أعتقد أني أكثر شخص كتب قصائد عن الصلع وطبعا هذه نتيجه طبيعيه لما أعانيه
في هذا اليوم ذهبت الى احد المطاعم وشاهدت شخصا ماشاء الله شعره عكس شعري بالضبط يعني يصك على ميسي لاعب برشلونه المهم طرا في بالي سؤال لو ركبنا معا بسياره كشف ماهو الشئ الذي يحسه هو وأنا افقده هو سيحس بمرور الهواء بين بصيلات شعره (راح الريال ) وأنا احس بنفس احساس ارتطام الهواء بتجوري
من كثر ماقلت ابي شعر قمت اتفنن اللحين ابي سياره كشف
وهذا انا شكثر اقول ابي واخرتها انا اللي صرت كشف
،،،،،،
،،،،،
،،،
أبي سياره كشف
*ابي شعري ينصف صف
*وأدوس حيل
وشعري يطير
*وأحضنه بالجف
أبي سياره كشف
،،،،،
أبي جو معدله 14 درجه مئويه
ابي قذلتي تأذّي الطيايير أذيه
بإختصار أبي شعر
من انزل راسي
أحسه على خشمي
هَف
أبي سياره كشف
،،،،،،
أبي موتر يخلي شعري يطير
*أبي شعري بالسِّكان يشير
ليش شعري صاير
*إِنْــــتــــَفْ
أبي سياره كشف
22/06/2007
الجمعه
ينصف صف : أي يرتّب بطريقه متناسقه*
ادوس حيل : أقود السياره مسرعا*
الجف : أي الكف*
يشير : اي يعلق بمقود السياره*
إنتف* : تنطق بتسكين النون وتسكين الفاء والنتف هي القطع الصغيره ومفردها نتفه مثال : براك قص الاوراق نتفه نتفه وصاروا إنتف
84 comments:
صدقنى احساسك بالهوا احسن
بدون تفلتر
:)
بعدين انت توفر شامبو و مشوط
و ما يحوشك قمل
و ينشف راسك عقب السباحه اسرع
و بالليل اذا مشيت ما تضيع
اكو لمعه تصير بوقت البدر
:)
هممم بعد
شكلك جد و حكيم
عجييييييييييييييييييييييييييبه القصيده ..
خنت حيلي يا براك
طلباتك سهله
باجر ناخذ لك موعد زراعه
;p
بس شلك بالقذله
اللي تأذي الطيايير ؟؟
ترى كلش مو زينه
:))
لا وعقب بالسكان تشير
لا لا كلش مو خوش
تسلم يا خوي
وسعت صدورنا
تقول إنك بسيط
وهذا السر
:)
شوف
الحين انت عندك شعور البنت المتحجبه
احساسها بشعرها معدووووم
:\
ماغير بس تلوفح بحجابها بهالحر
مساكين بناتنا عاد بدعوا بحجاباتهم من جدام لسان حالهم يقول فوق الخيل
والشكل العام يقول ياساكنين الهوادج
وخلها على الله
بس والله ابرد لك من غير شعر
تعال عاد شامبو غير نمونه وبلسم عقب وسوالف مالها اول من آخر
خلك جذيه اخيي اريح لك
:))))
خوووووووش نص
لووووووووووووووووووو
واى براك وااى ذبحتنى ضحك من الصبح
هههههههههههههههههههههههههههه
اشوه ان ما عندك شعر
شحالتك وانت شعرك ذروه شطوله ولالالالا بعد يشييير بالسكاااان
ههههههههههههههههههههه
لالالالا لالالالالالالالالالا مو زييييييييييين
وبعدين انت الشخص المناسب بالبيئه المناسبه !! انفه لك جذى وانا اختك
وبالشتا كبوس وماكو الا العافيه
ابدعت فيها
:)))
وصبااحك فل
أظنتي هذي هي القذلة المطلوبة
http://wallpapers.oneindia.in/d/119657-2/shahrukh-khan02.JPG
أضمن لك إنها راح تشير بكل شي
لااااااااا تقول !!! احساسك ماله داعي ترى !!!! اصلن كل ما صلع الريال كل ما زادو المعجبات ... صدقني حاليا انا صفيت بطابور معجباتك
وااااااااي برااااك
ازرع ؟؟
ليش ما تزززرع
انزين انا عندي حل والله زيييييين
ينبت الشعر
ينباع في الصيدليات
تونيك اسمه سوريس
اهو فيه شوي ثووم بس بدون ريحه
ووووووووالا تعال اقولك ليش ما تحط ثووووووم
مممممممممم
ازرع براك احسسسسن
هههههههه
ياحراام
ههههههه
والله مادري شقولك
مشكله !
