Sunday, April 6, 2008

تبون مطر




تبون مطر

خافوا الله بديرتكم

تبون مطر

نثروا الحب بدنيتكم

وخلّوا التسامح

يغطي هالارض

بر وبحر

تبون مطر


...


تبون ترتوون .. سهله

الكل ياخذ قلب ... ويأمله

ويحضن أخوه

مايهمّه مذهبه

تبقى عناوين المحبّه

مذهّبة

بسنه وشيعه

وبدو وحضر

تبون مطر

...



ليش  شحّت السما

ويبس عود النخل

ليش الورود بالعطش متوسّمه

ليش الكون بخل

والدرب طال

وقصر

تبون مطر

...



تبون غيمه تسمع نداكم

تبون رحمة من سماكم

حبّوا هالارض إحضنوها

مثل مادارتكم داروها

وإبشروا بالمطر

تبون مطر


24/2/2008

الاحد

68 comments:

Q8DOLL said...

اي نبي مطر براك
يغسل هالقلووب ويصفي النفوس
والله صح لسانك
من ذنوبنا السما شحت
قواك الله دايما مبدع

Anonymous said...

صح لسانك :)

ليس بالضرورة ان نربط شح المطر بالذنوب فالأمطار لا تتوقف في اوروبا

Mohammad Al-Yousifi said...

أهديك برنامج الوشيحي و الهوشات الي ياية بالدرب

شكلنا ما راح نشوف مطر لي بعد مية سنة

طائر بلا أجنحة said...

براك
:)

انتفائل و لننشر الوعي عدوى حميدة بين البشر, لنتكلم بمجالسنا عن من يستحق أن يمثلنا لنناقش و نجادل, لنصرخ بوجه الظلم و اليأس و إنكسار البشر...لنصرخ ...2008 عام نطقت به الأغلبية الصامته

لا يأس مع الحياة ولا حياة مع اليأس التغير بيدنا لنعمل من أجل من يستحق

Anonymous said...

نبي مطر

يغسل هموم البشر

نبي فرحه

بسنا حرات و قهر

نبي الطيبه تعانقنا

قلوبنا صارت صخر

نبي مطر

يروي قاع الشجر

ويلون كفوف الزهر

ما زهقتوا؟

هذا يسب و هذا يلعن

ترى والله مو فخر

وينك يا مطر؟

نبي نسمع غير الفتنه خبر

تكفون!
قلبي عالديره انفطر

نبي نزرع
نبي نبني
نبي نحصد ثمر

وشلون ابنحصد ثمر؟

من غيرك يالمطر




نبي مطر

بوتشخيص said...

صح السانك .. أنا أمر مدونتك أفرغ كل شحنات البلاوي اللي أشوفها في المدونات ..أحسها محطة للراحة النفسية ..

تسلم و صح لسانك

enter-q8 said...

حبّوا هالارض وإحضنوها


مثل مادارتكم داروها


وإبشروا بالمطر


و رسالة لخوي محسد

المطر اللي يقصده براك
مو مطر الماي

اهو مطر الرمز

يرمز الى المطر فهو خير للأرض و فرحة كذلك


عساك على القوة

Peace said...

ان شاء الله ييينا مطر
يغسل القلوب
و يغذي الارض الطيبه
و من بعد المطر
تكثر الخضره بارضنا
و يعم الخير

بعثرة مشاعر said...

إي والله نبي المطر

و نبي نشوف اصدارك عن قريب :)

darkness said...

نبي مطر يهل

نبي نكون كلنا اهل

نبي و نبي

بسنا نبي متى يكون النصر؟

ما ينبني الدار الا بطول صبر

و الا ترانا ما راح نسمع خبر

و لا راح نفرح بشي يسر

:(

الزين said...

صدقت ياخوي

الدنيا شحت بالرحمة والحب
والكل شايل سلاحه

وناس تضرب بناس
والبركه انعدمت

لا مطر ولا سمج بالبحر
والجو كله معتفس علينا

والحر ياينا يركض بيهلكنا
حتى ربيع ما شفنا السنه
شاللي صار يا براك

ليش تغيرنا جذيه
حال يبجي الصخر

No3iK said...

aaawwwww 9a7 lsanik walllah
that was so beautiful and true :)

thank u for writing things that we really neeed ...

Najmah said...

اي والله يابراك

صج فقدنا المطر هالسنة :(

تبون رحمة من سماكم


حبّوا هالارض وإحضنوها


مثل مادارتكم داروها


وإبشروا بالمطر

صح لسااانك

honey said...

نبي برررااد مو إلا مطر بس اي شيئ إوسع الصدر

أنا بشوف متى إيي يوم يحتضن البدوي الشيعي

إذا هذي صارت بينه فيضان مو مطر بس

Almas said...

لحظة في سؤال

ليش الغلا بالأسعار

وكل متطلبات الحياة صار سعرها نار بنار

الله المستعان

ويهون الأمور

charisma said...

الله يرحمنا برحمته
والله غورقت عيونى
اى والله صدقت صدقت
وصح السانك

بس الدنيا بخير والناس الطيبه مثلك وشرواك موجودين يا براك
اهم الخير والبركه

والله لا ياخذنا بذنوبنا يا رب
:(

9ahba'a said...

من اجمل ما قرأت لك يا براك

اتفق مع طائر لتكون لنا وقفة ليختار الشعب من يستحق ان يمثل هذه البلد التي اعطت الكثير

كفانا صمت

دمت بحب

9ahba'a said...

من اجمل ما قرأت لك يا براك

اتفق مع طائر لتكون لنا وقفة ليختار الشعب من يستحق ان يمثل هذه البلد التي اعطت الكثير

كفانا صمت

دمت بحب

J Daily said...

صح لسانك

انت حاط البوست بتاريخ 6\ابريل

بعدها بيوم طق مطر
خيراتك يابراك (:

Q8Sky said...

براك بره قاعد يطق مطر ، اتهقى الناس حبو الارض واحظنوها ومثل مادارتهم داروها

فريج سعود said...

اي يبا تبي مطر
ونبي نسوي كل الي قلته وننتظر

Sam said...

ممم والله شيء حلو و مفرح أشوف أحد للحين مهمتم بالديرة و يحبها


(: تحياتي

Barrak said...

صح بدنك

مو بس من ذنوبنا السما شحت

اشكرك سيدتيصاحبة التعليق الاول

Barrak said...

مُحَسّدْ

المطر هنا يرمز للخير

ومن قال ان اوربا كلها ذنوب

Barrak said...

kila ma6goog

اعتقد المطر ياي بس مو هالسنه ولا اللي وراها

Barrak said...

طائر بلا أجنحة

صدقت يااستاذ

التغيير بايدينا

بسنا نتكلم عن الحكومه وعن فلان وعلان
ليش احنا مانسوي خير للارض اللي احضنتنا

اعرف شخص معروف على المستوى الاعلامي
تقرأ مقالاته تقول هذا وبس
تصدق عاد مايدري عن دوامه من سنة 1992

نبي خير وعمل بدون شكاوي

Barrak said...

Soul

كلامج اوضح من كلامي
واروع

صح لسانك

Barrak said...

بوتشخيص

وجودك اصلا اهو سبب الراحه النفسيه

اشكرك اخوي العزيز

Barrak said...

Enter-Q8

يافاهمني

فعلا هذا ماأقصده


طول عمرك محرجني

تسلم

Barrak said...

Peace

ماأدري ليش احس ان امانيج بعيده

ماني متشائم

بس الغبار خير دليل

Barrak said...

بعثرة مشاعر

اول ماتغرق الديره بالمطر راح تلقين اصداري

قولي امين

Barrak said...

جارة القمر

صح لسانك
اي والله نبي مطر يهل

نبي نفوسنا تنغسل

مانبي شي
كل اللي نبيه مجرد
أمل
ترسم ابتسامة طفل


وسلامتك

Barrak said...

الزين

شاللي صار يالزين انا اقولك

شلون تبون مطر

وفريق الازاله حب انه يشيل غرفه صغيره امام احدى المنازل ووجد فيها رجلا طاعن بالسن
قال لهم ارجوكم لاتزيلون هذه الغرفه فهي بيتي الوحيد بعد ان طردني ابني وجعلني اسكن في هذا المكان الحقير

شلون بيجينا مطر

لما واحد يمد ايده على ضابط امن ومايهمه احد
شلون بيجينا مطر لما تشوفين مشاكل الخدم واضطهادهم
شلون بنشوف مطر ومآسي دار المسنين وكثرة اعداد الابناء الذين يودعون ابائهم لدار العجزه
شلون تبون مطر
بس خلاص تعبت

Barrak said...

No3iK

صح لسانك واشكرك على وجودك

وصدقيني اللي انا كتبته مكتوب بعيون اهل الديره

بس محتاج انه نشوفه

Barrak said...

Najmah

صح بدنك

فقدنا المطر
وفقدنا التسامح
وفقدنا الخو يحضن اخوه

فقدنا اشياء وايد يانجمه وايد

ارد وأقول احنا السبب احنا
بس مره نحاسب نفسنا
خلونا من موضوع فلان قال وهالحكومه مادري شنو

Barrak said...

shahad

يحضنون بعض
انا ماابي احضان ابي احترام
نحترم الشخص لانه كويتي مو لانه من هالقبيله ولا ولد بطنها والا شسمونه

الله يهدينا ويهديهم

Barrak said...

Almas

هم الجشع ياوخيتي يبعد المطر عنا

وماابي ادخل بالتفاصيل

بس نقطه ذكيه منك

Barrak said...

charisma

فعلا الدنيا بخير والكويت بخير
بس احنا ماتعودنا تكون بس بخير
نبيها بخير وايد وايد


وايد

وسلامة عيونج

Barrak said...

9ahba'a

اشكرك ياسيدتي العزيزه

دائما افرح بوجودك


اشكرك جدا

Barrak said...

يعقووبوو


صح بدنك

الحمد لله على النعمه
بس ماكان مطر
كانت رشة مطر

Barrak said...

Q8Sky

ماأعتقد

هذا مطر يوصخ السيايير مايروي

الارض وايد عطشانه

Barrak said...

فريج سعود

انتو سوو ولاتحاتون

esTeKaNa said...

خنقتني العبرة
!!
يارب لا تاخذنا بذنب السفهاء منا
شي غريب يا براك
الغيوم تحتضن بعضها
وتصك السما
وننطر
ونستبشر
ولا ينزل مطر

ذنوبنا وذنوب هالبشر
:(
براك الأمل بالقله المصلحة والصادقه بهالديرة
عسى ربي يحفظنا ويحفظ ديرتنا

:)
بوست فكرته جميلة
نحتاجه في الديوان

فتى الجبل said...

الله يرحم هالديرة برحمته

فراوله said...

مساالورد والجوري
مبدعنا الراقي
ودنا بمطر...ومو بس مطر
نبي شلال منهمر
يغسل هالقلوب وهالنفوس اللي شانت
بنواياها الغريبة
اعوذ بالله من شر هالنفوس
بس اقولك شي
قول آمين
الله بخلي هالارض وبيغسلها
بمطر دام فيها نفوس طاهره مثلك
وشرواك
:)
دمت بدفء وعذوبه
ابدا
:)

Anonymous said...

صدقت واللة

ذنوبنا زادت واللة يعينا

Barrak said...

ماأعتقد راح ينزل مطر

شوفوا جريدة الراي صفحه 73

Anonymous said...

المهم ينزل مطر بقلوبنا عشان يغسل قلوبنا ومن بعدها راح ينزل مطر ربك

Shaima'a Alkandari said...

اى نبي


كل شي نبي


ونبي قلوب بيضه تحتضنها الكويت ونبي الكل يتغير ويصير نفس قبل واحسن من قبل ويصفووووووون النيه


ونبي مطرررر

علشان يغسل قلوب الناس

Barrak said...

Sam

وايد يهتمون بالديره ويحبونها

وايد وايد

واشكر مرورك الاول

وسلامنا لسمير

Barrak said...

esTeKaNa

مو بس انتي اخنقتك العبره

شقول بس

الله كريم

وان شاء الله راح نحاول نضيفها بالديوان
بس اخاف يقولون شقصدك بالمطر

واروح فيها

Barrak said...

