Sunday, October 25, 2009

يوز






يوز عني يوز

لاتقول وخّر

وإدن وراك

و إبعد

أو خوز

يوز عني يوز

.....

أسويك رغوه

أسويك حلوى

تبي مسقطيه لو محرقيّه

تبي مسويتها جيكره

وإلا عيوز

يوز عني يوز

.....

القمنده عندك القمنده

أنا على قد حالي بسيط

موعايش ببيت فيه برنده

كنت أحب أجمع النبابيط

كان كل شي فيني زين

اليوم ضرب الفيوز

يوز عني يوز

......

عشقي ماله حد للصبور

أحب صوت الجدور

لما إتراقع بالملاله

أحب ريحة البخور

من كسره صغيرونه

ريحتها غير نمونه

مثل ريحة بو عزوز

يوز عني يوز

......

ماعندي مواتر وسياكل

شارب نايم ماكل

أروح دوامي بإنتظام

أحترم كلمة دوام

وأسمع فيروز

يوز عني يوز

.....

مرات أروح سوق واجف

اشتري قحافي وجناجف

وميوه واستكانات وشراشف

وبطل فيمتو مرزوز

يوز عني يوز

.....

وايد أتحلطم بس مؤدب

احلم برحلة لباب المندب

او لروما وفنزويلا

وبتونس آكل باجلا

وبتركيا أمد البوز

يوز عني يوز

.....

ماأقز أبد كلّش خير شر

أقعد بالديره حتى لو حر

ماأتكلم بالتلفون وأسوق

ودمي دايما محروق

بس أطيب بالأفنيوز

يوز عني يوز

......

من أول واحد .. إثنين.. ثلاثه

لاهذا يرهن بيته

ولا يبيع ذاك أثاثه

كل موضوع بينحل

يابآب

يابحزيران

يابتموز

يوووووووووووز


١٥-٩-٢٠٠٩
الخميس

10 comments:

aL-NooR . said...

يوووووووووووز

يا حلو حجينا
صج صج حلو
استمتعت بالنص

:)
صباح النور والنوير

***************

Sweet Revenge said...

ودمي دايما محروق
بس أطيب بالأفنيوز



خلاص عرفنا دواك وعلي الله شفاك
بس الله يهداك الي عنده سوق واجف
شله بالافنيوز
وتقول ماتقز بعد
يوز براك يوز
;)

Barrak said...

aL-NooR

حجينا مرن يصلح للتحلطم يصلح للتفلسف يصلح لكل شي


استمتعت بوجردج

صباح الورد

Barrak said...

Sweet Revenge

استمتع لما اشوف عقل رزين مثلج يتعمق بكلامي


مااقز بس ارتاح وايد بالافنيوز

بعد عقب الجناجف والقحافي مالك الا الافنيوز

انا ماأيوووووز

بـابـل said...

صباح الورد

تصدق أخوى براك

صج الدنيا ساعات تهدينا هدايا من غير ميعاد ومناسبة

وأنت وهالأحساس الحلو اللي تملكة

من هالهدايا

كلامك ممتع

وأبي أقرالك كلام حب يعور القلب

وأنت شاعر وتدرى ياحبنا للكلمة اللى تعور القلب
!!

شكرااا


وبس

بابل

|:| DUBAI |:| said...

صح لسانك يا كويتي

تعرفنا على بعض الحروف

: )

JiBLa CiTY said...

حكني اليوع
اشتهيت برياني حاشي
:)

Barrak said...

بابل

اولا اعتذر عن التاخر في الرد

طلباتك اوامر


وكلامك يدوخ


اشكرك

Barrak said...

JiBLa CiTY

شرايك بالبشاملا

Barrak said...

دبي


اهلا وسهلا

طبعا كلمة خوز هذي مالتكم