Saturday, April 3, 2010

مامن ردّه




 مامن ردّه ؟؟

لإنك بخست حق المودّه

و ماراح نلتقي؟؟

لإنك تفرح لمّا أشتقِي

مشكلتنا مالها حل

أنا عارف وإنت عارف

من جذيه طالت المدّه

ومامن ردّه

،،،،،،

يصير الزعل من أبسط الأمور

كلّي طيبه ..........وكلّك غرور

يوميّه أنوي أسامحك وأرد

يوميه أقول باشوفك وأصِد

مشاعري صوبك

متجمده

مامن ردّه

،،،،،،

لو أردلك ........ قلبي يمنعني

لو أغصبه  ما يطاوعني

لإنه وايد .... تعذّب

ياما بدنياه .. تغرّب

خلّه يرتاح

مرّه وحده

ومامن ردّه

٢٦-٢-٢٠٠٩
الخميس

2 comments:

ضـاد said...

صح لسانك والله

Barrak said...

صح بدنك