Monday, September 14, 2015

سهالات




فيه ناس بهالحياة

مايعرفون معنى الازدحام

مامرّت عليهم كلمة دوام

ماسمعوا عن الألارم(ALARM)

ماعرفوا كلمة معاناة

......

مايفهمون شعور الحَرّه

كل ماتضايقوا خذوا فَرّه

نص عمرهم عايشين بَرّه

مابين الانهر والبحيرات

....

المناصب تنتظرهم بس يامرون

ليش يتعبون ويحاتون

لو كانوا قواطي مايفهمون

الفهاميه هالايام بالبيزات

.....

ماعمرهم  يابو التموين

ولاتعنّوا وصبّوا بانزين

ماذاقوا تلسّب الخيازرين

حياتهم بإختصار سهالات

No comments: