فجأه عقدت العزم على المضي قدما لعالم الماك وهو نظام يختلف تماما عن نظام الوندوز وبصراحه صارلي فتره لم انجح في دخول هذا العالم الجديد ولم افهم شيئا بهذا الجهاز الغريب
ومن حر مافيني كتبت
هذي حاله ويّا هالماك
شسويّت بعمرك يابراك
تأذيت وتمرمرت
تعذّبت وتغربلت
تبي تتفنتق؟؟
عيل خذ جزاك
انت من صجك ماك
،،،،،،،
عابل بنفسك وإحتار
حتى عقلك من راسك طار
صار كل شي بالمنكوس
تحس داخل عقلك طوس
وتسمع صوت ليوه وراك
عاش راعي الماك
،،،،،،،
لاتقدر تنزلّك صوره
قاعد كإنك أبجوره
لافايده ولا عايده
مشكلتك وايد جايده
شمسوي بعمرك الله يهداك
انت وين ووين الماك
،،،،،،،،
تبي تطلع فيها ياشاطر
هذا إنت قاعد وساطر
ماتدري شاللي يحوس حواليك
ميوّد بيبسي وقاضب فليك
والبطاط يطالعك هناك
ٌإنت من صجك ماك
،،،،،،
قبل هبابه تبطّل الجهاز
اللحين للمساعده معتاز
تبي اللي يتفرغلك؟؟؟!!؟
تعوذ من ابليس أبركلك
نعّز الشاشه
وشوت البلاك
بلا تقدم بلا تجديد بلا ماك
يتفنتق : أي يخترع شيئا جديدا
عابل : أي واجه أو إعمل أو بالمصري إحترس نفسك
بالمنكوس : بالمقلوب
طوس : والمفرد طاسه وهي أحد الأواني المنزليه ويشرب بها الماء أو اللبن
ليوه : موسيقى شعبيه فيها لويه
ساطر : أي جالس ينتظر
يحوس : يتحرك بإتجاهات متعدده
الفليك : شيكولاته
هبابه : بالكاد
معتاز : محتاج
نعّز : بفتح النون وتشديد العين أي أبعد مثال : نعّز (أبعَد ) براك ابريق الشاي إيدي كده بوزي كده اصب الشاي وأرجع كده
25 comments:
هههههههه
يا من شراله من حلاله علة
شلك بالماك و اهواله و عطايا الله بالوندوز
لو قايلي يالبرك كان عطيتك الاب توب قاطه عندي ما استخدمه و الله كان جربته
خليتني اضحك من قلب .....
شلك بالماك ....
ترى طلعت نفسي عندك أميه اليكترونية
لوما الحسد .....
لا تقول ما عطيتني عين يا براك !!!!!!
** لووووووووووووووووووووووووووول
الله يعينك انا للحين xp
لأن ماحب التغيرات و العباله انزين تبيعه بشتري حق ريلي
عاد تصدق انه أسهل من الوندوز
بس يبيله تتخلى عن منطق الوندوز وتفهم منطق الماك
والا هو اسهل واحسن
انا استخدم الاثنين
:D
ها بشر .؟
على ما يرام ؟
ههههههههه
حبيت النص
*****************
مثلك اعاني صار لي اسبوع
بس لا فايروس لا يعلق
وبطارية سبع ساعات
وانيق وذرب ونفنوفه حلو
بس حط بالك عالدال ولا تنساها
:)
بديع ما كتبت براك
هذا وانا الي ناوي الحقك جني بهون
لول :)
واكب التطور بطريقه ثانيه
الشكل شكل ماك بس نظام التشغيل وندوز وريح عمرك
لووووووووووووووووول
أول ما بديت أتعلم كمبيوتر خذيت جهاز ماك
وشفت روحي الناس بصوب وأنا بصوب آخر
واللي مدحه لي كان نابغة بالكبيوتر
وبعد محاولات عديدة قررت إني أقتنع بقدراتي البسيطة وخليت الماك لأصحابة
ولا أفكر لحد اليوم أرجع له
:)
متفائل
اي والله صاج
بس خبرك التفنتق لاعب بأخيّك شوردلي
انتر
تسلم ياخوي
لو قايلي جان ماوطوطت اي سيتي
اتيت متاخره
انا عندي اميه الكترونيه غير طبيعيه
بالنسبه لموضوع الحسد
شفتي شلون
ميمة السبيت
ماابيعه
ياانا يااهوا
راح افهم غصب
كويــتي لايــعه كبــده
انا للحين مافهمت منطق الماوس
تبيني افهم منطق الماك
الله يهداك
النور
لا موعلى مايرام للحين
لويه
إهي بس الدال الله يهداج
انا مرات اكتب شي يطلع ثلاث ارباع الكلام نقط
الله كريم
فريج سعود
شوف ميزة الماك
مايخليك تروح حولي وايد
violinist_q
كا
واكبنا
وشوفوا شصار
غربلنا الماك
Nikon 8
اخ يالماك
لويته لويه
وزين مافعلتِ
لووووووووووووووووووووووووووووووول- أهم شي إنك حاط معاني الكلمات... عاد الحال من بعضه أنا توني شاريتلي واحد بدل "الكومباك" مالي
والله يا خوي كان بودي أفيدك بس على قولتهم "إتلم المتعوس على خايب الرجا" :p
ههههههههههه يا من شراله من حلاله عله.....خليك على الوندوز سهل وطيب
انا ها اللى خايفه منه يصير حالى حالك
لذلك اصريت وبقيت على ما هو عليه
بس سؤال : الايجووره تراه مفيده تعطينا نور يوسع صدورنا...فلها فايده
(:
مبروك على الماك
الزين كله
يسعد مساك
والله يعينج على مرحلة الماك
هلاااااااااك
بنت الشاميه
اللي يعجبني فيج
مايطوفج شي
مشاء اللله عليج
النور مصدره وجودج
سيدتي
Post a Comment