Friday, November 19, 2010

صوت إحتبس





الصوت لو أصرخ ... إحتبَس

والجرح بالصّواب .. إنغرس

وقلبي من الوله.......... يِبَس


وتاهت خطوتي بدربي

وصار الحزن من صُلبي

والحال إنتكَس

.......

ماتنسِمع الآه ... لو أقولها

والروح زادت حمولها

وتمّيت أرسم الأحزان

وألوّن دنياي بألوان

ماتعرف إلا السواد

وبس

الصوت لو أصرخ ... إحتبَس

والجرح بالصّواب .. إنغرس

وقلبي من الوله.......... يِبَس

........


ألتجي للأوراق .. وأشكي لها


وأصدّق إني طمّنت روحي

وبحت بكل آلام جروحي

ومابقى فيني.... نِفس

الصوت لو أصرخ ... إحتبَس

والجرح بالصّواب .. إنغرس

وقلبي من الوله.......... يِبَس
....


يقولون دوى المهموم .. الصبر

واسمع هالكلام وأعتِبر

والعبره عرفتها .. تالي

الصح ... تنهدم آمالي

ومحد فيني حَس

الصوت لو أصرخ ... إحتبَس

والجرح بالصّواب .. إنغرس

وقلبي من الوله.......... يِبَس
....

٢١-٧-٢٠١٠
الاربعاء


8 comments:

le Koweit said...

صح لسانك

S:h:a:m:W:a:A:H ♥ ♪ said...

صح لسانك

wa7ey el5a6er said...

يقولون دوى المهموم .. الصبر
واسمع كلام الناس وأعتِبر
والعبره عرفتها .. تالي
الصح ... تنهدم آمالي
ومحد فيني حَس

الله الله كلمات رائعه صح لسانك

chــاي أخضر said...

مايكفي الصبر ؟

Barrak said...

le Koweit


صح بدنك

شكرا

Barrak said...

S:h:a:m:W:a:A:H


صح بدنك

Barrak said...

wa7ey el5a6er



الرائع وجودك


صح بدنك شكرا

Barrak said...

شاي اخضر


مايوفّي