Thursday, November 25, 2021

غيرك مافي

 


تبرد أطرافي
والروح دفت
لي سمعت طاريك
تظل انت المنى
وعيونك ستري
ولحافي
ماالقى اجابه شافيه
تلملمني فيك
اتم بردان
واتم دفيان
على حسّك صاحي
وغافي
وتبرد اطرافي
.....
نسمات بارده
وطعنات جاحده
....تطعن اليوف
والروح صامده
للحين معانده
.....رغم الخوف
يظل القلب وافي
وتبرد اطرافي
.....

وجودك معنى الوفى
وجودك هو صفه
...تتوصّف فيها الليالي
الخفوق مااكتفى
والقلب عفـــــــى
.........لإنّك غالي
وهذا كافي
وتبرد اطرافي
............

لأحاسيس التجمّد متصوّر
ماني أبد متهوّر
.....أحبك بإقتناع
الروح وياك تنوّر
والقلب منك متعوّر
......ويفداك ماضاع
غيرك مافي
وتبرد اطرافي
.......

ترتعش الحنايا وأحبّك
مُنيتي أبقى قربـــــــــــك
..بس آآآخ ..يالأيّام
تغلبني وتغَلبِك
تصعّب علي دربك
.......وتحطّم الأحلام
وتكسر مجدافي
تبرد اطرافي

Thursday, December 24, 2020

منها اهيا

 منها اهيا

عيني اللي حبّتك

برموشها ضمّتك

وظلّت متهنيه

منها اهيا


-----------


منها زاد الشوق بالصدر

منها حبّك بالجوف كُبر

عَلّمتني على حبك

وتعلمت تشوفك يوميه

منها اهيا


--------


شاللي سوته فيني

ليش هالسواة ياعيني

صرت بس احتريه

ماعرف الا احاتيه

واتريّا


منها اهيا




Sunday, August 9, 2020

نبضي فضا

 


تلقى في نبضي فضا

ياأوفى نبض أنبضه


لو صار ماصار 

لك مدارات الصدر حضن لعيونك

لك اللي راح واللي مضى


.......


خلك بدقات قلبي الصدى

تمشي على روحي بهدا

انادي وصوتك يرويني

يادنيتي و يانور عيني

ياأجمل اسم قلبي يلفظه




Tuesday, January 21, 2020

مكسور



مكسور انا مكسور

وعنادي حطم قليبي

ظلمه دنياي مامن نور

مامن نور ياحبيبي

تعال بدد ظلامي

انثر نورك

تعال خفف الامي

تخف ترا بحضورك

مامن نور ياحبيبي

مامن نور

مكسور انا مكسور


.........



ولهت على كلماتك

تغافلني بسماتك

مالها حزه

دايم على ذكراك اغفي

وينك يالغالي الوفي

تعبت بمجرات الوله

ادور

مكسور انا مكسور




٢١-١-٢٠٢٠

Monday, April 29, 2019

وردة بساتيني




انا ماأكتب

 انا أنسخ آثار عيونج فيني

انسخ عالم حنانج اللي ضاويني

صوتي انجرح

مالقيت من يروي عطش عيني

....


ليش دايم الورد بإيدج يزهر

ليش من ابتعدنا وانا افكر

من اللي يحبونج حاولي لاتعدّيني

.....

ابي انسى اني كنت ولهان

ابي يضحك مني النسيان

وزهور التحدّي فيني تورّد

وعلى غصون العناد أغرّد

وتحتارين شتسميني


....


احرقي  كل الذكريات

بعثري كل الأمنيات

شباجي لنا غير اللي راح

شبقى فينا متى نرتاح

شبقى بعد مامات

ياماي عيني


....

اطيب قلب كنتي ياإنتي

مشكلتج انج مافهمتي

شلون ننهي غموض الذات

وشالفرق بين اللهفه والمعاناة

ياأصل الحرف بدواويني



.....

بابقى القلب اللي يحب

و حسج بالصدر منثور


لج انا الهدب ..العين ..القلب

مثل وردتين تسمع غناوي الطيور


يااجمل ورده في بساتيني



Monday, March 18, 2019

مو خوف

أحداث حزينه

مو خوف .. هي مسأله منت فاهم معانيها

أنا صارت  حياتي بإيديّاتك...... رهينه

هي حاله مابين الأحاسيس وخوافيهــــــا

هو واقع مر وبنفس الوقت شزينــــــــــه

لو تفهمني كان أحلامي عرفت أمانيــــها

لو تحسني كان لقى قليبي من يعيــــــــنه

هي مسأله تناصف كل اختلاف فيهــــــــــا

هي سالفه باختصار غريبه وحزيــــــــــنه

كثرك


مو قدرك

ألمك

ولاقدرك

باهدابي أضمّك

قدرك

أحتويك بنبضاتي

وماأخلي بشر على الأرض

يسمع كلمة حب

كثرك

ومو قدرك

،،،،،،،

أعطيك الروح تملكها؟؟

ماتوفّي


ولاأقدر

أقول : عطيتك

أحاول أخلق من الشوق

مجرى يجري بالعروق

ويسري بأطراف قليبي

لو إتّعذرلي .... مافهَمتْ

 معاك عذرك

ومو قدرك