Tuesday, April 22, 2008

مامن تعب



يسألني :


تعبت ؟؟


قلت :

 مامن تعب

يازينك ويازين ماشفت


يسألني تعبت؟


....

شفايدة حبّي وهيامي


شخانة عشقي ياغرامي


فيني بعد حب ماتتخيّله


أحبّك وهذي كل المسأله


لو تعذّبت



لو حقّي انسلب


يسألني تعبت ؟


مامن تعب


39 comments:

Aldenya said...

:>

الحب اللى يكون صادق

ومن قلب نيته طيبه


يكون فيه تعب ؟؟



ما أظن


تسلم إيدك يابراك

على نفسها جنت براقش said...

صح لسانك

لكن متى يبدأ يشوف التعب؟

honey said...

معقولة ما يطلع التعب !

The Voice Within said...

مو يقولون في الحب تعبه راحه ؟

أثبتت المقولة صحتها


:D


مسكّت على العادة

Anonymous said...

ما من تعب يا براك ولا عتب

Mohammad Al-Yousifi said...

انا تعبت منك

بوتشخيص said...

صح السانك :)

GUCCI-q8 said...

مامن تعب
تسلم ورائع

(روح) said...

ما من تعب

لأن تعبك راحة

لأن وجودك
هو سلوة المحزون
وسبة أفراحه

لأن وجودك
هو دوا المضنوون
ومشفي جراحه


عذرا عالتشويه ..


بس التعب
ملتصق و الله بزوايا كل قلب
في حشا كل ضلع :/

والدنيا..
من تعب .. لتعب
وبينهم عقبات
ما كل سلم منها !!!



حتى وانا هناك


عيوني هنا و الله


دمت لنا..

lawyer said...

اخييييييييييييه
مامن تعب
صدقني مامن تعب

بس خف علي شوي انت و مامن تعبت

سعادتي وياك ثواني تستاهل شقاي ليالي


من من تعب

:)

Almas said...

نلف وندور وتحط رحالنا عند مدونة عذب القلوب

آنا متأكدة 100% أننا نجد ما تحمله الأفئدة من حب ، عشق، حزن وشجن

في كلماتك المرهفة الحس

لأنها تلمس الشعور مباشرة بدون رتوش ولا زخارف

لأن ما يخرج من القلب يصل إلى القلب

خوش قصيدة

تسلم إيدك

Barrak said...

Aldenya


اللي يحب مايعرف التعب
لان الوله متعه مايتعب
السهر متعه مايتعب

اشكرك ياصاحبة التعليق الاول

Barrak said...

على نفسها جنت براقش

هلا فيج اختي

التعب بقصتي ماله مكان

يمكن يبتدي التعب لما تحس ان قلبك مايتحمل كبر حبك

سؤالك ذكي

Barrak said...

shahad

مامن تعب ابد ابد ابد

Barrak said...

The Voice Within

وييييييييييييييه
الشمس من وين طالعه

هلا فيج

مو بس راحه
فمة الراحه

مااقول الا يازين ماشفت

مامن تعب
اشكرك

Barrak said...

مُحَسّدْ

العتب موضوعه نسيته من زمان
لدرجة اني مااعرف اعاتب

Anonymous said...

شخصية قوية جدا اتعرف اشتبي حتى و تطلب منها الامر تضحية كبيرة
من جذي تقول ما من تعب


شكرا براك

Barrak said...

kila ma6goog

مامن تعب
عيوني انت

Barrak said...

بوتشخيص

صح بدنك

اشكرك

Barrak said...

GUCCI-q8

اشكرك الشكر الجزيل

Barrak said...

روح

الله الله ياروح

اليوم اكيد فيه شي

كل الغايبين ردوا
الله يعافي مامن تعب اللي خلتني اتشرف بوجودكم


مامن تشويه
انتي جملتي الحروف
الحمد لله عالسلامه ياروح
وتسلم عيونك

Barrak said...

lawyer

لا لا لا

فيه شي فيه شي

لوير مره وحده
حياج الله سيدتي المختفيه

لج حق تختفين
بس هم احنا لنا حق نقرالك

اشكر وجودك الذي اسعدني

Barrak said...

Almas

فعلا الماس
اسم على مسمى

حياج الله

لوما انتو تحسون بالكلام وتفهمونه كان مالي وجود هني


اشكرك ياراقيه

Barrak said...

wara8mu5a6a6

اهلا بوجودك سيدتي
هلا باهل البحرين

اذا كان قصدك اهي يمكن
واذا كان قصدك انا
مممممم هم يمكن


تشرفت بوجودك

شكرا بيبي

قلم حبر said...

كلامك كلا عجب
:)
وما من تعب
:)
كلماتك تصل الى القلب دايركت ومدونتك رائعة

Barrak said...

قلم حبر

اشكرك

الاحساس نتعلمه منك

شكرا

Super Woman said...

مو يقولون كل شي يهون لعيون الحبيب ؟؟
عيل ما من تعب

صح لسانك اخوي براك
اتحفتنا

why me said...

أستاذي

كتبت فأبدعت

كلمات اتعب

اشكرك

darkness said...
This comment has been removed by the author.
darkness said...

صح السانك

ابدعت

الا بنشدك
هو يسالك
تعبت منه؟

ما درى انه بعاده اهو التعب

و الا ظن

سهل فراقه

ما عرف انه الحبيب مهما زاد العتب

!!

قلب طفله said...

الله عليك يا براك

لو انهد الحيل و ذقنا الويل

ننسى العتب و نردد مامن تعب

صح لسانك و اعتلى شانك

بعثرة مشاعر said...

حسافة قصيرة

:)

Barrak said...

ShLaLaT

اولا أشكر وجودك
ثانيا
الحبيب ممكن يكون الام
ممكن يكون الاخت


مامن تعب
كلمه يقولها العاشق لبيته لامه لوطنه
مامن تعب

هالكلمه نقولها لكل شخص نحبه
اذا حاول أو فكر يسألنا

الحب عمره ماكان تعب

اشكرك

Barrak said...

why me

وجودك الاول يسعد

الله يبعدكم عن التعب اللي يشقي

انا لسه طالب مو استاذ

اشكرك

Barrak said...

جارة القمر

سيدتي
خلينا من سؤاله
السالفه كلها الكلمه اللي قلتيها
إلا بنشدك


ويييه

كلمه رحت معاها بعيد
هذي بروحها قصيده

سأبوح لك بسر
اليوم انا ماأدري شفيني الى الان كاتب 4 قصايد
ان جاز التعبير
وبعد كلمة ابنشدك

ابنشدك
من كان بهالدنيا
يسعدك
ويعوف الكل
ويقصدك
ابنشدك

ياجارة القمر
شوفي كلمة ابنشدك شسوّت

اشكرك

يمكن اني تهربت من السؤال بس مو مني
من ابنشدك


اشكرك

Barrak said...

قلب طفله

واعتلى شان قلبج سيدتي


التعب هو احساس ممكن انتألّم منه وممكن نرتاح بوجوده



صح ؟

Barrak said...

بعثرة مشاعر


كانت اقصر من جذيه

The Voice Within said...

الشمس عمرها ماتغيب بوجودكم

بس ساعات تلبد ورا لغيوم

‏(‏6)

D:

Barrak said...

The Voice Within

الله يحفظها بين الغيوم