Wednesday, April 30, 2008

مافي بترول



لو جفّت الأرض

واختفى البترول

وقل المخزون

بنلقى ناس يقزّون؟

بنلقى ناس يتحلطمون؟

.....


بنطالب بالزّياده ؟

بننسى طعم الرباده؟

بترخص أسعار الأراضي

ماراح نلقى أحد فاضي

النّاس بيهجّون

....

بنشوف حملات للترشيد؟

بنشوف مواطن سعيد؟

راضي بمصيره وقانع

بنحس بإراده ودافع

فيه ناس بيتسنّعون

.....

راح يكون فيه استجوابات؟

راح تتغيّر الحجابات؟

مافي حجاب بو روب

مافي حجاب بو تيوب

بتكون الديره

أأمن مكان بالكون

لو قل المخزون

....

جم مواطن بيصمد بالديره؟

بتكون القلوب مليانه غيره ؟

بنغار على تراب الوطن؟

بينتهي موضوع الفتن؟

الناس بيتغيّرون

....

بنروح المارينا والأفنيووز؟

فيه أمور ممكن عنها نيووز؟

بننسى الكشخه والكماليّات؟

بنعيش أسعد حياة

وعيال الديره بيفرحون

لو جفّت الأرض

وقل المخزون

68 comments:

صبا said...

هلا وغلا يا براك

صبا said...

لا والله ما اعتقد بيصمدون

انت شفتهم بالغزو اشلون قبوا من اول يوم ؟؟

حتي ما قاوموا ربع المده
يعني قبل ما يعرفون شالسالفه طلعو وخلوها وهيه بعزها وخيرها

الله يعافي التابعيه عند وايد ناس خاشينها حق وقت العازه

charisma said...

اعتبر الى قريته حلم جميل
نتمنى يتحقق

وصباح الورد يا براك
:)

Mohammad Al-Yousifi said...

يمكن يصمدون

بس نصير مثل البحرين

كويــتي لايــعه كبــده said...

استبدل "لو" بـ"لما" ء

النفط ليس للابد
وتخطيط الحكومة لايجاد اقتصاد بديل او حتى دعم الاقتصاد النفطي بغيره غير موجود بخلفية الصراع السياسي على السلطة داخل الاسره وخارجها وتأصل الفساد بكل اشكاله بهدف المصالح الشخصية

طافنا القطار
عامة الناس لم تلاحظ
واللي لاحظ شاف الخطر بعينه
اما "الكباريه" دارين وهم من فعلها
وقناعتهم الآن "اخذ اللي يطلع بيدك قبل لا الديره تطير"
الكويتي العادي من يطالب بالاصلاح
وما شفنا شيء من الخراب
اللي جاي الله يرحم حالنا منه

فتى الجبل said...

وليش ما يتحقق وديرتنا بخير ونعمة؟

Super Woman said...

اخوي براك

امس طفت الكهربا ساعتين
ساعتين غيرت اليوم

هدووء وصفاء بال

شلون لو تجف الأرض مثل ما تقول ؟؟

اعتقد واااااايد أشياء راح تتغير
وياليت لو يهجون من الحين مثل ما تقول

عسى الديره ترد الأهلها ونعيش براحة بال

وود وحب وسلام
وعسى بس يهجون وتكون مصالح الناس كلها لصالح ديرتهم

احلى كلمه قلتها يهجون صج صج صج حبيتها
ويا ليت والله لو تصير الحين


مبدع كالعاده
بس مادري ليش هالمره احس انك يبتها بالصميم
بخاطري هالتساؤلات من زمان
وانت سألتها عني

عسى ابداعك يدوم ويدوم
وما تحرمنا من كتاباتك

Unknown said...

والله لو الكل عنده نفس الرؤيا دا لحلت مشاكل كتيرة فى دول الخليج عامة
والكويت خاصة
احترامى لك

charisma said...

سامحنى يا خوى على التقصير
تونى انتبه على البوست الى قبله

عظم الله اجركم
وبجنات النعيم يا رب

االله يرحمها ويصبركم على فراقها

U-Turn said...