ماكو فايده حدك متععقد
looooooooooooooooooooooool
ambeeeeeeeeeeeeeeeeeeeeeeeeeeeh
مجربه شعور الصلع يوم أنا صغيرة
هاهاهاهاهاها
بس التكتكت على الويه شعور أحلا
أحرك زياده؟؟؟
بالبحر و تنفض الماي عن الشعر
الله
هاهاهاهاهاها
لوووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووول
واي أمبيه ما توقعت يوم فتحت مدونتك
قاعدة أضحك بالمكتب بروحي جني مينونة
أشوه الموظفة إلي معاي طلعت استئذان
بغيت أحط لك أكثر بس خفت على نفسيتك
(بالأحرى خفت على شاروخ خان من عينك)
طلباتك زادت
:)
تبي "شعر مسبسب شعر هندي" (خابر الاغنية؟)
وتبي موتر كشف
وتبي جو حلو
الواقع يقول...
دير بالك من الشمس على الراس البلاط
وسيفتي أكثر انه ما في شيء يشير بالسكان
:)
اللي شفته بالمطعم يمديه راح فيها
ابي براقش قاعد تواسيك ولا قاعد تضغطك ؟
سيارة كشف ماكو موجودة
بس الشعر من وين أييبلك؟
إتقلب إصورك مرتاح
اليوم و بعد عشر سنين الشكل نفسة
ما يضيق خلقك على شعرة طاحت يسار و لا يمين
ما تقول كبرت و شعري شاب و بانت علي السنين
لووووووووووووول
امبي مادري ليش تذكرت طارق العلي بكل مسرحية يتحسر على شعره لوول
Lool
salamz dear....
لوووووووووووووووول
افتح مجله الممتاز بكل عدد لازم يحطونلك صور رياييل قبل العلاج وبعده
روح جرب حظك
:)
تصدق عاد انا ودي اجرب هالشعور
جرب اركب سياره كشفت بس ما جربت شعري يطير
على نفسها جنت براقش
مشكوره على النصائح
ياصاحبة التعليق الاول
وبما ان الصلع كله فوائد على قولتك بدون تفلتر وبدون شامبو ومشوط وبدون قمل
بعد قرائتي كل هالمزايا
من القلب ادعيلك تتمتعين بهذه النعمه مثلي
JuVeNTiNa
اشكر مشاعرك النبيله
Mamloo7a Q8ia
ابي موعد زراعه عند دكتور فاهم شغله
واهم مافي الموضوع ان المصاريف عليك
يقولون ان كل بصيله على 100 دينار وانا بصراحه يبهتي عريضه يعني بعد هالزراعه اكيد الدكتور بيكون عنده بيت بالضاحيه على اربع شوارع
اشكر مشاعرك الجياشه
تراب الكويت
فعلا الصلعان يتميزون بالبساطه
لان روسهم مثل البطاطه
الزين
البنت المتحجبه ياوخيتي ان بغت تصك عليها الباب وتقعد تلوفح لي باجر الضحى
والبنت المتحجبه تقدر تأجر سياره كشف وتقضب درب الوفره واذا ماكو احد تقدر تحقق الامنيه اللي ابيها وشعرها يتطاير
ماكو وجه مقارنه
انا اقولك
شوفي كومدينة البنت المتحجبه تلقين دواء للشعر ومشط وركزي عالمشط وشباصات واللازي منه
اما انا ماني قايل
وتقولين ابرد لي من غير شعر
يالزين احس فيه ريحة تعيّب
اي ابرد لي
راضي بشعر وقته وحر
ادعيلي يالزين يخترعون دواء جديد او على قولت عبدالجسين جبود نمل
