Monday, April 21, 2008

طواله



بعد 50 سنه جدّام إحنا شبنكون

ممكن تصير شوي أحسن الحاله

بتظل قناة الوطن وسكوب وفنون

وبتظل جرايدنا همّها العباله

بنكون أسعد ناس بهالكون

ويتطمّن الأبو على مستقبل أجياله

بينتهون اللي دوم يحسدون

بتتعمّر فيلجا ومسجان والحاله

الشّمّاته ممكن بيوم ينقرضون

ويتطمّن الواحد على عياله

بيتمّون نوابنا كلّه يصرخون

وإلا السالفه بكبرها سهاله

بتهتني قلوب بتفرح عيون

وإلا السالفه طواله بطواله

بتظل باقيه مشكلة البدون

ممكن ينفرض قانون الإزاله

بعد 10 سنين احنا شبنكون

أحسن ؟ وإلا على نفس الحاله

11/3/2008
الأربعاء

37 comments:

صبا said...

مرحبا براااك

انا دايما اقول الكويت بعد 30 سنه بيتعدل حالها

واذا 50 لا بصيرون خوش ناس
وحالتهم احسن من حالتنا
لان راح تنقرض الديناصورات!!

Mohammad Al-Yousifi said...

انوجه سؤالك لسمو رئيس الوزراء و ننتظر الاجابة

فريج سعود said...

على نفس الحاله واحنا نضحك

DiLLi O MiLLi said...

علــى هالحــالة وأردى
وسؤالك وجهه للي ماسكيين الديرة
أذا أنصــلح حـالهم راح ينصـلح حـال هالديرة

قلم حبر said...

نحمد الله انا احنا على هالحالة
من الناس منهو مو لاقي لباس بس نعاله
يكفي ان ديرتنا فيها الخير والعداله
عطو شبابكم من ولا تنطرون ثمن
وكل من باجر بيشوفه بعياله
:)
صح السانك بس انا اعتقد ان هذا الزمن طول عمرهم الناس جملتهم المتداوله جيلنا وجيلكم والجيل الياي وتاكد هالشي راح يظل لي نهاية الزمن كل من يشتكي والرضى شي محال

linda said...

الله أعلم شو بيكون بالمستقبل بس احنى راح نظل نتأمل الخير دوما

mtfa2el said...

براك
عسى ما نرد قري
الحين نقول شوفوا دبي وين وصلت و احنا وين
خوفك ايي يوم نقول شوفوا غينيا بيساو وين وصلوا و احنا على حطتنا

فتى الجبل said...

هذا اذا بقينا لي 50 سنة جدام

darkness said...

تنشد عن الحاله
بعد سنين و سنين
و انشد عن الحاله هاليومين
و ارد ارفع كفي ربٍ كريم
عله يحفظنا و يحمينا من كل مكروه
ما بني على باطل فهو باطل


و اذا طبخت جاول لا توقع بتلقى بالجدر مطبق هامور

Anonymous said...

اذا استمر التأزيم بين السلطتين
اقولها وانا مغمض على نفس الحاله لي يوم القيامة

Super Woman said...

السلام عليكم

اخوي براك
والله انا قاعده اخاتي من الحين
باجي اذا تزوجت ويبت عيال شلون راح يعيشون ؟؟ منو ربعهم ؟؟

احس الناس السنعين صاروا شويه
واحس ان احنا بديرتنا بعد 20 سنه راح نحس روحنا اغراب

الله يستر من الياي
المشكله اكثر شي بالنواب صاروا يخرعون كل واحد يشوف مصلحته محد يشوف مصلحه البلد

اما الحكومه شكلها قاعده تتعدل وتفرض سيطرتها

اتمنى بس يصير حالنا احسن من الحين
والناس السنعه ترد مثل قبل

يعطيك العافيه

Selezya said...

انت جوابت من خلال كلماتك اللي سبقت السؤال :)
بس اتوقع بين البينين


عجبني هالمقطع

بيتمّون نوابنا كلّه يصرخون


وإلا السالفه بكبرها سهاله

فراوله said...

مساالورد والجوري
مبدعنا الراقي
باختصار شديد
جان ربي كتب لنا معاك طولت العمر
اللهم آمين
بيتم الحال كما هو عليه
علي قولتهم
هذا سيفوه وهذس خلاجينه
...
دمت بدفء وعذوبه
وبطولت عمر
آمين
:))

Barrak said...

صبا

وانا اقرا التعليقات انتي الوحيده تقريبا اللي تأمّلت خير

هذي القصيده ان جاز التعبير ممكن يقراها المتشائم ويلقى حلول والعكس صحيح


اشكرك ياصاحبة التعليق الأول

Barrak said...

kila ma6goog

ابي اعرف مممكن تتعمر مسجان والحاله

Barrak said...