كلــمات بــس مو مجــرد كلمــات ..,,

أحلى شي بيتغير حجاب بو روب لووووووووول
الله يســمع منــك عـــاد ما نجــف مره وحــده ;p
عشــان الله لا يعــوزنــا حق أحـــد ان شــاء الله

كلمــــات عجبتنـــي وايــد
وتستـــاهل "وقــوف وتصفيــق بعــد "

يعطيـــك العافيــه أخــوي بــراك

darkness said...

بننطر لين يخلص المخزون؟

ليش ما نتعدل قبل هالشي؟

عفوا اخوي بس الي صاير يلقى ترحيب و مباركه من الاغلبيه و اللي رافضين مو قاعدين يسوون شي بس واقفين على الجانب يتفرجون

لما الناس تشجع ان القروض تسقط

و الاصوات المسموعه بس الاصوات المؤيده

و الباجين ساكتين يتفرجون

لما تصير موضة احجاب المتفوخ و تطلع البنت جدام اهلها و لا احد يقول لها شي

لا و صارو الامهات قبل بناتهم

و عفوا بس بقولها و هالشي حتى ريلها ما يمنعها عنها

و حتى اللي يتقدمون ما يرفضونها لهالمسخره اللي مسويتها؟؟

لما سوو حملة ترشيد

مع العلم لي ماخذ عليها

بس هل احنا بحاجه لحمله عشان نخاف على الكهربا و الماي؟

بننطر لين يقل المخزون؟

شراح يكون؟

الاغلبيه بهجون

و بيني و بينك يا ريتهم من الحين يتركون
عشان يوفرون


:(

GUCCI-q8 said...

لو مافيه بترول كانت تتشابك الأيدين
ما فيه حضري بدوي عيمي طائفي مصطلحات يديده وغريبه وأحزاب
لو ما فيه بترول..... بس
ما يدرون أن النعمه زواله
شبتقول شبتخلي
وأنا ما أقول ألا


رائعه من روائعك المعتاده

Selezya said...

يووه الله يستر
بكل الحالتين فيه الشين والزين

قلم حبر said...

كتابات رائعة
وللأمام سر
say hi to om Barrk
:)
and tell her from bent 3azeza :)

بـنـت بـطنـهـا said...

عساه ما يقل ولا يخف المخزون

وعسانا بخير دايم يا رب

بارك الله فيك يا براك وعسى الله يصلح الحال يا رب ونرد مثل الاول واحسن

إذا بعض الألم باقي .. ترى بعض الأمل ماراح

The Voice Within said...

ليش لأ كل شي جايز

تسلم ايدك

Barrak said...

صبا

هلا فيج ياصبا ياصاحبة التعليق الأول

ويه ياصبا وين رحتي
السؤال المهم
شنو الشي اللي احنا قاعد نسويه عشان الوقت النشفان
فيه خوف من الله بمصاريفنا
فيه انصاف بالتعامل مع هذه الثروه
ممكن نبني وطن الحب والوفى والتآالف اهو راس ماله

كتبت هذ ا الكلام لاني اريد ايصال جمله بسيطه

هل الحب يبني وطن

وهل البترول صنعنا منه حبا ام هو صنع لنا بلاوي متلتله بعيد عنّك

اشكرك

Barrak said...

charisma

شي حلو لما كلامي يترجم لحلم
هذا اللي ابيه
احب احلم
واحب تشوفون حلمي

سيدتي الراقيه

انا وايد احب هالبلد وايد وايد
واحب احلم بمستقبل افضل

حلمي وطن كله حب


اشكرك

Barrak said...

kila ma6goog

اعتقد نصير نفس اليابان


بس فيه قز

Barrak said...

كويــتي لايــعه كبــده

طافنا القطار

لاابد ماطافنا
تدري ليش لاننا الشعب الوحيد بالعالم اللي جربنا العيش بوطن بلا كهرباء قبل سنين عدّه
كل العالم شاهد التعذيب وشاهد صبر أبناء الوطن
والتفافهم حول الشرعيه الكويتيه

ابناء هذا البلد صادقين بحبهم للكويت
ولكن مشاغل الدنيا مرات تلهي الواحد

السؤال المهم احنا شسوينا
شلون نشوف باجر
القاطار مايفوت بلد فيها ناس طيبه وراقيه مثلك
لما تتكلم تنطق حروفها وفيها حرقه ليش مانصير احسن
ليش احنا مانصير احسن بالاول
شوفي بيناتنا شنسوي
خل ناخذها على الجانب الاجتماعي
في مصاريف بالملايين تندفع للكماليات احنا ندفعها
كلنا تحوشنا انفلونزا بالصيف من البرد داخل البيت
قبل لانقولها سووا خل نسوي احنا بالاول
ونحب هالبلد افضل ونعرف ان النعمه زواله اذا ماحافظنا عليها
وايد تحجيت
قلبه متروسه

Barrak said...

فتى الجبل

لاننا عندنا مشكله

على كثر زيادة ايراداتنا على كثر ماتزيد مشاكلنا

ترى الخير الوايد بدون اداره صح
يسوي سواة نكته سمعتها
مره واحد ربح مليون دولار شرى رونالدو


هههههههههههه

Barrak said...

ShLaLaT


تدرين شالحلو بشلالاتك اقصد كلامك

ان الواحد يبتسم وهو يقراه

تدرين ليش

لانج باختصار بعد قرائتي لتعليقك الراقي

تبينهم يهجون

خوفج يهجون عقب مانشيّب

ويصير الواحد ان ضحك مايلقى الا ضرس واحد ومسوّس


اخاف يهج منا العمر قبل لايهجون

Barrak said...

نهر الحب

اشكرك على مرورك الراقي


انا قايلّهم يجربوني شهرين وزير مارضخوا لمطالبي البسيطه

Barrak said...

charisma

مامن قصور ياوخيتي

اجرنا واجرك
ووكلنا لها

مشكوره

Barrak said...

U-Turn

اذا ماميش مخزون
انا ابصم حجابات بوروب ماتدور

بتشوفين ياوخيتي كشيش الله لايوريج


وبنرد على ايام الديرم


صج الديرم ليش كانوا يحطونه قبل

Barrak said...

جارة القمر

كل هذا فيج ياجارة القمر


انا قلت حلموا بس حلموا

على قولة عبدالحسين

هذا حلم حلم


وكلامك اتمنى الكل يقراه ويفهمه

لانه عين العقل

اشكرك

Barrak said...

GUCCI-q8

هذا اللي حبيت اقوله وواوصله
شي حلو لما الواحد يفهم كلامك بالمعنى اللي انت تقصده

شي يشرف لما القى شخص يفهم ويعبر بدالي

وايد يريح هالتعليق

Barrak said...

Selezya

الله كريم


ويزيد المخزون
وننحرم من اللي يقزون


واشكرك

Barrak said...

قلم حبر

اشكرك واشكر قلمك


والسلام وصل يالعزيزه

Barrak said...

بـنـت بـطنـهـا

الامل بكبره ماراح

اشكرك على وجودك

الله يحفظك

Barrak said...

The Voice Within

وانتي الصاجه
عند العيايز كل شي جايز

قلب طفله said...

للاسف كل ما زاد الخير

و المخزون زاد الحسد و الطمع و التفرقه

نبي نرجع ديرة الخير و الطيبين

حتى لو قل المخزون او حتى اختفى

بنتم و بنكون عيال هالديره اللي

بيعمرونها ان شاء الله

صح لسانك يا براك و تسلم يمينك

رائعه من روائعك المعتاده

دمت بسعاده

فريج سعود said...

احسن شي بيصير بنرجع حق فريج سعود
يعني انسى اروح مدينة جابر او الخيران او قلعة وادرين
واذا هذا الي بيصير جان زين يخلص النفط ومنهم نخلص

`~MnO YeNSa! ~` said...

اللــــــــه
صج
ضج
طريقة توصيلك للموضوع
راقية

من خلال نصك .. كأنك تعترف بقضايا الكويت بصورة نص شعري راقي يخفف هم تلك القضايا .. و من ثم من التأثير محاسبة النفس بما اننا كويتين بافتخار


..
دائما
اقرأ و استمتع

U-Turn said...

لووووووووول
ايام الديرم يا حلوها من أيام

راضيين نشوف هالكشيش أحسن من ناطحات السحاب الي على روسهم

قمت ما اداوم محاضراتي بسبتهم " وجودي وعدمه واحد " مــا أطالع شي منهم ..,, لا وكله يحتلون الاماكن الاولى :D


وإجابة ً على تسائلك ليش يحطون الديرم ..
المفــروض عشــان سبب جمــالي
لووووول بس حلو لو ما تصير الضروس سوده يعني الي تحطه لازم ما تضحك " خطر على المجتمع إذا ضحكت

Mother Courage said...

آنا ما راح أصمد .. ما نعبر

why me said...

عجيب انت

هالسؤال كان على بالي صارلي جم يوم

يمكن ناس يصمدون ويمكن ناس يسافرون

:))

SHAHAD said...

تصدق يمكن هذا الحل الوحيد لمشاكلنا !
راح نعرف الي قلبه كله حب للديرة ولترابها
واللي بقلبه حب للمحزون والفلوس بس !
مبدع يا براك : )

Sn3a said...

تهقى لو مافي بترول
جم مواطن بنصير؟
والسؤال الاهم
جم (مواطن) احنا الحين

~warda~ said...
This comment has been removed by the author.
~warda~ said...

الفترة التي سبقت ظهور البترول
بلا شك كانت جميلة ببساطتها
بتماسك ابنائها وطهارة قلوبهم من الأحقاد والحسد والامراض التي نراها اليوم
..
اعتقد يا براك انه العيب فينا والبترول بريء من كل التهم فما هو الا نعمة من الله ونحن من أسأنا استغلاله في إشباع رغبات شخصية وإرضاء لنزوات بعض النفوس الدنئية التي باعت ضمائرها بثمن بخس

ولكن تظل الكويت بخير بوجود أمثالك من الناش الشرفاء .. فتسلم ايدك يا خوي

Anonymous said...

كنت مار بين المدونات

قلت اوقف عند محطة الإبداعات

لو يوقف البترول


صج بنتوهق جم يوم لكن بتشوف الرياييل شلون بتطلع وقتها

hamdool said...

بسم الله الرحمن الرحيم

لا يغير الله ما بقوم حتى يغيروا ما بأنفسهم

صدق الله العظيم


العلّة فينا مو بالمخزون أخوي براك

يعني لو راح المخزون، بيطلع شي ثاني
مثل الإستثمارات أو غيرها .. أكو
حقد و حسد و عين ضيجه و عدم أمانه

لازم الكل يتذكر إن الله فوق

و خل المخزون لا تضيق خلقنا

:) la7geen 3ala hassalfa
cz kel shay yekhalle9 w ma ydoom
ella sub7ana ..

Thanks for the great words though

فراوله said...

مساالورد والجوري
مبدعنا الراقي
شلال أحلامك هالمرة فيها فلسفة عجيبه
يمكن حطة صبعها علي جرح
بات ينزف من كثر ماشاف
من ناس اشبه بالانتهازيه
وبعيدين كل البعد عن الانسانية
وهنا اشبه البعض وليس الكل
لانها لو خليت
خربت
...
وصدقني دام في أوادم صمدوا بالغزو
اكيد بيكون في ناس بتحملون
قلة المخزون
دمت لنا
مبدعا
وراقيا
ابدا
:))

Eng_Q8 said...

الله لا اييب هاليوم

sologa-bologa said...

نظرتك بعيدة وقريبة بنفس الوقت

مو بس لو قل المخزون
او صار النفط ماله قيمة خصوصا مع
البحث عن بدائل للطاقة
او حتى خلص النفط
شنو بنسوي


اقترح مشاهدة مسرحية كويت سنة 2000 اللي كتبها سعد الفرج قبل اكثر من 40 سنة
اللي حتى الخثرة
صارت عليهم بالحسرة

ودمت بحب وود

magnoonah said...

للاسف الحين بوجود الخير والنعمه بكل مكان تلاقي الاغلبيه مو عاجبهم شي ومعترضين على حالهم


تخيل لو مافي مخزون ولا بترول ولا حتى بدائل

محد راح يتحمل والي بيتحمل راح بقدر يستمر

تعودوا على النوم والرباده والشي سهل وين تبيهم يتعبون


ان بس قول الله يستر علينا ويوفقنا للي فيه خير ديرتنا

ياسر الغسلان said...

صح لسان

honey said...

يقول عمر بن الخطاب عن الأموال و هو يبكي
" و تالله ما أعطى الله هذا قوما إلا تحاسدوا و تباغضوا، و لا تحاسدوا إلا ألقى الله باسهم بينهم "

الله لا يخفس فينا عايشين بنعمة مو عارفين . قدرها و إذا صار شي مالنا غير هالديرة:\

Barrak said...