شكرا
loooooooooooool
الحاله كسيفه عند معظم رياييلنا
الظاهر جينات الكويتي فيها شي اللي يصلع بسرعه
احسن دعوه اقدمها للكويتي بهالمناسبه )الله ينبت شعرك)
:P
::::::::::::::
سبحان الله من قريت الكلمات تذكرت هذي القصيدة :
لصديقنا في رأسه صحراء
جفت فلا عشب بها أو ماء
وكأنها الميدان من بعد الوغى
فَنِيَ الجميع فما به أحياء
تزداد ما مر الزمان مساحة
وصديقنا من كبرها يستاء
ولقد سمعناه يقول و دمعه
يجري فيعمي مقلتيه بكاء
كم من دوا للشعر قد جربته يوماً فراح سدى وظل الداء
يا حسرتي ذهب الشباب وكان
لي فيه مآثر جمة غراء
أماالحسان الفاتنات فليس لي
مع صلعتي في وصلهن رجاء
قلنا له : مهلاً لمن هذاالبكاء واسمع ففي هذا الكلام عزاء
أوليس للإنسان في احرازها
شرف و يملك مثلها العلماء ؟
الخيال واسع وعندك عصف ذهني خطير
الله يعين .. :)
:::::::::::::::
واحد من الربع في الدوام بياخذ سيارة كشف ..
أقوله يمرك
:P
charisma
شعرك ذروه شطوله
شنو معناة ذروه
مشكوره على رفع روحي المعنويه
الصيفيه والشتويه
mellow
اشكرك
ولو ان مغزى الصوره واضح
بس هم اشكرك
Gmashah
طابور معجبات
طابور عاد
ايه صح انا كل مااطلع من الصالون بعد ماانعم الصلعه اشوف كاميرات وتصوير
تصدقين ماادري انهم حق صلعتي
lawyer
احنا لاقين ناكل عشان نزرع
تبيني احط سوريس على صماخي
لا وثوم بعد
جلاية تيفال مو براك
انتي حوليلي نص مليون على حسابي وانا اروح باريس يقولون فيه مستحضر للشعر اسمه معبوج
Selezya
لاتقولين
شكرا للمؤازره
Яeema
انزين ليش جذيه ليش تحريني
تصدقين
حتى ايام الشعر لما نروح البحر ونتسبح نفضة الماي من شعورنا غير
تقولين عرفج حايشه ماي
الله كريم ياريما
mellow
اعتقد اللحين لو تشيكين على شاروخ خان راح تلقين شعره إنتف
بعدين عيال خان كلهم شعورهم ناعمه
الظاهر بغير اسمي لبراك خان
كويــتي لايــعه كبــده
انا بهالمدونه احلم
خلوني
شيصير يعني اذا طياره ماقدرت تهبط والسبب قذلة براك
الريال اللي بالمطعم اللحين شكله شاري ام بطنين ويدورني
فريج سعود
براقش جدا بريئه
وانا ابرأ
kila ma6goog
شوفلي مني مناك
عطنا ممن اللي عندك
shahad
يعني اللحين انتي تبين تعطيني دافع
عموما الله لايبليكم باللي صار لنا
الظاهر لازم اسوي جمعيه للصلعان
5roofa
طارق العلي داش معانا بجمعية الصلعان
مابقاله شي ويصير مثلي
ShLaLaT
على هالحجي تبني اعطيج عين
تبين شعرج مايتحرك
ترى انا جاهز
Shather
شكرا على هذه الدعوه
والله يطول شعوركم
الـــوجـــــــد
ايه هذا الحجي السنع
اللي يبرد عالقلب
