تفاصيل ملامحك بعيني
تفاصيل بقلبي تعنّيني
انت خيال آسرني
انت بس تسكنّي
مو بس تسكنّي
مهنّيني
......
اعذب شي شفته
اوفى شي انت
حشاشة اليوف وأهتويه
انت كل اللي ابيه
انت كل مافيني
....
ياكل الدنيا
احلامي اليوميه
اكبر حلم احلمه
احلى من اي كلمه
اعمق مدى بتكويني
.....
تعبت وايد تعبت
مو تعبت .. مِت
اخاف من خوفك
لو مااشوفك
تختل موازيني
عيونك بلادي
ملاذي مرادي
وطن لراحتي
دوا لسهادي
.....
ياكل امنياتي
يامعاني حياتي
عايش انت بعيني
عايش عشان تلبيني
عايش عشان انادي
.....
وياك اطوف
مدارات وطيوف
اتجاوز الصعب
احب ايه احب
يانبض افّادي
في رحلة الوله
زادي عيونك والاحلام
الوله علمني ارسمك قصيده
الوله خله مشاعري عنيده
ابسط مشاعري تحبك
اكثر مابخاطري ألمّك
يامنتهى الوله
ياكثر الشوق .. واكثر
يالحنان اللي افقده
يمشي بيوفي بهدا
انتي حولي وحوالي
انتي مني ولي
انتي والله فقيده
الوله علمني ارسمك.. قصيده
الولهان مايدري شيسوي
يصير الشوق فيه متقوّي
متقوّي وهمّين جبّار
داخل يوفه نار
ماكو شي بيده
الوله علمني انسجك قصيده
الشغف انتهى
وخلصت فترة الانبهار
كل كلي لهى
ونسألك شي وصار
احنا تملكنا البرود
اللي راح مايعود
واضحه معالم الفراق
مو بس الصدر ضاق
وجودك يشب فيه النار
الشغف انتهى
تلاشت احتمالات وجودك
لي هني ونوقف بسنا
احنا ماقمنا نحسنا
كل شي يجبرنا للنهايه
لحظة الامان ماتت شقا
قولي بعد شبقي ؟ شبقي ؟
الشغف انتهى
حتى الحنين ماتت لحظاته
حتى احاسيس حبنا موّاته
راح الحب وراحت ايامه
صرنا ضحايا الروتين
صرنا عن بعض مغيبين
ماراح اكون بفخ الحنين
الشغف انتهى
فجأه ماعندي لك شي
كل الاوجاع بيّنت
كانت قصه وانتهت
كانت لحظه وتيتّمت
والنقطه نوقف عندها
الشغف انتهى
ماتاخذين الوله وتردّين
تحنين على هالمسيكين
اللي انتي نبضاته
اللي انتي ضحكاته
اللي انتي حياته
واختصار الحنين
ماتاخذين هالوله وتردين
...
كلي يسأل .. متى الردّه ؟
ردي بس مره وحده
حبج ترى تعده
واختلت وياه الموازين
ماتاخذين هالوله وتردين
...
تملكني انا الضياع
قلبك اطيعه وماطاع
ياهو جاسي ياطماع
يانج بسواياه ماتدرين
ماتاخذين هالوله وتردين
...
ليمتى وعيوني تدمع؟
ليمتى ولقانا المطمع؟
شيصير لو نتيمّع؟
شيصير لو تقربين ؟
ماتاخذين هالوله وتردين
ذكرياتي وياك ممتده
من اطراف السحاب
لي دموع المخده
ذكرياتي وتر
يعزف بصدر السما
ويعده
ويسرح بأنغام الصدر
وينثر بيوفي
انبل معنى للحب
وأنقى صوره للموده
ذكرياتي وياك ممتده
...
بهاليوم انت .. ربيت
صرت بروحي ... بيت
ودور من الحنيه
ودرايش للدنيا
اشوف فيها ماتمنيت
ارتوي وأتحدّه
ذكرياتي وياك ممتده
...
وياك بتاخذني وين؟
ياصدر يانبض ياعين
ياكل شي فيني ربى
ياحلو العمر لو أتْعِبَه
لو الحال تردّه
ذكرياتي وياك ممتده
بخاطره قلبي يشوفك بخاطره
ياللي صارت ملاقاتك مخاطره
صرت الفكره والشعر والخاطره
صرت الحروف وضي الكلمه
متى اللي يحبك نوبه تكلمه
ومتى تكتمل وياك اللمه
ليمتى وقليبي كاسر بخاطره
من قواك
وخلاك
على الروح تامر وتنهي
شنهي نواياك شنهي
ارحم من تمناك
من قواك ؟
...
ليش انت متقوي
اللي تبي تسوي
متى تَبرِّد ضوي
متى تعرف غلاك
من قواك
...
اقوى من اول صرت
احبك لو انك تكبرت
كل شي انا تصورت
الا اني انساك
من قواك
...
على قليبي متقوي
على عذابي منوّي
شتبيني بعد اسوي
مهي حاله معاك
....
متحمل منك ماصار
مالي غيرك اختيار
ادري انك جبار
بس الله بيهداك
من قواك
موزينه عقبك حالتي مو زينه
تهت وقليبي اختلت موازينه
وين ماضي راح وياك الله يازينه
الدنيا كسرت مياديفي حيل
انا ترى ولهان عليك بالحيل
ترى مابقى فيني حيل
ودي مره اقول حالتي زوينه
بأحلامي
وايد اتمادى
ماتوب من هالعاده
اوصل لحدود ماعرفها
ماقدر حتى اوصفها
مايلقى قلبي مراده
ووايد اتمادى
...
لي حد النيوم اروح
تشتقي وياي الروح
وحتى القلب يشتكي
ودي مره التقي
بحب قلبي وافاده
ووايد اتمادى
...
لي وين بعد باستمر
كل كلي منهمر
الخيال اهو دواي
اللي تم وياي
هذي هي السعاده
ووايد اتمادى