فتى الجبل

اللهم آمين


اللهم آمين

Barrak said...

فراوله

مساء الورد
اي والله شلال منهمر

بس اعتقد سالفة الشلال بعيده وايد
لسببان
الاول ان احنا بالكويت ماعندنا جبال عشان نشوف شلال
والثاني
اليوم بجريدة الراي اب يترك ابناءه في ممشى الخالديه

بعد تبون مطر
ايه هيّن
وعلى قولة خشيم الفار
ايه ويهي

Barrak said...

حسافتج يا كويت

مطر يغسل قلوب
يبيله مطر ممزوج بقطراته
تايد الغسيل اللي مفيش مستحيل

Barrak said...

Shaima'a Alkandari

نبي ونبي

وايد نبي

بس ليتنا مره نعرف شنبي

والله كريم ياشيماء الله كريم

SolaimaN said...

مممممممواه

ايلوموني فيك بعد اذا قلت حبيته؟

يسلملي هالتم والله

Glass Fabric said...

9a7 lsanek :)
el mo6ar anwa3 :
1- ma6rat khair
2- ma6rat shega ya3ni mo khair :p
ya3ni mo kel elli e6eg 3ndhom mo6ar merta7een bel 3aks metla3wzeen ...
ya3ni el mo6ar mo dayman khair ...
fa e7na nabi ma6rat el khair o allah yarzegna mn khaira enshalla :)

الشق عود said...

تفضلو بزيارة موقعنا والذي ينقل آخر الاخبار والتطورات في الدائرة الثانية بكل شفافية بدون اي تحيز لأي مرشح كان
وأرجو من صاحب هذاالموقع ان ينشر عنوان موقعنا وشكرا
http://ommah2.blogspot.com

Anonymous said...

ما شالله مبدع !

المطر جميل و الله اييب الخير ان شالله !

أمانة ، لا تتهاون في نشر ديوان خاص لك

لو كل واحد قال لا و لا شلون جان ما شفنا و لا كتاب بالعالم :)

بالتوفيق

GUCCI-q8 said...

يعطيك العافيه
بس متى يكون في مطر؟

the.thinker said...

صح لسااانك

وبلوق أكثر من رائع =)

والله ييب المطر

Barrak said...

SolaimaN

الله يلوم اللي يلومك


لاموني اللي غاروا مني

مشكور

Barrak said...

Glass Fabric

صح بدنك وأشكرك على زيارتك الاولى


صحيح المطر أنواع
بس المعروف عن أهل الجزيره العربيه يستبشرون بالمطر
والمطر ممكن ان يهدم وومممكن ان يبني
هذا اذا كان تركيزنا على المطر

سيدتي
بدأت في مطلع هذه الابيات بجمله استفهاميه
تبون مطر

تبون المطر اللي اذا نثرتوا الحب والتسامح راح يغطي بر وبحر

تبون المطر اللي يروي
مجرد استفهام
وكل يختار قطرته

Barrak said...

الدائرة الثانية

شكرا

Barrak said...

Mai

اشكرك على وجودك

وان شاء الله لن أقول لا

Barrak said...

GUCCI-q8

اشكرك على مرورك الاول
وجوابي على سؤالك


تبون ترتوون .. سهله


الكل ياخذ قلب ... ويأمله


ويحضن أخوه

Barrak said...

the.thinker

تشرفت بمرورك الاول
سيدي الفاضل


والله ييب المطر

care olders said...

نوفر لكم الان افضل جليسة مسنين بالقاهرة على الاطلاق وكذلك افضل دار رعاية المسنين بالقاهرة الذى يسعى لتقديم جميع الخدمات المتعلقة بالاهتمام ورعاية المسنين وتقديم لهم افضل سبل العناية وتعويضهم بعد ذلك المجهود الذين قاموا به مع اولادهم ولربما ايضا مع احفادهم لذلك فهم يستحقون منا كل تقدير واحترام فى رعاية المسنين بالمنزل مصر الان