لاتشعل النّار .. كافي حاول انك تطفّيها
الجسد..... والله مايتحمّل حروقٍ كثيره
هدّي النفوس... والعقول حاول توعّيها
إزرع بالناس الحب.. والألفه ..والغِيره
غيره على أرض مالنا عيشه إلا فيها
وحب يدلّي اللي ماعندهم بصيره
باقي للعين أمل تشوف ....لاتعميها
خل النور يداوي قلوبٍ تعبانه وكسيره
الكل ملزوم عليه هالأرض يداريها
يحطها بعينه ..بروحه..ويصحَى ضميره
الفتنه موجوده ..لانحاول ننفيها
ترى هالكلمه مدمِّرَه ..كئيبه..كبيره
النار إذا إشتعلت مانقدر نحتويها
طول عمرها النار جبّاره وخطيره
كل واحد فينا شغله وحده بس يسوّيها
لازم يحط بين عيونه هالديره
١٨-١١-٢٠١١
الجمعه
0 comments:
Post a Comment