Tuesday, January 25, 2011

جرح غيابي







 اخترت اكون بعيد


واخترت انك تفقدني

عشان هيامي يردني

وان رديت

تشوف الفرح بملاقاتك

حب وهيام وقصيد

و اخترت اكون بعيد

...........


تسألني ليش؟؟

عشان الحب يكبر

ادري بتتعب وتتأثّر

والوله بيحرق يوفك

انا بعيد عنك واشوفك

بصورة يحوفها الوله

بإحساس من عشقّه امتلى

وشوق كلماله يزيد

و اخترت اكون بعيد

.........


لاتحاسبني على غيابي

يااول واخر احبابي

ياحرف ماعرفت الا اكتبه

يا روح عطتني الغلا هبه

يا حبي الوحيد

ماني بعيد

........

اكتبلك كلامي ليت يوصلك

حبيبي وانا اكتب لك أهلك

اتعب واتذكر وصوفك

والله للحين اشوفك

وللحين نيران الوله تقيد

انا اللي اخترت اكون بعيد

الاثنين

٢٤-١-٢٠١١

دبي

5 comments:

كبرياء انثى said...

عمر البعد ماكان اختيار لتجديد الشوق والوله
مرات اول ماتناظر حبيبك
من بعد هالغياب
بدال لاتشوف ضحكه ونظرة حنان
بتشوف دمعه ونظرة عتاب

78o8eYa said...

كعهدي بك

لم يتغير حرفك

وكعهدي بك

دائماً

عــ الجرح

!


عساك بخير .. بشرني عن خشيم الفار واخوانه
:)

78o8eYa said...
This comment has been removed by the author.
Barrak said...

كبرياء انثى


البعد مرات يكون اختيار
جميل

صدقيني

Barrak said...

حقوقيه


سيدتي الرائعه


مساك الله بالخير

نورتيني



انا بخير وخشيم الفار متألق

كما عهدتكِ دوما رائعه


شكرا