اشكرك
Kuw_Son
اذا ماتواطنه قوله يمرني
هههههه
عجيييييب :)
لاحد يقص عليك بالدوا والمراهم
الحل الاكيد وانا اخيّك بالدراهم
وقول ما قال سليمان؟؟
والله لا اخليك تلبس شباصه يا البرك ،،شتبي بعد ؟
:)
حياتي هدف مو عبث
شكرا عالمرور وعالتعليق
SolaimaN
انا بحالتي هذي مستعد احط حنه
شباصات عاد
انا راضي حتى بماشه
الدراهم من وين نجيب الدراهم
انت فاهم وانا فاهم
ان شاء الله عبيد ولدي يفوز بالجوهره وانا اول شي اسوي اخذ الفلوس واشوفلي صرفه بهالصلعه اليرعه
شباصات ها
كاااااااااااااااك
اخوي براك
والله أعجبني احساسك حيل
وشعورك .. حسيت فعلا فيك معاناة
فيك شعّر فيك قصيد واحمد ربك وقفت
الدعوه عند الشعر وحط شعارك فوق الصلعه
معاً نكافح الغلاء ..لا للشامبو والجل نعم للطبيعة والحياة بكل بساطه
موضوع جدا رائع .. الله يوفقك عزيزي
تحياتي
واااااااااااو حركة هالكلمات
واحساس حلو اذا دغدغ الهوا وجهك ومو شرط خصلات شعرك ..
رووعة القصيدة
بانتظار الاروع اخوي براك
تقبل مروري لاول مرة وانشالله دائمآآآ
لووووووول ليش تعطيني عين ؟؟
لووووول اقولك جربت اركب كشف بس ما جربت افل شعري للأسف
يالله ما عليه ان شاء الله بشتريلي جزيره حقي وبشتريلي سياره كشف وبحون بجزيرتي بدون حجاب
عشان اجرب الشعور الحلو :)
تبي احجزلك جزيره مع علاج شعر ؟؟
!جذي يابراك احساس الصلعان
انزين شلون طرى على بالك موضوع السياره الكشف
hehe
بس انت لازم تحط ببالك ان العلماء اغلبهم اذا مووكلهم صلعان
;P
واي انا عيزت وانا اكركر
هههههههههههههه
برااااك
تذكرت واحده من صديقاتي ايام الطفولة شعرها مو ناعم كلللش
ولا فيه امل يصير ناعم
!!
كانت تقولي استكانة اذا قعدنا مع فلانه ما اقدر اركز
وما اقدر اسمعها
اقولها ليش؟
تقولي قذلتها تطيح بروحها على عيونها
وتدخل ايدها بشعرها وترفعها
وانا احتر
شعري واقف مكانه
!!
اطق رقبه
اتحرك يسار
يمين
ما يتحرك
وتدور الدنيا يا براك واشوف صديقه الطفوله ام شعر عرفيج قبل فتره
الا شعرها لا اله الا الله
ناااااااااااااااااااعم
مكتت
واشقر بعد
هذي القصه ذكرت بس عشان تعطيك امل
ماكو شي مستحيل
وذكرت على طاري كلمة هفف
لان مو كل شعر تقوله هف ويطير
في شعر لو تهف مناليوم لي باجر
ما يتحرك
:pP~
بس سؤال اشلون يشير شعرك بالسكان
انته تعطي السكان ظهرك وانته تسوق؟
هههههههههههههههههه
بس صراحة تشكر على الترجمة الفوريه باخر البوست
:))
هههههههههههه
رهييييب براك .. قصايدك جميلة وممتعه
وافضل شيئ عملته كتابتة معاني الكلمات
انا من المتابعين دوما
كلماتك تشعرني بسعاده
دمت بخير ..
