شلون يامُتعب

 

جم مره من عرفتك 

انام واوعى وأنا متعذب ؟

جم مره طيف احلامك

كثر مايمر كثر مايجذّب

جم مره عنادك

 يجرح قلبي الطيب

مليت من كثر 

ماأشكي للورق وأكتب

مو منك انا متحيّر

من نفسي مستغرب

شلون رغم كل هذا

احبك وانا  كلّي متعذّب

الجاسي يحن

همساتك

نغمه بيوفي ترن

كلماتك

ناي يعزف شجن

سكتاتك

تخلي الجاسي يحن

ياكل العمر

يامزين أيامي

يوميه علي تعن

نغمه بيوفي ترن

….

ياورده ببساتين رويحتي

يااختصار كل دنيتي

أنت مواعيد الفرح

وابتسامات الحياة

وأفراح مهجتي

وأوفى حضن

نغمه بيوفي ترن

…

مامثلك لابعدك احد

ابد والله ابد

الشي اللي يحييني

يريحني يعنيني

يزعلني ويحن

يانغمه بيوفي ترن

مالي حظ

 مالي حظ

وأنا حنية الدنيا فيني

احلم باللقا

وواقع الفرقا يوعيني

مجموعة آلام 

هم وغثا

وامان يضيع

بخوف الأيام

تهابني الأحلام

وتخافني الأفراح

شلون ارتاح 

علميني ياسنيني

مالي حظ

وأنا حنية الدنيا فيني

….

لي حاولت ابتسم

هم الكون يتملكني

لو أخذت النسم

حتى النسم يخنقني

قولولي شبيديني

مالي حظ

وأنا حنية الدنيا فيني

….

شفايف الفرحه حزنانه

وعيون البسمه منهاره

لي وين ياعمر

ذقت أنا الأمر

يوميه تدمع عيني

مالي حظ

وأنا حنية الدنيا فيني

أنتي الهنا

 أنتي مو ذكرى

أنتي روح يديده

تنزرع بيوفي

أنتي امان هالدنيا

يطمن لحظات خوفي

ويخلي الجرح يبرى

أنتي مو ذكرى

……

أنتي اللي بقى

واللي راح

ولحظات التعب

ولحظات الجراح

أنتي الهنا بكبره

أنتي مو ذكرى

…..

ابسط معنى للهنا

أنتي أنا

أنتي العنا

الدروب الطويله

أنتي المنى

والهموم الثجيله

والروح المنكسره

أنتي مو ذكرى

…..

مو لحظه تمر

أنتي عمر

حلو ومر

وحلاته ذكرياتك 

وملاقاتك

أنتي الشي 

اللي ماابي افسره

أنتي مو ذكرى

روح يديده

لما أحضنك
احس بروح يديده
قلب تبتسم له مواعيده
حياة سعادتها أكيده
لما أحضنك 
الدنيا تصير رسمه
بالفرح مرتسمه
تصير غناوي
قدر عالفرح ناوي
وماضي يبتسم
وحاضر يمد لي ايده
لما أحضنك
احس بروح يديده
…..
حضنك مصدر سعاده
يحطم الدهر وعناده
حضنك دفى الفؤاد
حضنك وطن وبلاد
حضنك بأفراحي يتمادى
يأخذ الهم ويبيده
لما أحضنك 
احس بروح يديده

خيوط الوله

 

كل شي يروح

الا انت ماتختفي

يبقى طيفك يعن

ابقى لك احن

خيوط الوله

انسجها بيوفي

دوم حسك وفي

كل شي يروح

الا انت ماتختفي

....

شنو يعني سنين تروح

شنو يعني تروح الروح

انا باقي على حسك

بموق العيون احرسك

لو شيصير

من حبك مااكتفي

...

لو شيصير احبك

لو تغلى قلبك

رغم كل العناد

انت شمعه بالفاد

ماتنطفي

كل شي يروح 

الا انت ماتختفي

تبقى حاضر

 

تبقى حاضر

رسمه بتلاوينها

غصب عالدنيا وسنينها

انت غايب

وابقى ناطر

وتبقى حاضر

تبقى النسمه بالصدر

تنهي رياح الكدر

تبقى شهقة فرح

وابتسامات الايام

وارق المشاعر

تبقى حاضر

مستحيل نسيانك

عايش عشانك

وعشان عيونك

تراني بدونك

اكسر الخاطر

تبقى حاضر