قلب طفله

صح كلامك
كل ماتزيد فلوسنا وخير البترول
كل ماتزيد مشاكلنا
المفروض يخلقون وزاره لمعالجة الفائض في الميزانيه

ويعينوني وزير

وانتي وكيله وزاره
اشكرك
واشكر قلبك

Barrak said...

فريج سعود

يخلص النفط ممكن
لكن منهم نخلص امل املك

لاتسالني ليش

Barrak said...

منو ينسى

انا اللي دائما اسعد بتعليقك وكلامك عامل مشجع لس
اشكرك

كل منا فكر بهالموضوع
بس انا قايلكم لاتخلوني اقعد بروحي اشط بعيد بعيد وايد


وانتو كيفكم عاد
امس كاتب قصيده عن البرد
وانتي كيفج

Barrak said...

U-Turn

الكشيش هذا موضوع ماراح نتكلم فيه لانه موضوع متفرع


موضوع الديرمه

انا بالنسبه لي ودس القى وحده حاطه ديرمه

هالايام ماكو
ياتافخه حجابها
ياتافخه براطمها
الحمد لله والشكر

Barrak said...

Mother Courage

انا اعبر

بس بشرط يعطوني كرتونين بيبسي

Barrak said...

why me

انا من سنين وهالسؤال ببالي



ان شاء الله الكل يصمدون

Barrak said...

SHAHAD

اي والله هذا الحل الوحيد لمشاكلنا

اشكرك

Barrak said...

Sn3a

سؤال كبير من انسانه سنعه بمعنى الكلمه

Barrak said...

~warda

والله ياورده كلامك هعين العقل

ماورى تعليقك تعليق

اشكرك

قلتي اللي انا بقوله

يعجبني تفكيرك

Barrak said...

حسافتج يا كويت

حياك الله

الابداه نتعلمه منك ياخوي


كلامك صح

وجبتها هالجرح

Barrak said...

hamdool

حي الله بالغايب الحاضر


هلا اخوي

احب صراحتك
اي والله العله فينا

كلامك ووجودك يسعد

اشكرك

Barrak said...

فراوله

كلامج كله تفاؤل
كله امل

يونس

اشكرك
واشكر روحك المتفائله

Barrak said...

Eng_Q8

راح يجي هاليوم

لازم نستعد له
او نجهزعيالنا لهاليوم

Barrak said...

سولوجا

اللحين بتقول مامدانا سولفنا فهالموضوع
متى مداني كتبته


فعلا ممكن يكون قريب ممكن يكون بعيد

تصدق مسرحية الكويت سنة 2000 قريتها عالورق بس ماشفتها كلها

مشكور ياخوي
ممكن تسلفنا مليون من فضلك

Barrak said...

magnoonah

النوم والرباده عودونا عليه
كلنا بعد الساعه 5 المغرب ماندري وين نروح وشنسوي
فراغ يولد رباده


كلامج جميل يامجنونه

Barrak said...

ياسر الغسلان

صح بدنك

تشرفت بوجودك سيدي

Barrak said...

shahad

كلامج كبير


يارب الطف فينا يارب

esTeKaNa said...

رغم ان مخزون وبينتهي
ووضع سلبي وخطوة للوراء
الا انك جعلتنا نتمنى ان ينتهي
!!
لنعود اصحاب القلوب البسيطة
المتعاونين في بناء سور
العاشقين للبحر
المتعاونين في كل الامور
لكنا نسينا فلان شصله
وفلان شعنده
وترفعنا عن توافه الامور
لكنا على قلب واحد
يغار الجار على بنت جاره
ويربي الرجل كل ابنائه وابناء غيره
زمن جميل
!!
سمعنا عنه
حرمنا منه
ليته يعود بحله جديده
وروح اجمل
ليته يعود بالرخا
دون ان نحتاج ان نعود للفقر
:(

Barrak said...

استكانه

سيدتي الراقيه

بلا مقدمات
وبدون مبالغه

بعد قرائتي لكلامك الرائع

بصراحه المفروض اشيل البوست واحط بداله تعليقك

قريت القصيده بشكل ثاني بعد كلامج

اشكرج