Sunday, October 24, 2010

كل حقيقة ... خيال



كل حقيقة عند الناس
عندي أنا خيال
يحسّون .. الديره كئيبه
يشوفون .. أمور مريبه
وأنا كل شي آشوفه
طاغي الجمال
كل حقيقة عند الناس
عندي أنا خيال

.....

حقايق التفرقة يشوفونها باينه
وأنا .. أشوف الواقع وأعاينه
ألقاه أبيض من البياض
اللهم ... لااعتراض
إحنا بنعمة
ياعيال الحلال
كل حقيقة عند الناس
عندي أنا خيال

....

ألقى أمل بكل فريج
للحين الحب لنا صديج
نلقاه بعيون الشيّاب
نحسه بعيون الشباب
وبإبتسامات الأطفال
كل حقيقة عند الناس
عندي أنا خيال

......

كل الحقايق ... يوضّحها أمل
أمل يوميه بعيوني .. إستهَل
وبان ... ووراني الكويت جميله
نسمات هواها عليله
ترى الأمل موجود
ومازال
كل حقيقة عند الناس
عندي أنا خيال

....

باجر صدقوني ... أحلى وأروع
هالديره مسرع ماتنسى الألم مَسْرَع
لانها طيبة وناسها طيبين
ربي يحفظها اللهم آمين
ترى الخير .. بقبال
كل حقيقة عند الناس
عندي أنا خيال


6 comments:

عثماني said...

الله يسمع منك يا براك

ولهانين

:)

Barrak said...

عثماني

هلا وغلا

احنا اكثر ياخوي


الكويت مازالت جميله

Um il sa3af wil leef said...

أكثر الناس ما قامت تشوف عيون بعض .. يمكن تقرأ أكثر مسجات بعض
:)
هذه الحقايق اللي يقولون عنها فعلا حقايق مو خيال ..بس يبقى الأمل ودوام الحال من المحال
تحيااااتي

الـفــــجـــ الــبـــعـــيـــد ــــــر said...

ـ السلام عليكم اخ بــراك... متابعه لمدوناتك من بعيد لبعيد ومن فترة للثانية... والله يديم الامن و الامان في بلادنا و بلادكم وكل بلدان المسلمين يارب... لك كل التقدير ولكتاباتك ولحسك الوطني...

Barrak said...

ام السعف


الحقيقه ممكن تكون خيال
اذا لاحظنا ابتسامات الاطفال
ونسينا الوجوه العابسه
واذا لاحظنا طيبة الشعب الكويتي
ونسينا الحسد والكره
واذا لاحظنا حب الوطن بلا مقابل
ونسينا المنفعه الحقيره


واشكرك على مرورك
سيدتي

Barrak said...

الفجر البعيد

وعليكم السلام والرحمه

هلا فيج

ياحبي لديرتكم ولتراثكم ولرمستكم

نورتينا سيدتي