Thursday, June 19, 2014

صدى افّادي






انت اللي تنادي ؟

قلبي دقاته زادت

واكثر خفقات أفّادي

انت اللي تنادي ؟
……

من اللي فيني

احس تناديني

والا يتهيالي!!


والا انا ولهان

والوله بقلبي متمادي


انت اللي تنادي؟

….


مو كل ندى ..صوت

نداك  احساس ساكت

وينطق بدمـــّي

مو كل ندى.. صوت

نداك انت 

اصل تكوين همّي

مو كل ندى ..صوت

نداك انت

كتب على حضن العذاب

ميلادي

انت اللي تنادي؟!


لاتنادي
لاتنادي
لاتنادي

١٩-٦-٢٠١٤
الخميس

Monday, June 16, 2014

عيش حياتك




عيش حياتك

مافي شي فاتك


تقدر لآخر نفس 

تحقق حلم

وتشوف  .. امنياتك

عيش حياتك 

....

شيصير ؟ 

لوخذت من الجنون .. لون

لو صرت عالمستحيل ..تمون

وعلّمت عيونك وقلبك ..يحبّون

وزرعت البسمه ..

 بأعماق ذاتك!!

عيش حياتك 

....

إكسّر قيودك ..

اثبت وجودك ..

خل التفاؤل يقودك

لكيانات الفرح 

حطم معنى التشاؤم

حطّم معنى اليأس

علّم نفسك تصرخ : 

بس 

بس 

بس

خلها كلمه بطريقك 

خلها عنوانك

قرارك 

جهاتك 

وعيش حياتك 

براك 
١٦-٠٦-٢٠١٤
الاثنين


Thursday, June 12, 2014

وين الكويت



وين ؟ الكويت اللي عالحب تحن

اللي تخطّت ازمات ومحن

 اللي هذا على الثاني يحن

وين راحت ووين بتودّونها

وين اللي يحبّونها ويودّونها

كل روح تعطي ماوراها ودونها

كل روح لابد تعطف وتحن 

Tuesday, June 10, 2014

خيال بخيال





مابقى بيني وبينك غير الخيال

ومجرّد حلم عمره ابد ماإكتمل


موّت بداخلي لذة الإحتمال

كسرت مجاديف اللقا والأمل


ياظلم الليالي لو ناديت تعال

يامسرع الرد لو نداي فشل


للندا صدى يجرحني بعدال

و بعروق قلبي للألم محل


الخيال وطن و كون ومجال

يمسح دمع الولهان لي انهمل


الخيال صار لأمواج الهم يال

ارتمي باحضانه لو محد سأل


هذا انا من بعدك خيال بخيال

ومجرد حلم عمره ابد مااكتمل

١٠-٦-٢٠١٤
الثلاثاء




Tuesday, June 3, 2014

ليل



اشبقى من الليل !!؟

غير سوالف نجمه ..

وهمسات يال..

وموجة وله ..

مابقى فيها حيل

اشبقى من الليل !!؟

…..


الليل .. هو ذكرياتك

ضحكاتك .. همساتك

الليل من غيرك استغربته

لاعرفني ولاعرفته

الليل من غيرك … ويل

واشبقى من الليل !!؟



Monday, June 2, 2014

جليل ذات






مات 

حبّك  مات

نسياني لك دليل

وراحة قلبي

اكبر اثبات 

مات

حبك مات

..

انطوت صفحه وإنتهت

ينابيع الاشواق إنشفت

لاتترجى امل من مخدوع

ماتكسرني بهالدموع

انت بتكوين دمعاتك

جذبات

مات

٢٧-٧-٢٠١٠
الخميس

على الرف




على الرّف 

خلو المهم على الرف

والشي التافه

 مصفوف صف

خطه جهنميه

اذّتنا اذيّه

وخلّت العقل

خف

وعلى الرف

…..

مايخلون شي عدل

مايبون الواحد يدل

يتعثر بدروبه

والتفاهه صوبه

يغيبونه بأغنيه

وبصفقة كف

وعلى الرف



الاهم ماله اهميه

مومطلوبه الفهاميه

كل شي انحدر

المتفائل انكسر

وصرح الامل عالارض 

هف

على الرف

باجيلك قدر

باجيلك قدِر

رغم غيابك

رغم جفاف العمر

باجيلك قدِر

تظل بذاتي

تظل بحياتي

أعطّر خيالي بنسمتك

مو بس روحي حبّتك

كل مافيني فيك 

منجبر

باجيلك قدر



للحين الدنيا مانسّتني

عيونك اللي وعدتني

انها ماتخلّيني لحظه

مهما صار بأرضى

لو ماشفت شي يسر

للحين باجيلك قدر

18-12-2010
السبت

بالتدريج



في احدى الرحلات الى احد الدول الاورببيه شاهدت النظام واحترام القانون

واتصلت على صديق لي وسألته لماذا النظام يحترم في هذه الدول فاجابني : لان

كل شي هناك بالتدرج  فكتبت :



امم متقدمه 

لان

كل شي بالتدريج 

كل شي تاخذه بمراحل

وكل مرحله تحتاج همه

وشوية توافيج 

....

بالاول تتعلم وبعدها تتوظف

يعلمونك تجتهد قبل لا تتأفّف

بذراعك توصل لأحلامك

محد يوقف جدامك

جهدك هو واسطتك

بوقت الضيج

.....


التدرج يزرع بالناس الهمه

التدرج واقع مو بس كلمه

ليتنا نتعلم منهم مره

ونكون دول متحضره

ومانلقى للإتكاليه

طريج

...


وحده وحده بالهدى

نوصل لأبعد مدى

كل شي حلو بوقته

ماله داعي ناس متسمته

كفايه تهريج