واشوف حلمي ... على اهدابها  ..  يتبسّم

كنت ابي روح  ... هوى أفّادها .. وياي يتنسّم

ياكثر احلامي الميته

وياكثر ماقلبي يتجوّه

مو هذي الهقوه 

كنت أبي لحظات حلوه

واتمنى الراحه منوه

ويضيع عمري على شي .. يسوى


No comments: