اخواني الاعزاء
تمت سرقة البلوج القديم
BARRAK74.BLOGSPOT.COM
ولكن رب ضارة نافعه ، هاانا ذا اعود من جديد بنفس الروح لن يختلف اي شي
كلمة شكر بحق كل من سأل عني وكل من ارسل ايميل مسانده وكل من حاول ان يساعدني
لن اوعدكم بان هذا البلوج لن يسرق مرة اخرى ولكن ربكم كريم
كل شي فيه بوق
سيارة تنباق
بوك ينباق
تفقد مفتاح
تفقد دلاق
بس مو بلوق
كل شي فيه بوق
اللحين مالقيت الا براك
شوف واحد مني منّاك
مستانس اللحين يعني
علبالك بتحرني
من هالاشكال انا مرتفع فوق
كل شي فيه بوق
انزين بوقني يومين ثلاثه
شكلك ابو الغثاثه
مريض نفسيا وزار عقلك
اعرف اتعامل مع اللي مثلك
شاريلك طوق
كل شي فيه بوق
احس اللي باقني شوي خبل
يمكن بهالمحبه منذهل
اتخيّل جسمه ضعيف
وعقله شوي خفيف
وصاك زراره اللي فوق
كل شي فيه بوق
يمكن محتاج يترنجف
يغار من حجي مصفصف
يمكن البنتاغون له صله
يمكن الامريكان سبب المشكله
بس الاكيد اللي سواها
DOG
كل شي فيه بوق
30/08/2007
براك اللي مو مبيوق
36 comments:
صاحبة اول تعليق على مدونتك ياااااااااااااي
انت قلت رب ضارة ناقعه
وعسى ان تكرهوا شيئا وهو خيرا لكم
انت قدها وقدود
البلوق ماهو الا مكان نعبر فيه عن احساسنا بكلماتك
مكانتك عندنا محفوظة ببلوق او من غيره
:)
خطاك السو
والله زعلت من امس وانا اقرا بالبلوق القديم ومو مصدقه
المهم سلامة راسك وهذا انت مثل ما تعودنا عليك اخذتها بروح رياضيه
الشايب براك لا تحط بخاطرك ما في احد كان يزرو لبلوق الا عشانك انت لانه انت الاهم وإلي باق البلوق تاكد انه راح يعرف قيمة البلوق بصاحبه مو بشي ثاني
من هالاشكال انا مرتفع
هذا بو عبود الي نعرفه
:)
welcome back ya shayeeb
:)
براك خلهم يبوقون على كيفهم
مادامك موجود يعني كل شي موجود
في ناس مرضى صج مرضى
يعني الحين شنو يستفيد بس ودي أعرف
يالله خطاك السو
ومادام أحساسك المتميز يمدنا بالكلام الحلو احنا معاك بأي مكان
والله القصيدة روووعة أكثر من روعة
وأهم شي فيها إن الحرام صاك
زراره إللى فوق
هههههه
والله ضحكتني
يعطيك الف عافيه وماتشوف شر إن شاء الله
حينما يسطو رجل على بنك لسرقة مبالغ طائله
لايختلف كثيرا عن شخص يسطو على مشاعر الاخرين ويسرقها
وان دل هذا على شيء انما يدل على تدني اخلاقه وقبيح افعاله
ماتشوف شر اخي الفاضل
مصيبة المؤمن دائماً بها الخير
والخير بانتظارك
ماتشوف شر يارب...
ومعوض كل خير ان شالله
قوية كلماتك كعادتها
ماننحرم يارب
(f)
لتفاؤلكـ
كفو والله يا براك
وانت قلتها رب ضاره نافعه
اذا سلم العود ،،الحال يعود
احلى شي انك ما تأخرت
ونبي نشوف اللي تعودنا عليه
حتى البلوق ما سلم من البوق
يللا ما عليه
تأكد بنظل زوارك سواء بالمدونة القديمة أو المدونة اليديدة
ولا يضيق خلقك
ومبرووك البلوق اليديد
ولوك البلوق نفس لوك بلوقي بس الألوان تختلف :)))
salamaaaaaaaaaaaaaaaaaaaaaaaat
galooooly ma 9addagt!
شبتسوي في بوستاتك القديمه؟؟؟
إنت شكلك معطي واحد الباسورد عشان يغيرلك اللوك و باقه
@@
خطاك السو براك انا سمعت و ما صدقت الي صار
بس ولا يهمك واثق الخطوة يمشي ملكااا
وهممممم ناطرة الكتااااب
"حنَانَة درجة أولى"
i change your link in my list as well
على قولتك رب ضارة نافعه
وخطاك السو يا خوي
ومشالله عليك مااظن في شي بيوفقك
وكلامك بالبوست ضحكني وايد
عساك عالقوه ولا يأثر فيك شي
عيون الحب
شقولك
صاحبة اول تعليق في اخر بوست في المدونة المسروقه او المبيوقه
واول تعليق بالشات بوست بعد السرقه
واول يوست بالمدونه الجديده كان لك وجود باول تعليق
كل اللي بقوله اشكرك يااستاذة الذوق
magnoonah
خطاك اللاش
ياحلو هالطله
شنسوي بعد الحساد اهم السبب
ربك كريم
كلامك يامجنونه وايد يبرد على القلب
بذمتك عاد
مالقوا الا الشياب يبوقونهم
مشكوره وكلامك ينشال فوق الراس قبل لاينقري
7osen
انا اقولك شنو بيستفيد
اولا لازم تعرف انه باق الايميل يعني بيشوف شكو ماكو
ثانيا
الى الان لم يمسح او يستخدم البلوق هذا يعطيني دليل اما انه مايتكلم عربي خصوصا اني اكتب بالبلوق العالمي مادري شسمونه
والله وبالله ياخوي انا اللي ربحت هالقلوب الطيبه اللي وقفت وياي وساندتني وسألت عني
الله لايحرمني منهم ولامنك
سالفة قلب
اشكرك سيدتي الراقيه
لن انسى تعليقك ووقفتك
وهذه الخصال ليست غريبه على سالفة قلب
اشكرك من كل قلبي
روح
اين انتي ياروح
تسلملي هالروح
ودائما سابقى متفائلا
لان ماكو شي يسوى
اشكرك سيدتي
SolaimaN
شلون تبيني اتاخر ياخوي
هذا حق وواجب
تعودت على وجود الراقيين امثالك
ردينا من يديد
SHAHAD
هذي نفوس مريضه
الواحد يتحمد ربه
ولي الشرف ان بلوجي يشبه بلوقك
رغم الالوان
ولكم باك يا الغالى
عسانا ما ننحرم منك امين
براك المو مبيوق لووووووووووول
موتنى ضحك
:))
الله كريم يا خوى يا براك
الله يجازى الى بااق وين يروح من رب العالمين
يقولونلك البوق الحين صار ستايل
مثل الشباب اللي يوقفون شعورهم و البنات اللي يلبسون لجنز تحت النفانيف لقصار
يمعود اشوة يت على لبلوق بيينا يوم ابنسمع براك اهله يدورون يقولون مبيوق
:)
قصيدة مضحكة مبكية
سلمت يداك
واااااااي ضاق خلقي براك
سلامات سلامات
على كثر مما تضايقت على كثر ما فرحت ان شكل البلوق رد نفس ما كان اول
هههههههههههه
بس الحمدالله البوستات ليلحين موجوده
اشوه
لا يضيعون براك حسافه و الله خوش ذكريات
بس البركه فيك تعوضنا باللي أحلا ان شاءالله
:))
Яeema
بوستاتي القديمه مااقدر المسهم
ومثل ماقلتي هم ذكرى
والذكريات في بال الشاعر لاتضمحل
ماعطيت احد بس اللي صار صار
وربك كريم
DanDash
تصدقين حتى أنا ماصدقت
فجأة جذيه كل شي راح
ليش واشحقّه ماأدري
وصدقيني هاللي صار علمني
ان الدنيا للحين بخير
بالنسبة لموضوع الكتاب على قولتج