فريج سعود


ماأعتقد

Barrak said...

DiLLi O MiLLi

انا اوجهه لكم
اقروا الكلام بصورتين
الصوره الاولى ان السالفه كلها سهاله
والصوره الثانيه ان السالفه طواله بطواله


اشكرك تفاءلي

Barrak said...

linda

ماعندنا الا اننا نتأمل خير

بس متى هالخير الله واعلم

اشكر مرورك سيدتي الراقيه

Barrak said...

mtfa2el

انت اصلا اسمك متفائل لازم
انت الوحيد اللي المفروض يقرا الكلام ويشوفه بصوره أفتح


المفروض تشوف
ممكن تصير شوي أحسن الحاله
المفروض تشوف
بنكون أسعد ناس بهالكون
المفروض تشوف
بينتهون اللي دوم يحسدون
المفروض تشوف
ويتطمّن الواحد على عياله

صح يامتفائل

؟

Barrak said...

فتى الجبل

بس يمكن تبقى 10 سنين

Barrak said...

جارة القمر


الله على كلامك

والله على اخر جمله كتبتيها

بس ياوخيتي

انتي قلتي

اذا جاول

جان زين طابخين جاول
الطبخه ماني قايل


اخ بس اخ
هم فيه امل

Barrak said...

مُحَسّدْ


لا ولا لك لوا

اذا استمر الشعب مايقدر معنى كلمة تصويت

ماراح نشوف مطر

هذا اذا احنا اصلا نبي مطر

Barrak said...

waterfall


بصراحه كلامج يخوف
بس انا بقراه بصوره ثانيه

عيالنا بيتمون يحلمون
ويقدرون يشوفون احلامهم
تدرين ليش
لان احنا شعب فينا خير
بس بايام الرخا والطفره الماديه ماادري شيصير فينا

وهذي كل السالفه
اللي عن الصج حالفه

Barrak said...

Selezya

انا كلش ملش مااحب الصراخ

وللاسف غصبن علي اسمع الصراخ بالتلفزيون من نوابنا قبل
واشوف صراخهم حتى بالجرايد
قبل وبعد واثناء الانتخابات


بس هم سهاله

Barrak said...

فراوله

مساء النور

سيدتي انا حضرت مسرحية هذا سيفوه قبل الغزو
كانت أغنية المسرحيه


هذا سيفوه وهذي خلاجينه
واحنا ياناس لا رحنا ولاجينا

اشكرك

human said...

ما مضى مضى و المؤمل غيب
و لك الساعة اللتي أنت فيها

دعوة لعدم التشاؤم فقط و ليس بالضرورة أن نكون متفائلين

Eng_Q8 said...

الشّمّاته ممكن بيوم ينقرضون

كل شي ممكن يصير الا هالشي :)

Barrak said...

human

صراحة تبي مالت الله

كلامك الرائع ماأقدر ازيد واعلق عليه

كفيت ووفيت

Barrak said...

Eng_Q8

يمكن لان الشماته صارت عنصر هام للمواطنه

Aldenya said...

:/

نتأمل خير

خمسين

اميه

ميتين

المهم

يتعدل حالنا

أمس أسولف مع أمي
عن زمانها
وزماني

طلعت بنتيجه
وهي دعوة بالقلب


جانزين الكويت ترد مثل قبل
لكن
بإزدهار


مثل قبل
بناسها
ومثل الحين
بتطورها

ان شاءالله

mantovani said...

نبقى

نحب الكويت
و نحب اهلها

كلمات حروة يا براك


واتوقع ان فلاش اهي الفضائية اللي راح تصمد

مانتوفاني

awtar said...

تفائلوا بالخير تجدوه =)
،
الأوضاع بتتعدل و اذا احنا مالحقنا عليها انشالله بوقت احفادنا كل شي جايز
حتى فيلجا يقولون بتصير شي !

Barrak said...

Aldenya

شبيدنا غير اننا نتأمل خير
وزمان قبل ماينرد


والله يطول بعمر الوالده

Barrak said...

mantovani

يبقون اهل الكويت فيهم خير

والله كريم

حلوه قناة فلاش راح تستمر

اهي ماصار لها سنه انقطعت ترليون مره

ماادري ليش من اشوف قناة فلاش اتذكر عبدالله السلمان بمسرحية فرحة امه
يمه لا لا توصيني بحبه

Barrak said...

awtar

راح نتفائل يااوتار


والله كريم


فيلجا اه يافيلجا

esTeKaNa said...

تفائلو بالخير تجدوه
:)
ان شاء الله بنكون احسن
بس قول يارب

Barrak said...

esTeKaNa

يارب ياوخيتي يارب


انا بتفائل عشانج