راحت سنين
كبرَت الأشياء بعيوني
ويزيدون للي يبوني
ويمضي العمر بلحظه
تتراكم الأحداث بأفكاري
وأتعلّم من سوايا أقداري
أصير خال
أصير عَم
أصير أُبو
وأنا أدوّر اللي يعين
وراحت سنين
،،،،،،،،
واعي لك يازمن .... واعي
تكبّرني ويكبر فيني العمر
تتطبّع فيك كل أطباعي
وذكريات تروح وتمُر
والله يصبّرني على الياي
اللهم آمين
راحت سنين
٢٠-٧-٢٠٠٩
الأثنين
21 comments:
مايكبر إلا العاجز واللى ماعنده شي يقدمه
وأنت صاحب إحساس
وسبيل مشاعر
تقدم للناس شي مو سهل
ولاينباع بالسوق وينشرى
وكل ماتكبر تحلى
:)
عزيز يالبرك
وبس
بابل
السنين عملة شراء الخبرة
لا حسافة على ما راح من سنوات
حسافة على خبرة ما جت أبكر
أخوي براك
كل عمر وله حلاه.... وكل مرحلة لها ثوب نفصله نحن على مقاسنا
ولا يلبسه احد سوانا
والسنين ما توقف عند أحد
الطفوله لها سذاجتها والمراهقة لها شطانتها والشباب له فورته والنضج له كل شي
لأنك بتطالع العالم بمنظور غير
يلا بلابلابلا
حسستني أني كبرت وياك وآنه لسه صغننه مع أني أم وعمه وخاله
وربي يبلغني آنه وياك وكل المدونين ونصير جدود وجدات
ما قلت لك محسوده
لا تسوي روحك ما تدري
كلماتك وايد حلوه :>
السلام عليكم ورحمة الله وبركاته
هو ده حال الدنيا,ولا شئ يبقى على ما هو عليه.دائما الدنيا فى تغير.
تقبل مرورى
نهر الحب
Barrak
لا أخفيكـَ سراً ..
قد عبثت بي رياح الحيرة ..
فضاعت كلماتي الصغيرة ..
في دنيا المعنى والشعور ..
هناكـ ..
حيث استقيت الحرف .. ماءاً
واستنشقت الشعور .. أنفاساً
سيدي الفاضل ..
معادلاتكـَ صعبة..
استعصت على فكري .. تحليلاً ..
كل ما أُسلّم به الآن .. هو أنكـَ مبدع ..
مبدع من طرازٍ نادر .. نادر الأقران ..
أتعلم ؟
اشعر بنشوة أن أكون محتارةَ ..
محاولةً جاهدةً أن أفهم أحاكي إبداعكـَ ..
و ها أنا أتيقن الآن ..
أن سر روعة الإبداع ..
تأتِ من خلال مثالٍ لما قرأته هنا ..
** Barrak**
حين أجد نفسي في حضرة مدادكـَ
استجمع كل ما لدي من تركيز
و أحاول أن أصل إلى مغزى كل حرف وكل نقطة
لأستمتع بتذوق وجبة شهية من صُنعٍ عبقري
لأغذي الروح والقلب معاً
و أنال من السعادة ما يكفي
فأسجل الإعجاب بصنع الحروف
و إعجابٌ أكثر بصانعه .
راحت السنين
كل شي يتغير
حتى احنا ..
ملامحنا
احساسنا
ونظرة عيونا
ودنيا بها ناس تمر
ناس تغيب
واحنا بها نكبر
.
.
.
الله يعين يا براك الله يعين
:)
اشتقت لبوح اخي براك
واشتقنا لاخباره
عساك انت وخشيم الفار واخوانه واميمتهم بخير
:)
الله يعطيك طولت العمر يا براك
مانتوفاني
أتفق مع كويتي لايعه جبده ويعطيك ألف عافيه
الله على احساسك الراقي
هي محطات من عمرنا تمرنا دون ان تجعلنا نستريح ولو قليلا
ولكنها تمنحنا احاسيس رائعة جميل جدا ان يناديك طفل بابا :)
رائع
بابل
هلا فيك اخوي الحساس
انا تلميذ في مدرسة إحساسك المفعمه بالصدق
أشكرك
كويتي لايعه جبده
كل مره اتعلم شي يديد منك
اشكرك
اتيت متأخره
الظاهر مفعول العين الى الان ساري
صح كلامك السنين ماتوقف عند احد
والدنيا ماشيه
bent el deera
وجودك هو الاجمل
نهر الحب
وعليكم السلام ورحمة الله وبركاته
وعلى قولتنا
ماكو شي يبقى على ماهو عليه
اشكرك
للوش
عشان أرد على كل سطر ماأقدر
عشان أرد على كل فقره ماأقدر
طيب والعمل
اشكرك
وايد
استكانه
تشتاقلك العافيه
هذي الدنيا دايما ماشيه
وكل له محطته
احنا بخير
كلنا
منتوفاني
الله يسلمك ويحفظك
استانس من وجودك
وأتشرّف
ام السعف
اشكرج
وتسلمين
جارة القمر
اشكرك سيدتي الراقيه
والجميل هو وجودك
Post a Comment