لوووول
عندي موتر كشف بس خربان مايسكر تاخذه على خرابه :p
كل شي بصوب ولا الشعر يشير بالسكان
قتلتني فيها
هههههههههههه
هههههههههههههههههه
براااك
عقب الضحك اللي ضحكته
دعيت لك من قلب عسى الله يونسك
بالعافيه و بشعر كثييف و حرير
يفرح قلبك
و بسياره كشف تحقق حلمك :)
براك ازيك
عجبتنى اوى الترجمه اللى تحت دى
اخبار الحر عندكم ايه
احنا هانتخنق من الرطوبه
أتمنى تكون بخير
تحياتى لك ولكل اهل الكويت الغاليين
اخوي براك حدد طلبك بالظبط
تبي سيارة كشف
والا شعر ينصف صف...؟؟؟؟؟
الشعر امره هين ...بس السياره هي الجايده
الشعر مالك الا الباروكه......اشكال والوان تبيها طويله ...تبيها قصيره..على كيف كيفك...بس ولا تحتر
اما السياره فما لك الا السحب بالمجمعات او الجمعيات والحين رمضان مجبل كثر من كوبونات الجمعيه
==========
شعر تمسكه بالجف.....شايده
تصبح على كشف
صراااااحة ضحكتني من الخاطر.. والصوره اللي محطنها لشاروخ خان مسحت كل جاذبيته ^_^.. انشاء الله تستوي معجزه ويطلع لك شعر وكل حد يشوفك يقول في خاطره يالله تعطيني بس شعره من هالشعر الروعه .. اممممممم يبالك تمارس قانون الجذب
هـو111جيس
وانا عجبني مرورك حيل
اشكرك استاذي العزيز
هي دعوة للتأمل في معاناة الناس المصلعين
اشكرك
.. بـــدور
وجودك هو الاروع
اشكرك سيدتي الراقيه وتشرفنا
ShLaLaT
ابي جزيره فيها مستحضر جديد لزراعة الشعر
Nescafé
مشكوره على رفع معنوياتي
ومشكوره على هالمرور
طولتي علينا
esTeKaNa
بالنسبة لموضوع صديقتك
الله يرزقنا مثل مارزقها
بالنسبة لللسكان وشلون يشير
يعن لما يصير شعري مكتكت ممكن لو التفت والا مثلا بطول على المكيف يشير بالسكان
عشون عيل
همـ القلم ـس
اشكرك الشكر الجزيل
بالنسبة لمعاني الكلمات أعدك سيدتي ان يكون لكل نص ترجمه كويتية بحته
اشكر مرورك
MO3ATH
هلا بمعاذ
المطلوب سياره كشف وشعر يهف هف
شكرا لمرورك
قلب طفله
يازين هالدعء
عليك بالعافيه
وادعيلي بعد ربي يرزقني شعر
على الاقل بس قذله
حنيــــــن
اهلا ياحنبن
أزيك
مين قال ان عن
نا حر
الجو عال العال
والثلج مش مخلينا نعرف ننام
الحمد لله على كل حال
انبسط أوي بوجودك
بنت الشامية
جان زين ياوخيتي الشعر امره هين
لو هين جان ماكتبت مليونين ونص قصيده بتمني الشعر
بالنسبه للسحب في المجمعات ارجو منك مراجعة قصيدة حظوظ رديه للتأكد من حظي قبل جعوتي للاشتراك في اية سحوبات حاليه او مستقبليه
يابنت الشاميه
تصبحين على هنا
بنوته
احساس الشعور بالشعر بدأ يوخز عني
وانا صار لي سنين ارمس عن مشكلتي ومحد زقرني
انا واحساس الصلع بنتحوط في عالم الاحلام الين الله يرزقني شعر
هيييييييه
الترجمه
يوخز عني يعني يبعد عني
أرمس يعني اتكلم
زقرني يعني ناداني
بنتحوط يعني بنتمشى
هييييييييييه يعني إييييه
عجيييييييييب
والله مت من الضحك
وسعت صدورنا
وااااي
بس تبي الصج الله يعينك مشكلة
ليش ما تسوي زراعه
معنه هذا الشي ما يعيب الريال
يعطيك الف عافية
اخوي براك
انت بس تعال باريس ......وكل شيئ يصير
حتى اذا تبى بسايل تعجفهم....يسونلك بسايل.....تبيها شقر.... حمره...سوده
طب وتخير........الرزاعه وما ادراك ما الزراعه
BaNgBaNg2
اهلا فيك
ياوسن
اخاف ازرع اصير مثل سمير غانم
جذيه احسن
بنت الشاميه
عليكم بالعافيه
شخبار جاركم اللي ماتواطنونه
سلميلي على اهل باريس
وقولي لهم اشتقنا
وبلغيهم راح ارجع لهم اذا اكتشفوا مستحضر جديد لانبات الشعر
برررررررررراك
نفس احساس ريلي بالضبط
واعليه
قلت له لا يصير خاطرك بعيد ميلادك الاربعين نسويلك زراعة
بس اليوم باخذ القصيدة وبخطها وبهديها له في يوم ميلاده تاريخ 17 -7 حتى يحس انه مو بروحه الي جذيه
تسلم أخوي براك
لوووووووول
لوووووووووول
أمبي مو صج !
