ظلال
لها اشابيه بالارض ..
وآمال
وآمال
تنسج حياة ونبض ..
وسؤال
وسؤال
وشمس تعكس الواقع
الناس تشوف فيها نور
وانا اللي اشوفه خيال
وظلال
....
لي إهتز الغصن .. أسمع له أنّه
وصوت للريح .. يخوّف
اللي يصير .. شمنّه؟؟
وليمتى على هالحال
وظلال
...
الظل رسمه تشبه الاصل
مالها ملامح
الظل سواد لصوره
تحتاج خيال جامح
وطٌولة بال
وظلال
وظلال
......
لو كل من حس نطق..
واستوعب المنظر
ولو الحرف غرق
بجوف الدفتر
وعلمني شلون احكي
بلا كلافه
ولايبقى شي أخافه
ان قالوا الشعر بحر
أنا اليال ..
....
No comments:
Post a Comment