Saturday, October 19, 2013

روح متوهمه



أنادي..وصارت كل قطعه فيني متوهمه

 نداي عمره مالقى صدى ابد لأمثالي

 أناديك ماتنسمع مني لاهمسه لاكلمه

شاسوّي بعمري والضياع راس مالي

العمر لو بغى حزنه عالناس يجسمه

اكيد بتصير أحزانه كلها  حلالي

حاولت بقلبي على الخيبات أعَلمَه

ابيه  يقدّر معنى ضياع آمالي

ابي يحس واحس اني قدرت أفَهْمه

ياقلبي تكفى  راحت ذيج الليالي

راح الحنان وانفقدت معاني الرحمه

و اختفى عن عيني كل شي غالي

مافي كثر روحي بوجود الفرح متوَهمه

مافي كثري بيموته الوله ولايبالي

براك

No comments: