وإن زعلت؟؟
شالمطلوب؟؟
شا أسوِّي؟؟
شا أسوِّي؟؟
يوم راضيتك
شنلت ؟؟
وايد كنت علي متقوِّي
ووايد أنا تحمَّلت
وإن زعلت ؟؟
،،،،،
لو أرضى قليبي مايرضى
يحرِّم يدق بعدها
بتكرهني حتى النبضه
لو أيامك أردها
ياكثر ماكنت طيب وياك
وياكثر مابخلت
وإن زعلت؟
،،،،
أنا اللي غلطت وحبِّيتك
أنا اللي غلطت وأغليتك
مشكلتي قلبي طيبته إذبحتَه
مشكلتي بالدنيا إنته
أنا الغلطان
وايد وياك طوَّلت
وإن زعلت؟؟
،،،،،
لا تفكر إني براضيك
ماتهزني عيون تدمع
لاحشا ابد أبيك
لا تحلم إني أرجع
أنا منك
شحصَّلت
وإن زعلت؟؟
40 comments:
أنا اللي غلطت وحبِّيتك
أنا اللي غلطت وأغليتك
مشكلتي قلبي طيبته إذبحتَه
مشكلتي بالدنيا إنته
أنا الغلطان وايد وياك طوَّلت
هذي مشكلتنا ياوخيي
طيبة قلوبنا
اللي ذابحتنا
بس ارد واقول يا خوي
يا براك اللي يحب يغفر
ونظل احنا الطيبين
اي والله وان زعلت شنو يعني؟؟
ألزم ماعلى الواحد كرامته
خوفك تصير ناشفه يا البرك
وتنجبر ترجع
الحب تذروه رياح الكبرياء
وإن زعلت يا براك
:)
لو أرضى قليبي مايرضى
يحرِّم يدق بعدها
بتكرهني حتى النبضه
----
طول عمرك مبدع :))))
براك يا حافظ إشفيك قلبت عليها؟
شافتك (بتجيلها حب بحنايا الروح )قالت خن أتدلع.. ما تنلام
يا وخييّ إذا وجد الحب أصبح البحث عن العدل من نافلة القول فالحب كريم يسد جميع الثغرات و المودة رحيمة تغفر كل الهنات
ما أحب أشوف الزعل بين أثنين يحبون بعض:)
لو أرضى قليبي مايرضى
يحرِّم يدق بعدها
بتكرهني حتى النبضه
هذي بروحها يبيلهاااااا قصه
مووووووو بيتين شعر
ماندري القلب عاف الحب والا عاااااااافه
و الا من كثر حموووووله قام يتجافاااااه
مدري
وايد محير الوضع
مرات اقوول
انا ادري اني احبك
بس اتصدق مافيني حيل احبك
يعني اهو اكو حب
بس مخنوق مافيه حيل يسوي شي
متبلد
او حب متجلط ويا الدم
كلمة وحدة
مـــــــــــــــبـــــــــــــــدع
الجميل في كتاباتك انك تستخدم مفردات بسيطة بس تجملها و تخليها تحمل معاني روعة
شكرا لك
سلام خصوصي لخشيم الفار:)
Mamloo7a Q8ia
سيدتي المملوحه صاحبة التعليق الاول
طيبة القلب ذابحتنا يمكن
بس ليمتى
نغفر ايه
لكن اذا بدى كل شي ي صير تافه
يصير الواحد بسه
kuwaitya_7saweya
فعلا
لحظه
انتي وينك
وهم لحظه
انا ويني هم انا مقصر عيل سامحتك
المهم يالقدساويه
فعلا الكرامه
اللي رافه الكرامه هامه صعب يرجع
لانه اهو اصلا شحصل
فريج سعود
ماتصير ناشفه لاتحاتي
واذا نشفت عندك
قولي
ههههههه
حسين فهمي مو براك
AseeL
صح كلامك
هذا اذا فيه كبرياء
الموضوع كله
شبيصير بالدنيا لو واحد زعل
الزين
شنلت يالزين شنلت
Blog 3amty
اقولك شي
مرات انت ترفض شي معين
ومرات كل قطعه بجسمك ترفض هالشي
حبيت اني اوصف الجمله الثانيه بطريقتي
اشكرك
mellow
ياسيدتي العزيزه الموضوع بعيد كل البعد عن براك
اللي قلتلها باجيلك حب هذي ملاك لايمكن اني اقول عنها انا وياك شحصلت
ولكن هذه القصيده ان جاز التعبير هي تخص موقف لشخص عزيز جعلني اعيش القصه كامله وحسيت انه محتار بالرد كتبت هالقصيده وتقمصت شخصيته
وحسيته ارتاح
عموما انا احب اني اشرح شي مايخصني اذا كنت عايش وفاهم القصه بحذافيرها
ولاتحاتين يالراقيه
ماكو زعل لان الحب اكبر من الزعل
والحب مو كلمه تنقال
لاتحاتين اشكرك
lawyer
فيه مره كتبتي انتي بوست يخص هالموضوع
وبصراحه فيه جم بيت انا بقتهم من احساسك
عموما
وان زعلت قصيده تشرح موضوع
ممكن المره المتزوجه تقولها لزوجها الدلوع اللي على ادناة الدون يزعل
ويمكن العكس
ويمكن الام تقولها لابنها
يمكن ويمكن
الزعل اللي ماله داعي ماله طعم ويرخص الناس بعيون حبايبهم
الوضع مايحير
بس مرات نحس ان احاسيسنا الملهوفه لازم نكبح جماحها
حلوه نكبح جماحها
DanDash
اشكرك
الابداع اهو انتو
لان لو ما انتو ماكو تشجيع
واذا ماكو تشجيع ماكو بوست واذا ماكو بوست ماكو مدونه
خشيم الفار توه داق علي يقولي براك لاتشتري برّد حق عبودي ليش يامحمد يقول لانه طقني
بعد 5 ثواني اكتشفت ان اهو طاق البيت كله وطبق المثل اللي يقول ضربني وبكى وسبقني واشتكى
ترى خشيم الفار نفيسه يمكن مايعطيني ويه
لو أرضى قليبي مايرضى
يحرِّم يدق بعدها
بتكرهني حتى النبضه
ايييي والله مايرضى
!!
اذا بتزعل
ياخي ازعل ولا تسامح
انا قصدي ترى واضح
ترى تسوي الجروح اكثر
ماعاد اهتم مثل اول
انا لهيت شوي وسافرت وتوني قبل يومين راده
ههههههههه
دقيت على ياسين؟
هذا شكله بايع ومخلص
قلبه متروس :-)
تحياتي
ترى كلش ولا زعل الحبايب :)
لااااااااااااااا يزعلوووووووووووون
الحين منو الزعلان
ومنو اللي بيراضيه
؟؟
لا تفكر إني براضيك
وما تهزني عيون تدمع
لا حشا ما عدت أبيك
ولا تحلم إني أرجع
ما أدري أنا منك شحصلت؟
وإن زعلت
عقبها ما ينفع ندم
وصح لسانك استاذنا
براك ..
ما يرضى قليبي
وأنت صادق
وإن زعلت
بنت سيف
الراوي المبدع براك
تحية طيبه وبعد ..
اقرب الناس لك زعل عليك وانت ماتدري ليش الزعل
تحاول تستفسر تخاول تتذكر بس انت متأكد انك ما غلطت والزعل هذا من ولاشي
يعني زعل وبس .. ولانك تحبه تحاول تراضيه بس يرجع ويتغلى
ارثي لحال هالإنسان المسكين
الشي الثاني
يزعل عليك شخص .. وانت بره الموضوع
ويعصب ويقلب الدنيا فوق تحت .. ومن طيبتك او من وسع صدرك تسوي روحك انك نسيت الموضوع
تشوفه مره ثانيه وتكلمه عادي ولكنك تلاحظ انه مو مشتهيك
تنقهر طبعا .. لانه اهو الغلطان وسامحته واهو مو مسامحك مع انه ما فيه شي يسامحك عليك
تضطر هنيه انك تتخلى عنه مهما كان اهو قريب منك
لانه يمكن اللي يالك منه مو شويه وانت تتحمل وتصبر ولي متى ؟؟
وكل مره راح يرجع لعوايده
وانت ييك وقت تقول فيه بس كافي
!!
بقلبي كلام وايد
ماني عارفه اطلعه
كلمة راس : دايما لما اقرا كلامك احس انك تقول اللي بقلبي
اللي انا ما عرفت اطلعه
وهذا بحد ذاته ابداع شاعر
لما نلتمس لهم عذر
ونبرر كل االاخطاء
ونتحمل
وبالمقابل
نتحاسب على هفوة بسيطة
من مبدأ غلطة الشاطر بألف
ونتغير
نحاول نرد اعتبار هالمشاعر
نصير.. بايعين وظالمين
وكأن الإنسانية حكر على شخص دون سواه
والله قهر
:(
Najmah
انتي صح يانجمه
والله صح
kuwaitya_7saweya
مكانك مبين
الحمد لله عالسلامه
darkness
فضحني ياسين
طبعا من غير الدخول بالتفاصيل
ياسين هذا اهو مصمم ومخرج الديوان اللي بإسمي
وبصراحه صارله 3 شهور معاي يننته
وكل شي بوقته حلو
layal
مرات اذا الواحد عطى كل شي عنده ومن قلبه وحس بان ماكو فايده
بس كل شي يرخص بعيونه
شرفتيني
Lavender
انتي صح
sologa-bologa
وان زعلت ؟؟
علامة الاستفهام تقول ان اذا يعني اهو زعل شبيصير
دايما اقولك انت استاذ واحنا انتعلم منك
بنت سيف
حي الله اهل الدوحه
شرفتيني سيدتي
ShLaLaT
انا فهمتك
صج لويه بس فهمتك
كل انسان فينا موجود فيه شاعر
اشكرك
تراب الكويت
سلامتك من القهر
فيه ناس مو كفو حتى نسمة الهوى اللي تمر عليهم
وأحلى الهوى ما شكَّ في الوصل ربه
وفي الهجر فهو الدهر يرجو ويتقى
AK-47
شكرا
وااااااااويلاه
!!!!!!!!!!
Post a Comment