صدقيني اللي صار خلاني اتعلّم ان الشي اللي ماينمحي اهو التوثيق
لازم الكلام هذا يتوثّق
على الاقل يكون لي الحق اني اقول ان هذا الكلام كلامي
وصدقيني اللي صار مو شوي
لازم كل شي يترتب من يديد
ابد مو حنانه
انتي اوفى معنى لكلمة
انسانه
اشكرك
Яeema
اشكرك ياريما
ودوم الذوق يبتدي من عندك ويتوزّع
وصدقيني المكانين واحد بس الفرق المدونه الاولى لي وليست باسمي
والثانية الى الان باسمي
مايندرى يمكن هذي تنباق بعد
مشكوره
Q8DOLL
لاتحاتين كل شي بيرد ان شاء الله
ودام هالاحاسيس الوفيه حولي
ماظن بيتغير شي
بس الاحترام بيزيد
اشكرك يازميلتي السابقه
charisma
كنت مبيوق واللحين مو مبيوق
شسوي الزمن عليه عمايل
ردينا من جديد
بس انا شاريله طوق
9ahba'a
ويقولولي بعد ان هالوجود
اشتقت اليه منذ زمن
اشكر وجودك الراقي سيدتي الغائبه
سيدتي
اذا باقوني انا
بيردوني
اكتب فيهم جم بيت ويهدوني
عاد اهم يموتون على القصايد
يبدتب كلامك اسعدني لولا تلك الجمله
مثل الشباب اللي يوقفون شعورهم
بالله عليج مالقيتي الا هالمثل
مو المشكله اللي يكلمك لايمكن بيوم من الايام يسوي هالحركه
زين ماقلتي اللي يطولون شعورهم
ههههههههه
اشكرك
Purplecious
الله يسلمك
مو قلنا رب ضارة نافعه
كاه البلوج رد مثل قبل
لا وحطيت كل واحد يزور من اي ديره يعني حركات
الله يعافي اللي كان السبب
مشكوره
خطاك السو ..!! والله ما صدقت ألا لما جيت هذا العنوان الجديد ..!! شبقه بعد حتى البلوغ ينباق ..؟؟
لا حول ولا قوة ألا بالله ..!!؟
كل شئ يصير بالهدنيا ..!! وعسى جديدك يصبح أجمل من قديمك أنشاء الله ..!! ما تستاهل يالعزيز "براك" ...!!!؟
.,
دناعة النفس .! والحسد
اذا البوق وصل البلوق
ومثل ماقلت من هالاشكال انا مترفع
رب ضارة نافعة .,
نحتاج للتغيير بين فترة والثانية :D
وعساك محتفظ بكتاباتك أهم شي .!
.
ههه يجب أن تُقطع يد السارق ! وان يقام عليه الحد
,
,
مبروك البلوق اليديد
2 u ALL
خطاك اللاش
تسلم فيك الخير
شسوي بعد
واللي يعيش ياما يشوف
ولاتحاتي انا شاريله طوق
تسلم اخوي الغالي
اشكرك
3atreis
مالبيد حيله
لازم انترفع
اهم شي ماباقوا مني احساسي
وحبايبي اللي حولي وحوالي
هذا المهم
وللاسف لم احتفظ بأي شي
ولن احتفظ واللي انكتب بينكتب غيره
بس خل يهل المطر وانا اعوضكم عن اللي طاف
Ealaf
تقطع قويه
اول شي تنشل بعدين تقطع
ربك كريم
ومشكوره على المباركه
تسلمين
والله قهر
بس ضحكني كلامك
زين تسوي فيه يستاهل
واهم شي انه للبنتاغون صله
لوووووووووووووووووووووول
kuwaitya_7saweya
مو يقولون شر البليه مايضحك
هذا اللي صار
بالنسبة للبنتاغون
بقولج شي
مره من المرات كتبت موضوع عن بوش ونشرته بالبلوج العالمي ماادري شسمونه
وانا خيالي واسع
اعتقدت ان الجواسيس اعطوا اوامر للبنتاغون انهم يتحركون ويقضون على المدونه للمحافظه على قوة امريكا العظمى
Post a Comment