والله غشيت من الضحك !
ما شاء الله عليك ...
ما أدري أهو صج من القهر
ولا حس الفكاهة إللى عندك !
بس صج بدعت ...
ضحك من الصبح ...
شكله كل يوم بصبّح على مدونتك
بلا سياسة بلا هم :p
يعطيك ألف عافية ...
وإن شاء الله ما تعدّي 2009
إلا وملاقيلك علاج يخلّي شعرك مكتكت !
صبااحك خير ...
تحيّة ,,,
أتيت متاخرة
بعد ماتهديله هذا النص كتبي تحت من تأليف كويتي أصلع
الله يخليه لك ويخليك له
ويبعد عنكم الالم
سعدت بوجودك سيدتي المتأخره
ذات عقل خشبيّ
أهلا فيك سيدتي
اهو مو ضحك والله معاناة
وللاسف مكالبي نصفها بسيطه والنصف الاخر مستحيل
من جذيه التناقض خلق قصيده والقصيده خلقت بسمه
واحمد ربي على البسمه
وعلى الصلعه
وعلى كل حال
وحياج الله كل صبح
على طاري السياسه
مره شايب قالي
شوف يبا احنا الكويتيين 3 شغلات نبدع فيهم حتى لو مانفهم
1- السياسه
2- البورصه
3- الدين
انا مالي شغل اهو اللي قال
صباحك ورد
براااااااااااك هذاني نسختها اليوم بخط ديواني أنيق
وكتبت تحتها
تأليف
كويتي أصلع بس خفيف دم
ورايحة باجر اشتري الهدية
اشرايك اشتري له شنو؟؟؟؟
باروكه>>> أخاف يردني عند هلي
كريم شعر>>> بيقول اتطنز
بالله عليك شنو الهدية الي تناسب القصيدة ؟؟؟؟
تحياتي
ولا تتاخر علي براك بالرد
ترى بقى 3 ايام عن العيد ميلاد
شكله بيقلب غم !!!!
أتيت متاخرة
اشتريله مشط
براااااااااااااااك
من صجك عاد اشتريله مشط
أخاف يطلقني!!!!!
تدري
عاد بشتريله غترة وعقال يخش الصلعة لحد ما ربك يسهل
أتيت متاخرة
هههههههههههههههه
الله يشرح صدرك
مت من الضحك على اخاف يطلقني
ههههههههههههه
انا اقول بس قوليله كل عام وانت بخير وبس
لوووووووووووووووووووووول
الحين تبي سيارة ولا شعر
!!!!!!!!!!!
صح لســـــــــانك
و اجمل ما في بوستك توضيح الكلمات تحت
معنهم واضحين =))
و الله يرزقك شعر شاروخان و سياره كشف اخر موديل
ولو اني احب الريال الاصلع و افضل الاقرع بعد :\
قلم حبر
ابي الستر
Bronzeya_Na3oma
اشكرك على مرورك
وعلى رفع معنوياتي
Post a Comment