Tuesday, May 27, 2014

ناس سَمحين



في ناس بيناتنا

مالهم حس

سمحين 

مو معروفين

ماشفناهم بجريده

ماسمعنا اساميهم بقصيده

بس لهم قيمه بحياتنا

فيه ناس بيناتنا

.....

ناس تحب الوطن بلطف

غير هالارض ماتعرف

تتألم وهي ساكته

لهمومها قامته

يحاولون ياخذون بإيديّاتنا

فيه ناس بيناتنا

....

متروين بكل تصرفاتهم

محد حاس بمعاناتهم

السماحه بعيونهم منوره

قلوبهم عالبلد متعوره

يدارون لنا امنياتنا

في ناس بيناتنا

...

منطقهم نعيش لنبني

اسلوبهم احبك وحبني

همهم نعيش بسكون

ودهم يساعدون يبنون

بس محد سوه سواتنا



يوهره

اعذره 

مهما طال غيابه

وطوتني رياح الوله

و شراع هواي 

إكسره 

اعذره

.....


اعذر مواعيده اللي راحت

تعذره روحي اللي ناحت

و دموعي اللي طاحت

وانا انطره

واعذره

......


مهما سوه معذور

باتحمله مجبور

ولو زادت الكدور

يظل بعيوني 

جوهره

واعذره

......


يغيب وبالبال ينطري

شوفته بعمري تنشري

اهو الدرب اللي بنظري

وانا الدرب اللي 

بنظره

واعذره


١٢-١٠-٢٠١٠
الثلاثاء

كل شي وصل حده


هالصبر 

 ماني قدّه

تحمّلت الكثير 

تعذّبت بضمير

هقيت باتحمّل 

بس كل شي وصل 

حدّه

مو قدّه هالصبر

لاماني قدّه

.......

حاولت .. ماقدرت

بعدك ..  انكسرت

نشف الوريد من الوله

تعبني القلب بأسإله

متى القاك

متى اشوفك

مره وحده

مو قدّه

هالصبر 

لاماني قدّه
....

لو تحس كان ماغبت

وحسّيت شكثر تعبت

ضاجت الدنيا فيني

ماتت احلام بعيني

والروح منهدّه

مو قدّه

هالصبر

لاماني قده

....

شاللي بيصبرني يابعيد

يوميه همي يزيد

الدقيقه بلياك تذبحني

الدقيقه بلياك تخنقني

وأحوالي من اردى

لي أردى

مو قده موقده

١٢-١١-٢٠١٠
الجمعه

وياك






ويّاك ...

خذني وياك

لأي عالم ..

لأي مكان..

فيه احزاني تنهان

خلني طير

يرفرف بسماك

وويّاك 

خلني وياك

.......


ودني لدنيا تمنيتها

دنيا بعيونك لقيتها

ابي الخطوه تسبقني

ودني ودني لاتردني

مسراي مسراك 

ووياك 
......

ووياي خلك وياي

خلّك نجوم سماي

والهوى اللي اتنسّمه

خلك الكون والسما

بحط

راسي على يمناك

ووياك
.....

 محتاج تاخذني

محتاجك تلملمني

تبعثرت من غيرك

ارحم اسيرك

ومن عشق هواك

ووياك

...

ياآخر مدى لأحلامي

من غيرك ضامي

و اخاف انكسر

شوفتك فوق انها تسر

تجدد بروحي غلاك

وياك 

خذني وياك

٢٢-١١-٢٠١٠
الاثنين

Monday, May 26, 2014

تبقى لي امل

تبقى لي امل ..

يجدد بداخلي احلامي ..

تبقى لي امل ...

يروي عمري الضامي ..

تبقى لي اللي بقى لي ..

واللي راح 

واللي ماصار 

واللي حصل

تبقى لي امل .....


...........

 امل ..

حييت عشانه

أمل ..

له مكانه

امل ..

لروحي الولهانه


امل ..

عمره ماذبل

تبقى لي امل


براك

Thursday, May 15, 2014

من لك ؟؟




خلّك ..

من مواضيع الحب ..!

والشوق والقلب ...!


خلّك ...

 نور سطع بيوفي

لو تغيب .. أدلّك

خلّك
...


اترك كلمات اللهفه  ...

 ولواهيب حروفي المعترفه  ...

ورعشات الشفايف  ...

اترك كل شي ...

وتعال بعيني ... محلّك

وخلّك ...

...

لاتهمّك .. شهقة الروح

لايهمك .. كل هالبوح

ولاآثار الغلا ..

مالي غيرك

وانت من غيري ... من لك 

وخلّك .. خلّك 


٨-٥-٢٠١٤ الخميس

حب خفي




أكتفي !!

مااكتفي ..

يالحب العذب

يالقلب الوفي

أكتفي !!

ماأكتفي ..

..


بعد أبي .. تقول وتحجي

وحروفك بيوفي .. ترتجي

بعد أبي .. نيران اشواقي

ماتنطفي ...

أكتفي !!

ماأكتفي

....

١٥-٤-٢٠١٤