Thursday, May 27, 2010

يخوت



مابي حياة البذخ على الساعات واليخوت

وخدم وحشم..... وملايين ومعجــبين

الغنى مو بكثرة العقارات.... والبيــوت

الغنى غنى النفس ومساعدة المحتاجين

الدنيا عبارة عن لحظة..... وتفــــوت

الدنيا اكيد .... بتحلو ...وتــــزيـن

الفلوس ممكن تكون زاد... وقـــــوت

بس  بوقت الشدّه ...ماتعــــــــين

القناعة اللي تعين .. مــــو... اليخوت

يارب لاتحرمنا منها آمـــــين ....آمين


٣٠-٤-٢٠١٠
الجمعة

Tuesday, May 18, 2010

الرؤية معدمة




ودّي أفهم الواقع

بس ماأفْهِمَه

 فيلم هندي

بدون ترجمة

 أحداث غريبة

و تصرفات مريبة

تخلّي صرح التخلّف

راكز على الأرض

وواصل لي السما

ودي أفهم الواقع

بس ماأفهمه

.....

أسأل الناس شالموضوع؟؟

تجاوبني عويناتهم بدموع

أسأل ربعي شالسالفة ؟؟

أشوف عيون خايفة

وويوه مقلدِمَه

ودي أفهم الواقع

بس ماأفهمه

........

يمكن أنا ماأعرف أسأل

وعايش بأوهام وأتخيّل

أكيد العيب فيني

فيها شي عيني

الرؤية عندي

مُعدمه

ودي أفهم الواقع

بس ماأفهمه


الأربعاء
١٨-٥-٢٠١٠


Wednesday, May 12, 2010

ظَهَر




قبل لاتدوّر وظيفه دور ظهر

يسندك بمشوار حياتك المهنيّه

يخليك تبتسِم آخر الشهر

ويبعدك عن اللويه و الأذيّه

هو بلسم الحياة ودوى القهر

و سبب التسيّب والمحسوبيّه

لاتقول العمل جد  وسهر

حبيبي فتح عقلك شويّه

الوظيفه ماتبي خبره تبي ظهر

حطّه على يمناك وتنعّم بالدنيا

٢٩-٤-٢٠١٠
الخميس

Tuesday, May 4, 2010

أبي أطير




أبي تغيير

و حياتي غير تصير

أبي تغيير

أعيد ترتيب أموري

ابي أرضي غروري

فيني الكثير

أبي تغيير

،،،،،،،

بأحقق ذاتي

بأغيّر جهاتي

بارسم أمنياتي

دون أي تأثير

أبي تغيير

،،،،،،

محتاج  أتغيّر

كل شي يتكرّر

نفس الوجوه والمشاهد

أبي يوم واحد

تنخلقلي جنحان

وأطير

أبي تغيير


٢٥-١-٢٠١٠
الثلاثاء