Sunday, December 19, 2010

كلاكيت للمره الثانيه



اللحين أنا شايب !!؟؟
وإلا توني شباب
لاتعيبون
ترى العياب عند الباب
توني صغير
وإلا مشدّق ؟؟
أبي الكل 
ينطق
ياجماعة الخير
كافي عذاب
أنا شايب
وإلا توني شباب
.......

براسي جم شعره بيضا
بس عندي إبتسامه عريضه
وأعرف إن الحياة صوره
إنت ترسمها
بأحلامك
بكلامك
بكبريائك
وتبقى إنسان صادق
في زمن كذّاب
اللحين أنا شايب!!؟؟
وإلا شباب
......

باقي ١٠ سنين ويقولولي: يدّي
 ويتجمّعون الأحفاد عندي
براكوه وهياوين
وقماشه ونسرين
وذياب
اللحين انا شايب!!؟؟
وإلا شباب
.....

تطير الدنيا فيني وأنا واعي
أدري فيه أمور مالها داعي
وأمور ابيها بس بعيده
 ربّي يرحم عبيده
الحمد لله خاطري
من كل شي طاب
لللحين انا شايب!!؟؟
وإلا لسّه شباب؟؟

١٧-١٢-٢٠١٠
الجمعه

6 comments:

chــاي أخضر said...

بس متأكد من تجانس الاسماء ؟
;p

دام الحياة برواز ..
صورتها بيدك


لك طولة العمر بالعافية والعمل الصالح

عثماني said...

توك .. صغير و جميل

لا تحاتي يا براك

:)

Barrak said...

شاي اخضر


اشكركم الشكر الجزيل

بالنسبه لتجانس الاسماء اعتقد راح يبدعون ويسمون مخيمر وكسّاب

الله يطول باعماركم

Barrak said...

عثماني

هلا وغلا

محد رافع معنوياتي غيرك

Pure said...

الشيبُ وِقارٌ ;)

و القلب بعده شباب

اشتقنا نقرى هالبوستات , لها نكهتها الخاصة

Barrak said...

Pure

اشكرك

واشكر حضورك